Afar um­deild frum­vörp meðal 212 þing­mála ríkis­stjórnarinnar

Frá þessu greinir Morgunblaðið.

Fjörtíu frumvörp verða lögð fram vegna alþjóðlegra skuldbindinga en í flestum tilvikum er um að ræða innleiðingu á Evrópulöggjöf. Þá er rætt um tíu skýrslur ráðherra til Alþingis vegna ýmissa mála.

Þrjátíu og eitt mál verður lagt fram nú í september og ívið fleiri nú í haust en í vor.

Samkvæmt Morgunblaðinu verður svokallað lögreglufrumvarp endurflutt og annað mál sem gæti reynst ríkisstjórninni erfitt; frumvarp um lokuð búsetuúrræði fyrir hælisleitendur. 

Einnig stendur til að leggja fram frumvarp um sölu áfengis á netinu og frumvarp sem miðar að því að skýra heimild ríkissáttasemjara til að leggja fram miðlunartillögu í kjaradeilum.

Þá hyggst fjármálaráðherra endurflytja frumvörp um þjóðarsjóð og slit og uppgjör ÍL-sjóðs.