Hélt að hún gæti ekki lært en stefnir nú á háskólanám Mímir 28. ágúst 2023 08:50 Veikt bakland og saga áfalla og neyslu varð til þess að Stella Guðrún Arnardóttir flosnaði ung upp úr skóla. Hún segir sveigjanleika og stuðning sem hún fékk hjá Mími hafa hjálpað henni að hefja aftur nám og öðlast trú á sjálfa sig á ný. Heiða Helgadóttir „Stærsti fjársjóðurinn sem ég hef með mér frá Menntastoðum Mímis er sjálfsvirðingin. Að hafa upplifað þá tilfinningu að vera góð í einhverju og fengið staðfestingu á því að ég get menntað mig,“ segir Stella Guðrún Arnardóttir en hún settist aftur á skólabekk eftir 14 ára hlé. Menntastoðir Mímis er vottuð námsbraut ætluð einstaklingum 18 ára og eldri sem hafa verið frá námi um einhvern tíma og má meta til framhaldsskólaeininga. Þeir sem ljúka námsbrautinni með tilskyldum árangri geta sótt um í undirbúningsdeildir fyrir háskólanám hjá Háskólanum í Reykjavík, háskólanum á Bifröst og hjá Keili í Reykjanesbæ. Námsbrautin brúar því bilið sem margir standa frammi fyrir þegar taka á upp þráðinn í námi á ný kannski eftir talsvert hlé. Stella flosnaði sjálf mjög ung úr námi og þurfti að byrja frá grunni. Hún segir það hafa verið talsverða áskorun á fullorðinsaldri og það var ekki fyrr en hún kynntist þéttu utanumhaldi hjá Mími að hlutirnir fóru að ganga vel. Hún stefnir nú á háskólanám í lífeindafræði sem hún segir sig aldrei hafa órað fyrir að ætti eftir að liggja fyrir henni. Veikt bakland, rótleysi og löng saga áfalla og neyslu hafi orðið til þess að hún sá sig aldrei fyrir sér sem námsmann. „Maður skammast sín fyrir að vera fullorðinn í þessari stöðu, alveg á byrjunarreit,“ segir Stella. Hún hafi mætt einstökum skilningi hjá Mími.Heiða Helgadóttir „Ég var í fimm grunnskólum því við fluttum oft. Ég ól mig eiginlega sjálf upp. Mamma var einstæð og þurfti að vinna mikið til að geta séð fyrir okkur, pabbi var ekki inni í myndinni, en mamma reyndi að gera sitt besta. Ég hafði aldrei neina fyrirmynd eða stefnu um að læra eitthvað sérstakt. Ég er með mikið ADHD, fór snemma að fikta við áfengi og var komin í slæm mál strax á unglingsárum. Þá flosnaði ég alveg upp úr skóla og kláraði aldrei tíunda bekkinn. Ég fór í meðferð til Svíþjóðar í apríl 2018 og sneri þá lífi mínu algjörlega við. Í endurhæfingunni var lagt til við mig að ég færi í nám en fram að því hafði ég ekki talið mig geta lært neitt. En það var virkilega erfitt að setjast aftur á skólabekk komandi úr þessum heimi. Ég byrjaði í Tækniskólanum í húsasmíði og strögglaði mikið í bóklegu fögunum, náði þó tveimur eða þremur áföngum og færði mig síðan yfir í FB í snyrtifræði. En mér leið eins og geimveru. Ég tengdist engum og passaði ekki inn, allt ungir krakkar og ég sífellt að rétta upp hönd, spyrjandi að öllu. Þetta var erfitt,“ segir Stella. Hún hafi verið við það að missa móðinn þegar ráðgjafi hjá Grettistaki endurhæfingu, benti henni á Menntastoðir Mímis. Mikilvægt að mæta skilningi „Námsráðgjafi hjá Mími hringir í mig og við náðum strax vel saman. Ég gat verið opin við hana um mín mál og hvað mig vantaði, sem skipti miklu máli. Maður skammast sín fyrir að vera fullorðinn í þessari stöðu, alveg á byrjunarreit. Hún hjálpaði mér að græja allt og tók brosandi á móti mér fyrsta daginn svo mér leið strax eins og heima. Í Mími er einnig kennt í litlum hópi og það var lykilatriði fyrir mig,“ segir Stella. Það hafi verið dýrmætt að tilheyra bekk og geta sótt stuðning til bekkjarfélaganna á jafningjagrundvelli. „Þarna vorum við öll fullorðin, með börn, maka, áföll og allskonar lífreynslu og gátum stutt hvert annað í gegnum námið.