Verður yfir­maður hliðar­tekna hjá Play

Í tilkynningu frá Play segir að Emilio sé með yfirgripsmikla reynslu úr flugbransanum og að hann gangi til liðs við Play frá flugfélaginu Wizz Air. 

„Áður var hann yfirmaður hliðartekna hjá flugfélaginu Ryanair en hefur einnig starfað hjá Vueling, Avianca og Aero Mexico.

Hliðartekjur hafa verið í örum vexti hjá flugfélaginu Play undanfarin misseri og er ráðning Emilio mikilvægt skref í átt að því að auka þær enn frekar. Hlutverk Emilio verður að samþætta áherslur á milli sviða innan flugfélagsins í því ljósi að setja flugfélagið í enn betri stöðu til nýta þau tækifæri sem eru fyrir hendi sem og að skapa ný,“ segir í tilkynningunni.