Ein­stakar húðmeðferðir sem auka heil­brigði húðarinnar

Augustinus Bader andlitsmeðferð

Augustinus Bader andlitsmeðferðin er vísindalega studd meðferð sem sameinar verðlaunaða húðmeðferðartækni og sérsniðið andlitsnudd til að örva endurnýjun frumna. Meðferðin hjálpar til við að bæta boðskipti frumnanna sem eykur blóðflæðið, bindur betur inn rakann, stinnir húðina, jafnar hana og endurnærir. Hún hreinsar yfirborð húðarinnar og eykur efnaskiptin, þannig þéttir hún húðina og kemur í veg fyrir að vatn tapist um húðþekjuna.

Samspilið á milli formúlanna í vörunum og hreyfinganna í nuddinu bætir frumuboðskiptin og stuðla þannig að endurnýjunarferlinu. Hægt væri að hugsa um vörur frá Augustinus Bader sem verkfærakistu sem húðin nýtir það besta úr. Vörurnar leysa ýmis húðtengd vandamál á mjög áhrifaríkan hátt. Meðferðinni lýkur með afeitrandi og rakabætandi andlitsmaska sem gefur húðinni einstakan ljóma.

Einnig er hægt að bæta við LED meðferð sem hjálpar til við heilbrigði húðar, dregur td. úr fínum línum, minnkar bólumyndun, dregur úr rósroða einkunnum og exemi, minnkar ör og hefur ýmis önnur húðbætandi áhrif.

Hollywood-liðið notar Augustinus Bader

Augustinus Bader-húðvörumerkið hefur á örfáum árum breytt leiknum í bransanum með gríðarlegri velgengni. Hollywood-liðið heldur varla vatni yfir þessum snyrtivörum sem hafa hlotið yfir 50 verðlaun en eitt af kremunum þeirra, The Rich Cream, var valið besta krem allra tíma af 300 sérfræðingum í faginu.

Áratuga þróun að baki húðvaranna

Augustinus Bader hefur varið yfir þrjátíu árum í stofnfrumurannsóknir og í það að þróa tækni sem virkjar getu líkamans til að lækna sig sjálfur og endurnýja frumur sínar. Árið 2008 þróaði hann byltingarkennt sáragel sem læknar alvarlega húðáverka án þess að koma þurfi til skurðaðgerðar eða húðígræðslu. Það er sú byltingarkennda tækni sem veitti Augustinus innblástur að húðvörunum.

Tæknin sem gerir húðvörurnar frá Augustinus Bader frábrugðnar öðrum er kölluð TFC8 en sú tækni leiðir lykil næringarefnin inn á réttan stað í húðina og styður við og býr til ákjósanlegt umhverfi fyrir frumurnar til að endurnýja sig. Kremin örva því hið náttúrulega húðendurnýjunarferli og bæta þannig húðina. Formúlan aðlagar sig að þörfum hvers og eins, dregur úr fínum línum, litabreytingum, roða, bólum og öðrum húðskemmdum sem hafa komið vegna ytri umhverfisþátta.

LED ljósameðferðir auka virknina til muna

LED meðferðir eru orðnar einstaklega vinsæl viðbót við andlitsböðin út í heimi og við erum einstaklega ánægðar að geta boðið upp á þessa tækni með meðferðunum okkar," segir Rakel Ósk eigandi Eliru.

Led ljósameðferðir er hægt að nota til að draga úr áhrifum og sýnileika ýmissa húðkvilla og vandamála. Meðferðin virkar á bólur, fínar línur og psoriasis. Einnig er hægt að nota hana til að minnka roða og draga úr einkennum rósroða. Hægt er að bóka í andlitsbað með LED meðferð en einnig er hægt að koma í LED meðferð eina og sér, eða LED meðferð með virkum maska. Til að þær skili góðum árangri þá þarf að taka meðferð 1-2 í viku í 6-8 vikur.

Fagleg ráðgjöf og góð þjónusta mikilvæg

Elira er í senn snyrtivöruverslun og snyrtistofa og er öllum velkomið að koma við í versluninni að fá einstaklingsbundna ráðgjöf hvað varðar húðumhirðu eða förðun.

„Úrvalið af húð- og snyrtivörum er mikið í dag og aðgengi að allskonar upplýsingum er ótæmandi. Því er mikilvægt að geta fengið faglega ráðgjöf um innihald og rétta notkun húð- og förðunarvara.

Hér í Eliru vinna eingöngu lærðir snyrtifræðingar og förðunarfræðingar og við bjóðum einungis upp á hágæða snyrtivörur og förðunarvörur ásamt persónulegri þjónustu,“ bætir Rakel við að lokum.

Nánar á elira.is.