“ Þrjú úr þessum hópi fylgdust að yfir í háskólagrunninn og segir Stella að undirbúningurinn sem þau fengu hjá Mími hafi skipt sköpum. Kennt er í litlum hópum hjá Mími og hver nemandi fær mikinn stuðning.Heiða Helgadóttir „Við þrjú sem komum frá Mími vorum með frábæran grunn. Við höfðum farið í gegnum upprifjun á öllum þessum fögum og lært námstækni og áttum auðveldara með að læra. Við vorum í forystu í hópnum. Ég kláraði viðskiptafræðigrunninn og stefndi eftir það á hagfræði en nú hef ég ákveðið að fara í Lífeindafræði. Ég þarf að bæta nokkrum fögum við mig til þess en ég mikla það ekki fyrir mér í dag,“ segir Stella. Hún segir það hafi ekki síst verið löngunin til að vera sonum sínum góð fyrirmynd að hún ákvað að mennta sig og það hafi skilað sér. „Það hefur haft mikil áhrif á syni mína og þeirra sýn á mig að sjá mig læra myrkranna á milli og leggja allt þetta á mig. Eldri sonur minn hefur gjörbreyst á því að fylgjast með mínum metnaði og fór sjálfur að leggja gífurlega miklu vinnu á sig í fótboltanum og er nú að uppskera eftir því,“ segir Stella. Þessi reynsla hafi sýnt henni, og þeim, að allt er hægt. „Námið hjá Mími opnaði dyr fyrir mér sem ég hélt aldrei að væri möguleiki fyrir mig. Að ég, með mikinn athyglisbrest, hafandi verið í neyslu í mörg ár og lent í allskonar áföllum, hafi komist í gegnum þetta þýðir að það geta þetta allir. Bara byrja einhvers staðar og prófa sig áfram. Þetta borgar sig þúsundfalt.“ Menntastoðir Mímis stytta leiðina að háskólanámi eða iðn- og tækninámi „Með því að fara í Menntastoðir og þaðan í háskólagrunninn getur fólk stytt sér leið inn í háskóla eftir að það er orðið fullorðið og vantar einingar inn í sinn námsferil,“ segir María S. Stefánsdóttir, náms- og starfsráðgjafi hjá Mími. Ýmsar ástæður geta legið að baki því að fólk hætti námi. Stuðningur og sveigjanleiki er grundvöllur þess að fólk geti tekið skrefið.Heiða Helgadóttir „Við kennum grunnáfangana; íslensku, stærðfræði, ensku, dönsku og tölvu- og upplýsingatækni. Námið er hægt að taka sem staðnám, fjarnám eða blöndu af stað- og fjarnámi. Hægt er að ljúka náminu á einni eða tveimur önnum, eftir því hvort fólk velur að vera allan daginn eða einungis fyrir hádegi. Nemendur vinna lokaverkefni þar sem þeir fara í gegnum heimildavinnu og skrifa lokaritgerð sem þeir kynna og þetta undirbýr þá fyrir áframhaldandi nám. Hópurinn fer einnig í heimsókn í Keili og HR og fær kynningu á háskólagrunninum og þeim möguleikum sem standa til boða. Við kennum einnig námstækni sem er mikilvægt fyrir fólk sem er að setjast aftur á skólabekk,“ segir María. Náms- og starfsráðgjafar eru til staðar fyrir nemendur gegnum allt námið.Heiða Helgadóttir Ýmsar ástæður geta legið að baki því að fólk hætti námi. Meðalaldur nemenda í Menntastoðum er í kringum 25-30 ár og segir María marga hafa misst trúna á sjálfa sig þegar þeir koma til náms- og starfsráðgjafa hjá Mími. Stuðningur og sveigjanleiki sé grundvöllur þess að fólk geti tekið skrefið. „Við vitum hvaðan fólk er að koma. Þetta eru allt fullorðnir einstaklingar með ólíkar skuldbindingar. Það geta alls konar hlutir komið upp á í lífinu og hjá Mími er skilningur á því. Við náms- og starfsráðgjafarnir erum til staðar í gegnum allt námið og þá felst mikill stuðningur í því að kennt er í litlum hópum,“ segir María. Ráðgjöf hjá náms- og starfsráðgjafa Mímis er ókeypis og er nám við Menntastoðir Mímis niðurgreitt af Fræðslusjóði og hægt er að sækja námsstyrk til stéttarfélaga. Allar nánari upplýsingar má finna á www.mimir.is. Skóla - og menntamál Heilsa Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Símtal á lágpunkti úti í London breytti öllu Lífið Halla á Hellisheiði með viðskiptakonum Lífið Fleiri fréttir