Viðskipti innlent

Play bætir við nýjum á­fanga­stað

Atli Ísleifsson skrifar
Fyrsta flug Play til Vilníusar verður 25. maí næstkomandi.
Fyrsta flug Play til Vilníusar verður 25. maí næstkomandi. Vísir/Vilhelm

Flugfélagið Play hefur hafið miðasölu á áætlunarferðum til Vilníus í Litháen. Flogið verður vikulega á laugardögum yfir sumarmánuðina en fyrsta flugið til Vilníusar verður 25. maí.

Þetta kemur fram í tilkynningu frá Play. 

„Vilníus er höfuðborg Litháen en þar má finna gamlan borgarhluta sem er á heimsminjaskrá UNESCO. Aðalgata borgarinnar heitir Gedeminas þar sem hægt er að versla í tískubúðum og fara út að borða á glæsilegum veitingastöðum. Ef einhver vill frábrugðna upplifun þá mun fríríkið Užupis engan svíkja með sína einstöku listasenu og litríka götumenningu.

Play mun fljúga til hátt í fjörutíu áfangastaða á árinu 2024, en einn af þeim nýjustu í leiðakerfi Play er Split í Króatíu. Þar að auki mun Play fljúga til fjölda sólarlandaáfangastaða á borð við Tenerife, Mallorca, Lissabon, Porto, Barcelona, Madríd, Alicante og Malaga,“ segir í tilkynningunni. 

Play Fréttir af flugi Litháen Ferðalög Ferðamennska á Íslandi Keflavíkurflugvöllur

Tengdar fréttir

Þrátt fyrir mikið tap er forstjóri Play bjartsýnn

Það skýrist á næstu vikum hvort stærstu hluthafar Play hafi áhuga á leggja félaginu til aukið hlutafé. Félagið hefur tapað meiru fé á fyrstu þremur árum sínum en WOW tapaði á sex árum. Forstjóri Play er bjartsýnn og segir félagið ekki bera neinar vaxtaberandi skuldir.



Mest lesið


Fleiri fréttir

Sjá meira


×

Mest lesið