Giannis hjálpað af velli í nótt

Antetokounmpo hefur tvisvar verið valinn besti leikmaður tímabilsins og er einn allra besti leikmaður deildarinnar. Löng fjarvera hans gæti verið mikið áfall fyrir Bucks nú þegar styttist heldur betur í úrslitakeppnina. Þetta lítur þó betur út en í fyrstu var talið.

Antetokounmpo hrundi í gólfið þegar hann var að hlaupa upp völlinn og án þess að einhver var nálægt honum. Bandarískir miðlar tala um kálfameiðsli en hann þurft hjálpa liðsfélaga til að koma sér af vellinum.

Þetta gerðist í þriðja leikhlutanum og Antetokounmpo kom skiljanlega ekki meira við sögu í leiknum.

Doc Rivers, þjálfari Milwaukee Bucks, sagði að Giannis væri á leið í myndatöku þar sem bæði kálfinn og hásinin verða skoðuð. Fyrsti niðurstöður voru að þetta væri tognun á kálfa og að hann hafi sloppið með skrekkinn.

Antetokounmpo var komin með 15 stig, 8 fráköst og 7 stoðsendingar þegar hann meiddist í þriðja leikhlutanum og því á góðri leið í þrennuna.