Hefur tekið Nutrilenk í 20 ár og gæti ekki án þess verið Getur hundur hjálpað mér að reima? - Ráðstefna um dýr í starfi með fólki Fallegur golfvöllur á sögulegum slóðum Aldrei haft jafn þykkt hár Eva Ruza skipuleggur húðrútínu sína með L´Oréal Paris Skemmtilegur golfvöllur umkringdur stórkostlegri náttúru Einstök saga sem á erindi við okkur öll Það kom sér vel fyrir Erlu að eiga til pakka af Active Liver! Nýr EM hópur í glæsilegum keppnisbúningi frá Castelli Cycling Líklega best geymda leyndarmálið á meðal kylfinga Ótrúlega öflug meðferð Vinkonukvöldin hjá Elira Beauty farin af stað Krefjandi golfvöllur í óvenjulegri náttúrufegurð Flogið beint til Brno í fyrsta skipti frá Íslandi 15 íslenskar þáttaraðir á Stöð 2 í haust Allt fyrir hlaupið á einum stað Hjólakeppnin Grefillinn nýtur sífellt meiri vinsælda Golfvöllur staðsettur í mikilli náttúruparadís Sólríkar borgarferðir og ljúfar aðventuferðir með Úrval Útsýn Tekur Nutrilenk samhliða Femarelle og mælir hiklaust með Svefninn skiptir máli! Opnuðu kaffihús fyrir hunda og ketti – Einn Puppaccino takk! Skemmtilegur golfvöllur í einstaklega fallegu umhverfi Þrítugasta Síldarævintýrið haldið um verslunarmannahelgina Sjá meira
Menntastoðir Mímis er vottuð námsbraut ætluð einstaklingum 18 ára og eldri sem hafa verið frá námi um einhvern tíma og má meta til framhaldsskólaeininga. Þeir sem ljúka námsbrautinni með tilskyldum árangri geta sótt um í undirbúningsdeildir fyrir háskólanám hjá Háskólanum í Reykjavík, háskólanum á Bifröst og hjá Keili í Reykjanesbæ. Námsbrautin brúar því bilið sem margir standa frammi fyrir þegar taka á upp þráðinn í námi á ný kannski eftir talsvert hlé. Stella flosnaði sjálf mjög ung úr námi og þurfti að byrja frá grunni. Hún segir það hafa verið talsverða áskorun á fullorðinsaldri og það var ekki fyrr en hún kynntist þéttu utanumhaldi hjá Mími að hlutirnir fóru að ganga vel. Hún stefnir nú á háskólanám í lífeindafræði sem hún segir sig aldrei hafa órað fyrir að ætti eftir að liggja fyrir henni. Veikt bakland, rótleysi og löng saga áfalla og neyslu hafi orðið til þess að hún sá sig aldrei fyrir sér sem námsmann. „Maður skammast sín fyrir að vera fullorðinn í þessari stöðu, alveg á byrjunarreit,“ segir Stella. Hún hafi mætt einstökum skilningi hjá Mími.Heiða Helgadóttir „Ég var í fimm grunnskólum því við fluttum oft. Ég ól mig eiginlega sjálf upp. Mamma var einstæð og þurfti að vinna mikið til að geta séð fyrir okkur, pabbi var ekki inni í myndinni, en mamma reyndi að gera sitt besta. Ég hafði aldrei neina fyrirmynd eða stefnu um að læra eitthvað sérstakt. Ég er með mikið ADHD, fór snemma að fikta við áfengi og var komin í slæm mál strax á unglingsárum. Þá flosnaði ég alveg upp úr skóla og kláraði aldrei tíunda bekkinn. Ég fór í meðferð til Svíþjóðar í apríl 2018 og sneri þá lífi mínu algjörlega við. Í endurhæfingunni var lagt til við mig að ég færi í nám en fram að því hafði ég ekki talið mig geta lært neitt. En það var virkilega erfitt að setjast aftur á skólabekk komandi úr þessum heimi. Ég byrjaði í Tækniskólanum í húsasmíði og strögglaði mikið í bóklegu fögunum, náði þó tveimur eða þremur áföngum og færði mig síðan yfir í FB í snyrtifræði. En mér leið eins og geimveru. Ég tengdist engum og passaði ekki inn, allt ungir krakkar og ég sífellt að rétta upp hönd, spyrjandi að öllu. Þetta var erfitt,“ segir Stella. Hún hafi verið við það að missa móðinn þegar ráðgjafi hjá Grettistaki endurhæfingu, benti henni á Menntastoðir Mímis. Mikilvægt að mæta skilningi „Námsráðgjafi hjá Mími hringir í mig og við náðum strax vel saman. Ég gat verið opin við hana um mín mál og hvað mig vantaði, sem skipti miklu máli. Maður skammast sín fyrir að vera fullorðinn í þessari stöðu, alveg á byrjunarreit. Hún hjálpaði mér að græja allt og tók brosandi á móti mér fyrsta daginn svo mér leið strax eins og heima. Í Mími er einnig kennt í litlum hópi og það var lykilatriði fyrir mig,“ segir Stella. Það hafi verið dýrmætt að tilheyra bekk og geta sótt stuðning til bekkjarfélaganna á jafningjagrundvelli. „Þarna vorum við öll fullorðin, með börn, maka, áföll og allskonar lífreynslu og gátum stutt hvert annað í gegnum námið.