Körfubolti

Stór­leikir í 8-liða úr­slitum bikarsins

Sindri Sverrisson skrifar
Haukakonur hafa einokað bikarinn síðustu þrjú ár en eiga afar erfiðan leik fyrir höndum í 8-liða úrslitum í janúar.
Haukakonur hafa einokað bikarinn síðustu þrjú ár en eiga afar erfiðan leik fyrir höndum í 8-liða úrslitum í janúar. VÍSIR/HULDA MARGRÉT

Bikarmeistarar síðustu tveggja ára í körfubolta karla, Valur og Stjarnan, mætast í 8-liða úrslitum VÍS-bikarsins í næsta mánuði. Haukakonur, sem unnið hafa bikarinn þrjú ár í röð, fengu heimaleik gegn toppliði Subway-deildarinnar, Keflavík.

Leikirnir í 8-liða úrslitunum verða spilaðir helgina 20.-22. janúar. Í 8-liða úrslitum karla er eitt 1. deildarlið enn með en það er lið KR sem fékk það erfiða verkefni að sækja Íslandsmeistara Tindastóls heim á Sauðárkrók.

Hjá konunum er einnig eitt lið úr 1. deildinni en það er lið Hamars/Þórs sem spilar á útivelli gegn Njarðvíkingum.

8-liða úrslit karla:

Tindastóll – KR

Höttur – Keflavík

Stjarnan – Valur

Grindavík – Álftanes

8-liða úrslit kvenna:

Haukar – Keflavík

Þór Ak. – Stjarnan

Valur – Grindavík

Njarðvík – Hamar/Þór

Eftir þessa leiki verður ljóst hvaða lið fara í Laugardalshöllina í undanúrslitin 19. og 20. mars, og úrslitaleikirnir verða svo laugardaginn 23. mars.

VÍS-bikarinn Tindastóll KR Höttur Keflavík ÍF Stjarnan Valur UMF Grindavík UMF Álftanes Haukar Þór Akureyri UMF Njarðvík Hamar Þór Þorlákshöfn

Mest lesið


Fleiri fréttir

Sjá meira


×

Mest lesið