Kristín Ýr ráðin kynningar- og markaðs­stjóri Barna­heilla

Þar segir að Kristín hafi víðtæka reynslu á sviði samskipta- og markaðsmála og hafi sinnt ráðgjöf í mótun og miðlun upplýsinga bæði í stjórnsýslunni og á almennum vinnumarkaði. Síðast starfaði hún sem ráðgjafi hjá samskiptafélaginu Aton.JL.

Kristín hefur einnig áratuga reynslu úr fjölmiðlum og vann síðast á fréttastofu Stöðvar 2, Bylgjunnar og Vísis frá 2018 til 2019. Þá starfaði hún á árunum 2015 til 2018 hjá Alþýðusambandi Íslands, sem verkefnastjóri upplýsinga- og kynningarmála. Samhliða blaðamennsku starfaði Kristín í kvikmyndagerð og kom að gerð sjónvarpsþátta sem og auglýsinga.

Kristín er menntuð leiðtoga- og stjórnendamarkþjálfi og er einnig með diplómagráðu í kvikmyndagerð. Hún hefur einnig setið fjölda námskeiða meðal annars í markaðssetningu, samningatækni og stafrænni miðlun.

„Kristín er frábær viðbót við öflugan hóp okkar hér hjá Barnaheillum. Kristín hefur mikla og víðtæka reynslu á svið samskipta- og markaðsmála sem mun nýtast okkur til að efla starf okkar enn frekar. Við erum því afar ánægð með að fá hana til starfa. Framundan eru spennandi og krefjandi verkefni sem við hlökkum til að þróa áfram með hennar reynslu í farteskinu, með það að leiðarljósi að tryggja réttindi og velferð barna,“ segir Tótla I. Sæmundsdóttir, framkvæmdastjóri Barnaheilla.

Barnaheill eru stærstu alþjóðlegu frjálsu félagasamtökin í heiminum sem starfa í þágu barna. 

„Barnaheill eru leiðandi afl í að breyta viðhorfum og verklagi varðandi málefni barna og réttindi þeirra. Framtíðarsýn Barnaheilla er heimur þar sem sérhvert barn hefur tækifæri til að lifa og þroskast, fær gæðamenntun, lifir öruggu lífi og hefur tækifæri til að hafa áhrif. Við stöndum vaktina í þágu barna og gætum réttinda þeirra.“