Vinnubrögðin gátu leitt til dauða Berghildur Erla Bernharðsdóttir skrifar 6. maí 2024 08:01 Fríða Einarsdóttir ljósmóðir starfaði árið 1962 á Vöggustofunni að Hlíðarenda. Hún varaði við vinnubrögðum þar og ákvað að hætta vegna þeirra. Sæunn Kjartansdóttir segir að slíkir starfshættir hafi alvarleg áhrif á ungbörn og í verstu tilvikum geti þeir leitt til dauða. vísir Læknir og hjúkrunarfræðingur sem sáu um vöggustofuna að Hlíðarenda ákváðu að reka hana eins og spítala. Konum sem sáu um ungbörnin var bannað að horfa í augun á þeim og foreldrar fengu aðeins að horfa á þau gegnum gler. Sálgreinir segir slíka meðhöndlun jafnvel geta verið lífshættulega fyrir ungbörn. „Þú áttir ekki að skipta þér af börnunum. Þau áttu að liggja í rúmunum og það átti engin að tala við þau. Þú máttir ekki hafa með augnsamband við þau. Þú áttir bara að vera eins og þú værir að tala við vegg,“ segir Fríða Einarsdóttir sem starfaði á Vöggustofunni að Hlíðarenda árið 1962 en kveðst hafa hætt þegar forstöðukona þar vildi ekki hlusta á viðvaranir hennar um að þetta væri óeðlileg meðferð á ungbörnum. Fríða segir jafnframt að afar erfitt hafi verið að fylgjast með því þegar aðstandendur barna komu í heimsókn á sunnudögum en þeir máttu aðeins horfa á þau gegnum gler. „Þegar mæðurnar komu á sunnudögum og stóðu við gluggann trilluðu venjulega niður tárin. Það var oft ofboðslega sárt að horfa upp á þær,“ segir Fríða. Alls voru 475 ungbörn vistuð að Vöggustofunni að Hlíðarenda. Meðan þau dvöldu þar fengu foreldrar þeirra aðeins að koma einu sinni í viku og horfa á þau gegnum gler. Svipað fyrirkomulag var á Barnaspítalanum. Sami yfirlæknir var á báðum stofnunum og lagði sömu línur þrátt fyrir að börnin á Vöggustofunum væru ekki þar vegna veikinda. Vísir/Berghildur Margir reyndu að láta vita af meðferðinni Margir hafa bent á það gegnum tíðina að meðferð ungbarna á vöggustofum hafi verið ómannúðleg. Konur sem störfuðu þar á sínum tíma, foreldrar sem áttu börn þar, konur í fóstruskólanum og kjörnir fulltrúar í minnihluta Reykjavíkurborgar árið 1967. Þá gerði Viðar Eggertsson leikari útvarpsþátt á RÚV árið 1993 þar sem greint var frá óeðlilegum starfsháttum á stofnuninni. Það var hins vegar ekki fyrr en eftir mikinn þrýsting frá honum og fjórum öðrum karlmönnum að borgin ákvað loks að ráðast í sérstaka rannsókn á Vöggustofunum. Niðurstaða vöggustofunefndar var að börnin sem voru vistuð á Vöggustofunni að Hlíðarenda hefðu sætt illri meðferð allan tímann þar. En þá einkum vegna takmarkanna á umgengni við foreldra sína meðan börnin dvöldu þar. Ráku vöggustofuna eins og spítala Stjórnendur Vöggustofunnar að Hlíðarenda var Ólöf Sigurðardóttir sem var fyrsta forstöðukona stofnunarinnar en hún var hjúkrunarfræðingur að mennt og Kristbjörn Tryggvason yfirlæknir hennar en hann var einnig deildarlæknir og síðar yfirlæknir á barnadeild Landspítalans um árabil. Á barnadeildinni giltu einmitt