Íslenski boltinn

FH fékk tvær sektir frá KSÍ

Runólfur Trausti Þórhallsson skrifar
Ísak Óli verður ekki með FH þegar liðið mætir Vestra þann 4. maí næstkomandi.
Ísak Óli verður ekki með FH þegar liðið mætir Vestra þann 4. maí næstkomandi. Vísir/Anton Brink

Knattspyrnusamband Íslands hefur sektað FH um alls 28 þúsund krónur vegna fjölda refsistiga sem liðið fékk í 3-0 tapinu gegn Val í Mjólkurbikar karla og svo í 2-1 sigrinum á ÍA í Bestu deild karla.

Þrátt fyrir að vera ekki gróf var viðureign ÍA og FH mjög spjaldarík. Þar fengu tveir leikmenn – Ísak Óli Ólafsson, FH, og Oliver Stefánsson, ÍA, tvö gul spjöld og þar með rautt. Þeir verða því báðir í leikbanni í 5. umferð Bestu deildar karla. Þar mætir FH nýliðum Vestra meðan ÍA fer í Garðabæinn og mætir Stjörnuna.

Þetta kom fram á fundi aga- og úrskurðarnefndar KSÍ. Þar kom einnig fram að fjórir leikmenn verða í banni í 16-liða úrslitum Mjólkurbikarsins og að FH hafi fengið tvær mismunandi sektir vegna fjölda refsistiga í tveimur leikjum.

Alls fékk FH 16 þúsund króna sekt fyrir leik sinn gegn Val þar sem liðið fékk 10 refsistig (sex gul og eitt rautt spjald). 

Þá fékk FH 12 þúsund króna sekt fyrir leikinn gegn ÍA þar sem liðið fékk 9 refsistig (sjö gul spjöld og þar af leiðandi eitt rautt því Ísak Óli fékk tvö gul). ÍA fékk sömu sekt fyrir sama fjölda refsistiga fyrir að fá átta gul spjöld, og þar með eitt rautt þar sem Oliver fékk tvö gul.

Fótbolti Íslenski boltinn KSÍ Mjólkurbikar karla FH

Tengdar fréttir

„Á sama tíma í fyrra held ég að þetta hafi verið gult“

Heimir Guðjónsson var svekktur með 3-0 tap FH gegn Val í 32-liða úrslitum Mjólkurbikarsins. Hann ræddi leikinn allan, rauða spjaldið sem hefði að hans mati ekki farið á loft í fyrra og félagaskiptaglugga FH við blaðamenn eftir leik. 

Mest lesið


Fleiri fréttir

Sjá meira


×

Mest lesið