Myndir frá fjöl­mennu kveðjupartýi borgar­stjóra í Borgar­leik­húsinu

Dagur hætti sem borgarstjóri í síðustu viku eftir tíu ár og tók við sem formaður borgarráðs. Hann er enn borgarfulltrúi Samfylkingarinnar og segir lítur á tímamótin sem tækifæri.

Í samtali við Vísi á dögunum sagði hann frá því að veislan hafi verið kostnaðarsöm og greidd úr eigin vasa. 

„Við erum að borga þetta saman, fjölskyldan,“ sagði Dagur og átti þá við sig og eiginkonu sína, Örnu Dögg Einarsdóttur.

„Ég veit ekki hvort þetta kosti álíka og brúðkaup en við Arna höfum sparað dálítið með því að gifta okkur bara einu sinni. Við ræddum þetta vel, en maður hættir bara einu sinni í svona stöðu. Mér leið eins og þetta væri það sem væri rétt að gera og ég vona að fólk finni þann hug sem að baki býr,“ sagði hann.

Meðal gesta voru leikkonan Ilmur Kristjánsdóttir, Brynhildur Guðjónsdóttir Borgarleikhússtjóri, Guðmundur Steingrímsson, Margrét Erla Maack skemmtikraftur, Logi Einarsson og Kristrún Frostadóttir úr þingflokki Samfylkingarinar auk Píratanna Þórhildar Sunnu Ævarsdóttur og Dóru Bjartar Guðjónsdóttur, svo fáeinir séu nefndir. 

Kristrún Frostadóttir formaður Samfylkingarinnar þakkaði Degi fyrir störf sín í einlægri færlsu á samfélagsmiðlum.