svipaðar reglur um heimsóknir til veikra barna en tíma fengu aðstandendur aðeins að sjá börnin sín þar í gegnum gler en svo fékk fólk að heimsækja börnin tvisvar í viku. Grein úr tímariti hjúkrunarnema árið 1969 sýnir að sömu reglur giltu á deild fyrir fyrirbura og börn sem voru á leið í aðgerð á Barnaspítala Hringsins og á Vöggustofunni að Hlíðarenda. Kristbjörn Tryggvason var yfirlæknir á báðum stöðum. Vísir/Berghildur Í öðru viðtali árið 1958 fjallar Vísir um heimsókn á Barnadeild Landspítalans. Þar segir yfirlæknirinn að börnin á spítalanum fái aðeins heimsókn frá foreldrum sínum tvisvar í viku. Áhugavert er að sjá hvaða skýringar hann gefur fyrir því í greininni: „Þegar foreldrar eða aðrir nánustu koma í heimsókn, verða vitaskuld fagnaðarfundir. En svo þegar, heimsóknartíminn er á enda dregur heldur fyrir sólina hjá litlu öngunum, mörgum hverjum. Þá hefst oft grátur og söknuður og getur stundum tekið langan tíma að komast í jafnvægi á ný og sætta sig við innilokunina. Það er nauðsynlegt fyrir batann að raska sem minnst jafnvægi barnanna,“ segir Kristbjörn Tryggvason í Vísi árið 1958 um ástæður þess að börnin þar fengu aðeins að hitta foreldra sína tvisvar í viku. Grein úr Vísi árið 1958 þar sem yfirlæknir Barnaspítalans skýrir af hverju foreldrar fá aðeins að koma tvisvar í viku í heimsókn. Þar segir hann jafnframt að það sé nauðsynlegt fyrir bata barnanna að raska sem minnst jafnvægi þeirra. Vísir/Berghildur Getur leitt til dauða í alvarlegustu tilvikunum Sæunn Kjartansdóttir sálgreinir benti m.a. á í skoðanagrein á Vísi á síðasta ári að eitt af því sem vakið hafi athygli margra sé að fagfólk á þessum tíma vissi mætavel að vöggustofur væru skaðlegar. Vandamálið hafi því ekki verið fáfræði heldur andóf gegn þekkingu. Þeir fagmenn sem vöruðu við starfsemi vöggustofanna og ítrekuðu þörf barna fyrir nánd voru gerðir tortryggilegir og gagnrýni þeirra sögð af pólitískum toga. Sæunn þekkir vel til þeirra þjáningar sem fólk sem dvaldi á vöggustofum hefur þurft að burðast með í gegnum tíðina. Hún segir vinnubrögðin þar hafa haft margvísleg áhrif á ungbörn og í alvarlegustu tilvikunum geti þau leitt til dauða. „Ungbarn hættir að gráta ef því er ekki svarað. Það gefst upp það og upplifir að grátur svarar ekki þörfum. Hann getur jafnvel gert hlutina verri því umönnunaraðili getur jafnvel einhver orðið reiður, hranalegur eða vondur. Þannig að grátur sem er náttúrulega tungumál barna og mikilvægasta leiðin til að kalla á hjálp dugar ekki. Hann er jafnvel verri en ekki neitt þannig að þau hætta að gráta, þau hætta að sýna vanlíðan sína og hverfa inn í sinn eigin heim í alvarlegustu tilvikunum. Barn getur jafnvel slökkt alveg á sér tímabundið eða gert það að venju sem er gríðarlega alvarlegt. Ég hugsa að það sé alveg til í dæminu að börn deyi. Það er til nokkuð sem heitir Failure to thrive, þegar börn þrífast ekki. Þá taka þau ekki næringu. Það er