Baltasar og Sunn­eva Ása eiga von á barni

Sunneva og Baltasar byrjuðu saman í ársbyrjun 2019.

Baltasar Kormákur er án efa þekktasti leikstjóri landsins og hefur unnið að mörgum stórmyndum á ferli sínum.

Í nóvember síðastliðinn var greint frá því að Baltasar mun leikstýra fyrsta þætti miðaldarsjónvarpsþáttaröðinni King and Conqueror sem framleidd verður af framleiðslufyrirtækinu CBS Studios. Þekktir leikarar fara með hlutverk í þáttunum. En þættirnir eru með umfangsmestu kvikmyndaverkefnum sem hafa verið framleidd hér á landi.

Sunneva opnaði stóra einkasýningu síðastliðið haust í New York með galleríinu Robilant og Voena samhliða sýningunni Þulu í Marshallhúsinu. Hún hefur sýnt víða, hér heima og erlendis, leikstýrt og unnið við gerð fjölda tónlistarmyndbanda og fengið tilnefningar til verðlauna. Nýverið lauk hún tökum á nýjum kokkaþáttum sem hún leikstýrði og skrifaði ásamt Sollu Eiríks sem eru væntanlegir á RÚV.

Frumraun Sunnevu Ásu í búningahönnun fyrir leikhús var Njála og hlaut hún Grímuverðlaun 2015 fyrir búningana í þeirri sýningu. 

Þá unnu Sunneva og Baltasar saman í Netflix þáttaröðinni Katla, Ófærð 3 og Snertingu sem kemur út á þessu ári. Baltasar sá um leikstjórn og Sunneva um leikmyndirnar.