Þetta gerðu þau í sameiginlegri færslu á samfélagsmiðlinum Instagram. Eðli málsins samkvæmt hefur hamingjuóskum rignt yfir parið.
Barnið er, eins og frægt er orðið, sveinbarn en kyn þess var tilkynnt með frumlegum hætti í september síðastliðnum. Þá var bláum reyk dreift úr þyrlu yfir Skuggahverfinu í Reykjavík, þar sem þau eru búsett.
Birgitta Líf og Enok greindu frá því 16. ágúst síðastliðinn að þau ættu von á barni. Parið byrjaði að rugla saman reytum í ársbyrjun 2022 en þónokkur aldursmunur er á parinu þar sem Birgitta er nýorðin þrítug og Enok er 21 árs. Barnið fjögurra daga gamla er fyrsta barn þeirra beggja.