ekki nóg að veita ungbörnum líkamlegu næringu, tilfinningaleg næring er jafn nauðsynleg. Og ef þú nærist hvorki líkamlega né tilfinningalega þá náttúrulega er lífshætta á ferð,“ segir Sæunn. Samkvæmt rannsóknarskýrslu vöggustofunefndar létust þrjú börn á starfstíma stofnunarinnar, eitt þeirra var með sæng yfir höfði þegar það fannst og báru lífgunartilraunir ekki árangur. Hér var fjallað um ofbeldi. Ef þig vantar aðstoð eða ráð sem þolandi, aðstandandi eða til að breyta ofbeldisfullri hegðun þinni þá er hægt er að fá nánari upplýsingar á ofbeldisgátt 112.is. Þar á meðal um þá þjónustu sem er til staðar á landsvísu. Einnig er ætíð hægt að hafa samband í síma 112. Þættirnir Vistheimilin eru heimildarþættir á Stöð 2 sem verða sýndir alla sunnudaga í maí og fyrsta sunnudag í júní. Klippa: Vistheimili - stikla úr fyrsta þætti Ofbeldi gegn börnum Vistheimilin Vistheimili Reykjavík Alþingi Tengdar fréttir „Þetta varð alltaf verra og verra“ Talið er að um fimm þúsund börn hafi dvalið á um þrjátíu vistheimilum á vegum hins opinbera frá síðustu öld. Þá er ótalið öll þau börn sem dvöldu á sveitabæjum. Nú hafa sanngirnisbætur verið greiddar eða eru á leiðinni fyrir dvöl á næstum öðru hverju heimili. Umsjónarmaður sanngirnisbóta segir að algjört eftirlits-og stefnuleysi hafi ríkt í málaflokknum á sínum tíma. Það sé því miður raunin að nokkru leyti ennþá. 27. september 2022 07:02 Vöggustofubörn fá tíu sálfræðiviðtöl Einstaklingar sem vistaðir voru á vöggustofunni að Hlíðarenda og Vöggustofu Thorvaldsensfélagsins fá ókeypis sálfræðiþjónustu á kostnað borgarinnar. Þessi ákvörðun kemur í kjölfar niðurstaðna skýrslu um starfsemi vöggustofa í Reykjavík á árunum 1949 til 1973. 8. nóvember 2023 13:28 Hafa lifað skemur en jafnaldrar þeirra Einstaklingar sem voru sem börn á Vöggustofunni Hlíðarenda og Vöggustofu Thorvaldsensfélagsins hafa lifað skemur en jafnaldrar þeirra. Þá voru þeir einnig líklegri til að fara á örorku. 5. október 2023 14:59 Mest lesið Grunaður hraðbankaþjófur nennti ekki með austur nóttina örlagaríku Innlent Ekki séð neitt þessu líkt á sínum fjörutíu ára ferli Innlent Mannskæð skotárás í skóla í Bandaríkjunum Erlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Kynna drög að nýrri stefnu í heilbrigðismálum Innlent Með mikla áverka og mjög kaldur þegar hann fannst Innlent Raðsundlaugarkúkari gengur laus í Oulu Erlent Fleiri fréttir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sjá meira
„Þú áttir ekki að skipta þér af börnunum. Þau áttu að liggja í rúmunum og það átti engin að tala við þau. Þú máttir ekki hafa með augnsamband við þau. Þú áttir bara að vera eins og þú værir að tala við vegg,“ segir Fríða Einarsdóttir sem starfaði á Vöggustofunni að Hlíðarenda árið 1962 en kveðst hafa hætt þegar forstöðukona þar vildi ekki hlusta á viðvaranir hennar um að þetta væri óeðlileg meðferð á ungbörnum. Fríða segir jafnframt að afar erfitt hafi