Um­boðs­maður sendir Ás­mundi bréf vegna sam­einingar

Þetta kemur fram í til­kynningu. Þar segir að um­boðs­manni barna hafi borist erindi frá full­trúum nem­enda við Mennta­skólann á Akur­eyri. Þar lýsi nem­endur yfir ó­á­nægju sinni með skort á sam­ráði við nem­endur vegna sam­einingar MA og VMA.

Í bréfi um­boðs­manns til Ás­mundar kemur fram að mat á því sem er börnum fyrir bestu eigi á­vallt að liggja til grund­vallar á­kvarðana­töku af hálfu hins opin­bera og að slíkt mat eigi að fram­kvæma áður en ráðist sé í að­gerðir sem varði börn með einum eða öðrum hætti. Þá kemur jafn­framt fram að hluti af slíku mati sé að veita börnum tæki­færi til þess að koma sjónar­miðum sínum á fram­færi og að rétt­mætt til­lit sé tekið til skoðana þeirra.

„Það er réttur barna að vera höfð með í ráðum við skipu­lag menntunar og skylda stjórn­valda að veita þeim raun­veru­lega tæki­færi til þess að koma sjónar­miðum sínum á fram­færi og hafa á­hrif,“ segir í til­kynningu um­boðs­manns.

Þá óskaði um­boðs­maður eftir upp­lýsingum um það hvort mat hafi verið lagt á bestu hags­muni barna við á­kvarðana­töku um sam­einingu Mennta­skólans á Akur­eyri og Verk­mennta­skóla Akur­eyrar. Hvort nem­endur hafi fengið tæki­færi til þess að koma sjónar­miðum sínum á fram­færi og hvort sam­ráð hafi verið haft við nem­endur og þá með hvaða hætti.