Þrír sjúkra­bílar sendir á Hólms­heiði

Varðstjóri slökkviliðs höfuðborgarsvæðisins staðfestir þetta í samtali við fréttastofu en mbl.is greindi fyrst frá útkallinu. 

Frekari upplýsingar um málið fengust ekki frá varðstjóra en fyrir liggur að viðbragðsaðilar voru ekki kallaðir til vegna atviks í fangelsinu á Hólmsheiði. 

Uppfært kl. 22:10:

Að sögn Elínar Agnesar Kristinsdóttur aðstoðaryfirlögreglusþjóns var um að ræða hnífstungu í sumarhúsabyggð á Hólmsheiði. Hinn særði hlaut ekki lífshættulega áverka og rannsókn beinist að einum geranda sem var handtekinn.