verið að fylgjast með því þegar aðstandendur barna komu í heimsókn á sunnudögum en þeir máttu aðeins horfa á þau gegnum gler. „Þegar mæðurnar komu á sunnudögum og stóðu við gluggann trilluðu venjulega niður tárin. Það var oft ofboðslega sárt að horfa upp á þær,“ segir Fríða. Alls voru 475 ungbörn vistuð að Vöggustofunni að Hlíðarenda. Meðan þau dvöldu þar fengu foreldrar þeirra aðeins að koma einu sinni í viku og horfa á þau gegnum gler. Svipað fyrirkomulag var á Barnaspítalanum. Sami yfirlæknir var á báðum stofnunum og lagði sömu línur þrátt fyrir að börnin á Vöggustofunum væru ekki þar vegna veikinda. Vísir/Berghildur Margir reyndu að láta vita af meðferðinni Margir hafa bent á það gegnum tíðina að meðferð ungbarna á vöggustofum hafi verið ómannúðleg. Konur sem störfuðu þar á sínum tíma, foreldrar sem áttu börn þar, konur í fóstruskólanum og kjörnir fulltrúar í minnihluta Reykjavíkurborgar árið 1967. Þá gerði Viðar Eggertsson leikari útvarpsþátt á RÚV árið 1993 þar sem greint var frá óeðlilegum starfsháttum á stofnuninni. Það var hins vegar ekki fyrr en eftir mikinn þrýsting frá honum og fjórum öðrum karlmönnum að borgin ákvað loks að ráðast í sérstaka rannsókn á Vöggustofunum. Niðurstaða vöggustofunefndar var að börnin sem voru vistuð á Vöggustofunni að Hlíðarenda hefðu sætt illri meðferð allan tímann þar. En þá einkum vegna takmarkanna á umgengni við foreldra sína meðan börnin dvöldu þar. Ráku vöggustofuna eins og spítala Stjórnendur Vöggustofunnar að Hlíðarenda var Ólöf Sigurðardóttir sem var fyrsta forstöðukona stofnunarinnar en hún var hjúkrunarfræðingur að mennt og Kristbjörn Tryggvason yfirlæknir hennar en hann var einnig deildarlæknir og síðar yfirlæknir á barnadeild Landspítalans um árabil. Á barnadeildinni giltu einmitt svipaðar reglur um heimsóknir til veikra barna en tíma fengu aðstandendur aðeins að sjá börnin sín þar í gegnum gler en svo fékk fólk að heimsækja börnin tvisvar í viku. Grein úr tímariti hjúkrunarnema árið 1969 sýnir að sömu reglur giltu á deild fyrir fyrirbura og börn sem voru á leið í aðgerð á Barnaspítala Hringsins og á Vöggustofunni að Hlíðarenda. Kristbjörn Tryggvason var yfirlæknir á báðum stöðum. Vísir/Berghildur Í öðru viðtali árið 1958 fjallar Vísir um heimsókn á Barnadeild Landspítalans. Þar segir yfirlæknirinn að börnin á spítalanum fái aðeins heimsókn frá foreldrum sínum tvisvar í viku. Áhugavert er að sjá hvaða skýringar hann gefur fyrir því í greininni: „Þegar foreldrar eða aðrir nánustu koma í heimsókn, verða vitaskuld fagnaðarfundir. En svo þegar, heimsóknartíminn er á enda dregur heldur fyrir sólina hjá litlu öngunum, mörgum hverjum. Þá hefst oft grátur og söknuður og getur stundum tekið langan tíma að komast í jafnvægi á ný og sætta sig við innilokunina. Það er nauðsynlegt fyrir batann að raska sem minnst jafnvægi barnanna,“ segir Kristbjörn Tryggvason í Vísi árið 1958 um ástæður þess að börnin