Rekinn eftir að­eins 67 daga í starfi

Alonso er annar þjálfari liðsins á þessum tímabili og sá þriðji á árinu. José Luis Mendilibar tók við liðinu í mars og náði í tvo deildarsigra í haust en var látinn taka pokann sinn eftir aðeins átta leiki.

Þann 10. október tók Alonso við liðinu, sem þá var í 14. sæti í deildinni. Alls stjórnaði hann liðinu í 13 leikjum og líkt og forverar hans náði hann tveimur sigrum í hús, en þeir voru báðir í bikar.

Liðið er þrátt fyrir þessa hörmulega byrjun á tímabilinu ekki í fallsæti en það er sem stendur í 16. sæti með 13 stig, þar sem sjö leikir liðsins hafa endað með jafntefli. Það er þó stutt í fallbaráttuna en í 18. sæti situr Cádiz með jafnmörg stig en verri markatölu.

Sevilla endaði í 12. sæti deildarinnar í fyrra en sigur þeirra í Evrópukeppni félagsliða færði þeim sæti í Meistaradeild Evrópu þetta tímabilið. Þar var árangurinn álíka slakur og heimavið þar sem liðið endaði í neðsta sæti B-riðils, með tvö jafntefli og fjögur töp.

Fyrir tímabilið gekk Sergio Ramos til liðs við félagið sem er hans uppeldisfélag og stóðu vonir til að hann myndi hjálpa til við að tryggja góðan árangur á tímabilinu en það virðist alls ekki hafa gengið upp.