Fótbolti

Benzema og Kanté skoruðu er Al Ittihad fór á­fram

Hjörtur Leó Guðjónsson skrifar
Karim Benzema skoraði þriðja mark Al Ittihad.
Karim Benzema skoraði þriðja mark Al Ittihad. Vísir/Getty

Karim Benzema og N'Golo Kanté voru báðir á skotskónum er Al Ittihad tryggði sér sæti í átta liða úrslitum heimsmeistaramóts félagsliða með 3-0 sigri gegn nýsjálenska liðinu Auckland City í kvöld.

Al Ittihad tók forystuna á 29. mínútu með marki frá Romarinho áður en N'Golo Kanté tvöfaldaði forystu liðsins fimm mínútum síðar.

Karim Benzema skoraði svo þriðja mark liðsins þegar um fimm mínútur voru eftir af fyrri hálfleik og staðan var því 3-0 þegar liðin gengu til búningsherbergja.

Hvorugu liðinu tókst hins vegar að skora í seinni hálfleik og niðurstaðan varð því 3-0 sigur Al Ittihad sem er á leið í átta liða úrslit heimsmeistaramóts félagsliða þar sem liðið mætir egypska liðinu Al Ahly.

Fótbolti

Mest lesið


Fleiri fréttir

Sjá meira


×

Mest lesið