þar fengu aðeins að hitta foreldra sína tvisvar í viku. Grein úr Vísi árið 1958 þar sem yfirlæknir Barnaspítalans skýrir af hverju foreldrar fá aðeins að koma tvisvar í viku í heimsókn. Þar segir hann jafnframt að það sé nauðsynlegt fyrir bata barnanna að raska sem minnst jafnvægi þeirra. Vísir/Berghildur Getur leitt til dauða í alvarlegustu tilvikunum Sæunn Kjartansdóttir sálgreinir benti m.a. á í skoðanagrein á Vísi á síðasta ári að eitt af því sem vakið hafi athygli margra sé að fagfólk á þessum tíma vissi mætavel að vöggustofur væru skaðlegar. Vandamálið hafi því ekki verið fáfræði heldur andóf gegn þekkingu. Þeir fagmenn sem vöruðu við starfsemi vöggustofanna og ítrekuðu þörf barna fyrir nánd voru gerðir tortryggilegir og gagnrýni þeirra sögð af pólitískum toga. Sæunn þekkir vel til þeirra þjáningar sem fólk sem dvaldi á vöggustofum hefur þurft að burðast með í gegnum tíðina. Hún segir vinnubrögðin þar hafa haft margvísleg áhrif á ungbörn og í alvarlegustu tilvikunum geti þau leitt til dauða. „Ungbarn hættir að gráta ef því er ekki svarað. Það gefst upp það og upplifir að grátur svarar ekki þörfum. Hann getur jafnvel gert hlutina verri því umönnunaraðili getur jafnvel einhver orðið reiður, hranalegur eða vondur. Þannig að grátur sem er náttúrulega tungumál barna og mikilvægasta leiðin til að kalla á hjálp dugar ekki. Hann er jafnvel verri en ekki neitt þannig að þau hætta að gráta, þau hætta að sýna vanlíðan sína og hverfa inn í sinn eigin heim í alvarlegustu tilvikunum. Barn getur jafnvel slökkt alveg á sér tímabundið eða gert það að venju sem er gríðarlega alvarlegt. Ég hugsa að það sé alveg til í dæminu að börn deyi. Það er til nokkuð sem heitir Failure to thrive, þegar börn þrífast ekki. Þá taka þau ekki næringu. Það er ekki nóg að veita ungbörnum líkamlegu næringu, tilfinningaleg næring er jafn nauðsynleg. Og ef þú nærist hvorki líkamlega né tilfinningalega þá náttúrulega er lífshætta á ferð,“ segir Sæunn. Samkvæmt rannsóknarskýrslu vöggustofunefndar létust þrjú börn á starfstíma stofnunarinnar, eitt þeirra var með sæng yfir höfði þegar það fannst og báru lífgunartilraunir ekki árangur. Hér var fjallað um ofbeldi. Ef þig vantar aðstoð eða ráð sem þolandi, aðstandandi eða til að breyta ofbeldisfullri hegðun þinni þá er hægt er að fá nánari upplýsingar á ofbeldisgátt 112.is. Þar á meðal um þá þjónustu sem er til staðar á landsvísu. Einnig er ætíð hægt að hafa samband í síma 112. Þættirnir Vistheimilin eru heimildarþættir á Stöð 2 sem verða sýndir alla sunnudaga í maí og fyrsta sunnudag í júní. Klippa: Vistheimili - stikla úr fyrsta þætti
Hér var fjallað um ofbeldi. Ef þig vantar aðstoð eða ráð sem þolandi, aðstandandi eða til að breyta ofbeldisfullri hegðun þinni þá er hægt er að fá nánari upplýsingar á ofbeldisgátt 112.is. Þar á meðal um þá þjónustu sem er til staðar á landsvísu. Einnig er ætíð hægt að hafa samband í síma 112.
