Daði nýr tækni­stjóri Inkasso

Þetta kemur fram í tilkynningu frá Inkasso. Þar segir að Daði hafi starfað hjá Controlant frá 2022 til 2023 en þar áður hjá AGR Dynamics, á milli 2009 og 2022. Fyrst hafi hann starfað þar við hugbúnaðarþróun en svo sem þróunarstjóri AGR frá 2012 til 2017 þegar hann varð loks tæknistjóri. 

Daði var þar áður hugbúnaðarverkfræðingur hjá Kögun, eða á milli 2006 og 2009 en hann hóf starfsferil sinn hjá IBM Global Services í Kaupmannahöfn á árunum 2005 og 2006. Daði er með BSc í véla- og iðnaðarverkfræði frá Háskóla Íslands en hann útskrifaðist árið 2004 með MSC gráðu frá DTU í rafmagnsverkfræði og stýritækni.