Fótbolti

Lazio með óvæntan sigur á meisturunum

Runólfur Trausti Þórhallsson skrifar
Lazio fagnar.
Lazio fagnar. EPA-EFE/CESARE ABBATE

Lazio vann óvæntan 2-1 útisigur á Ítalíumeisturum Napoli í Serie A, ítölsku úrvalsdeild karla í knattspyrnu, í kvöld. 

Lazio kom sá og sigraði í heimsókn sinni til Napolí í kvöld. Luis Alberto kom gestunum yfir eftir hálftíma leik en Piotr Zieliński jafnaði metin aðeins tveimur mínútum síðar og staðan jöfn 1-1 í hálfleik.

Daichi Kamada kom gestunum yfir í upphafi síðari hálfleiks og ef eitthvað er voru gestirnir nær því að bæta við heldur en heimamenn að jafna metin. Tvö mörk voru dæmd af Lazio vegna rangstöðu en það kom ekki að sök þar sem Lazio vann 2-1 útisigur. 

Um var að ræða fyrsta sigur Lazio og fyrsta tap Napoli þegar þrjár umferðir eru búnar af Serie A.

Önnur úrslit

Atalanta 3-0 Monza

Bologna 2-1 Cagliari

Udinese 0-0 Frosinone

Fótbolti Ítalski boltinn

Mest lesið


Fleiri fréttir

Sjá meira


×

Mest lesið