Ofbeldi gegn börnum Vistheimilin Vistheimili Reykjavík Alþingi Tengdar fréttir „Þetta varð alltaf verra og verra“ Talið er að um fimm þúsund börn hafi dvalið á um þrjátíu vistheimilum á vegum hins opinbera frá síðustu öld. Þá er ótalið öll þau börn sem dvöldu á sveitabæjum. Nú hafa sanngirnisbætur verið greiddar eða eru á leiðinni fyrir dvöl á næstum öðru hverju heimili. Umsjónarmaður sanngirnisbóta segir að algjört eftirlits-og stefnuleysi hafi ríkt í málaflokknum á sínum tíma. Það sé því miður raunin að nokkru leyti ennþá. 27. september 2022 07:02 Vöggustofubörn fá tíu sálfræðiviðtöl Einstaklingar sem vistaðir voru á vöggustofunni að Hlíðarenda og Vöggustofu Thorvaldsensfélagsins fá ókeypis sálfræðiþjónustu á kostnað borgarinnar. Þessi ákvörðun kemur í kjölfar niðurstaðna skýrslu um starfsemi vöggustofa í Reykjavík á árunum 1949 til 1973. 8. nóvember 2023 13:28 Hafa lifað skemur en jafnaldrar þeirra Einstaklingar sem voru sem börn á Vöggustofunni Hlíðarenda og Vöggustofu Thorvaldsensfélagsins hafa lifað skemur en jafnaldrar þeirra. Þá voru þeir einnig líklegri til að fara á örorku. 5. október 2023 14:59 Mest lesið Grunaður hraðbankaþjófur nennti ekki með austur nóttina örlagaríku Innlent Ekki séð neitt þessu líkt á sínum fjörutíu ára ferli Innlent Mannskæð skotárás í skóla í Bandaríkjunum Erlent Til skoðunar að flytja Sjálfstæðisflokkinn úr Valhöll Innlent Stefna Open AI vegna sjálfsvígs sonarins Erlent Supu hveljur á fundi með ráðherra á Egilsstöðum Innlent Er við góða líkamlega heilsu en heilinn að „bregðast honum“ Erlent Kynna drög að nýrri stefnu í heilbrigðismálum Innlent Með mikla áverka og mjög kaldur þegar hann fannst Innlent Raðsundlaugarkúkari gengur laus í Oulu Erlent Fleiri fréttir Kári Stefánsson í beinni, erfiður hraðbanki og Dönum ekki skemmt Óttuðust um ferðamenn sem sátu fastir í Markarfljóti Glímdi við veikindi fyrir andlátið sem breyttu persónuleika hans Hraðbankaþjófur játar sök Framlengja gæsluvarðhald yfir leiðbeinandanum um fjórar vikur Supu hveljur á fundi með ráðherra á Egilsstöðum Grunaður hraðbankaþjófur nennti ekki með austur nóttina örlagaríku Með mikla áverka og mjög kaldur þegar hann fannst Móðirin áfram í haldi og húsleit á Írlandi Til skoðunar að flytja Sjálfstæðisflokkinn úr Valhöll Losun Íslands jókst á öllum sviðum og langt í land með skuldbindingar Bylting í heilbrigðisþjónustu og áróður Bandaríkjamanna Vilja halda leiðbeinandanum áfram bak við lás og slá Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sjá meira
„Þetta varð alltaf verra og verra“ Talið er að um fimm þúsund börn hafi dvalið á um þrjátíu vistheimilum á vegum hins opinbera frá síðustu öld. Þá er ótalið öll þau börn sem dvöldu á sveitabæjum. Nú hafa sanngirnisbætur verið greiddar eða eru á leiðinni fyrir dvöl á næstum öðru hverju heimili. Umsjónarmaður sanngirnisbóta segir að algjört eftirlits-og stefnuleysi hafi ríkt í málaflokknum á sínum tíma. Það sé því miður raunin að nokkru leyti ennþá. 27. september 2022 07:02
Vöggustofubörn fá tíu sálfræðiviðtöl Einstaklingar sem vistaðir voru á vöggustofunni að Hlíðarenda og Vöggustofu Thorvaldsensfélagsins fá ókeypis sálfræðiþjónustu á kostnað borgarinnar. Þessi ákvörðun kemur í kjölfar niðurstaðna skýrslu um starfsemi vöggustofa í Reykjavík á árunum 1949 til 1973. 8. nóvember 2023 13:28
Hafa lifað skemur en jafnaldrar þeirra Einstaklingar sem voru sem börn á Vöggustofunni Hlíðarenda og Vöggustofu Thorvaldsensfélagsins hafa lifað skemur en jafnaldrar þeirra. Þá voru þeir einnig líklegri til að fara á örorku. 5. október 2023 14:59