“ Þrjú úr þessum hópi fylgdust að yfir í háskólagrunninn og segir Stella að undirbúningurinn sem þau fengu hjá Mími hafi skipt sköpum. Kennt er í litlum hópum hjá Mími og hver nemandi fær mikinn stuðning.Heiða Helgadóttir „Við þrjú sem komum frá Mími vorum með frábæran grunn. Við höfðum farið í gegnum upprifjun á öllum þessum fögum og lært námstækni og áttum auðveldara með að læra. Við vorum í forystu í hópnum. Ég kláraði viðskiptafræðigrunninn og stefndi eftir það á hagfræði en nú hef ég ákveðið að fara í Lífeindafræði. Ég þarf að bæta nokkrum fögum við mig til þess en ég mikla það ekki fyrir mér í dag,“ segir Stella. Hún segir það hafi ekki síst verið löngunin til að vera sonum sínum góð fyrirmynd að hún ákvað að mennta sig og það hafi skilað sér. „Það hefur haft mikil áhrif á syni mína og þeirra sýn á mig að sjá mig læra myrkranna á milli og leggja allt þetta á mig. Eldri sonur minn hefur gjörbreyst á því að fylgjast með mínum metnaði og fór sjálfur að leggja gífurlega miklu vinnu á sig í fótboltanum og er nú að uppskera eftir því,“ segir Stella. Þessi reynsla hafi sýnt henni, og þeim, að allt er hægt. „Námið hjá Mími opnaði dyr fyrir mér sem ég hélt aldrei að væri möguleiki fyrir mig. Að ég, með mikinn athyglisbrest, hafandi verið í neyslu í mörg ár og lent í allskonar áföllum, hafi komist í gegnum þetta þýðir að það geta þetta allir. Bara byrja einhvers staðar og prófa sig áfram. Þetta borgar sig þúsundfalt.“ Menntastoðir Mímis stytta leiðina að háskólanámi eða iðn- og tækninámi „Með því að fara í Menntastoðir og þaðan í háskólagrunninn getur fólk stytt sér leið inn í háskóla eftir að það er orðið fullorðið og vantar einingar inn í sinn námsferil,“ segir María S. Stefánsdóttir, náms- og starfsráðgjafi hjá Mími. Ýmsar ástæður geta legið að baki því að fólk hætti námi. Stuðningur og sveigjanleiki er grundvöllur þess að fólk geti tekið skrefið.Heiða Helgadóttir „Við kennum grunnáfangana; íslensku, stærðfræði, ensku, dönsku og tölvu- og upplýsingatækni. Námið er hægt að taka sem staðnám, fjarnám eða blöndu af stað- og fjarnámi. Hægt er að ljúka náminu á einni eða tveimur önnum, eftir því hvort fólk velur að vera allan daginn eða einungis fyrir hádegi. Nemendur vinna lokaverkefni þar sem þeir fara í gegnum heimildavinnu og skrifa lokaritgerð sem þeir kynna og þetta undirbýr þá fyrir áframhaldandi nám. Hópurinn fer einnig í heimsókn í Keili og HR og fær kynningu á háskólagrunninum og þeim möguleikum sem standa til boða. Við kennum einnig námstækni sem er mikilvægt fyrir fólk sem er að setjast aftur á skólabekk,“ segir María. Náms- og starfsráðgjafar eru til staðar fyrir nemendur gegnum allt námið.Heiða Helgadóttir Ýmsar ástæður geta legið að baki því að fólk hætti námi. Meðalaldur nemenda í Menntastoðum er í kringum 25-30 ár og segir María marga hafa misst trúna á sjálfa sig þegar þeir koma til náms- og starfsráðgjafa hjá Mími. Stuðningur og sveigjanleiki sé grundvöllur þess að fólk geti tekið skrefið. „Við vitum hvaðan fólk er að koma. Þetta eru allt fullorðnir einstaklingar með ólíkar skuldbindingar. Það geta alls konar hlutir komið upp á í lífinu og hjá Mími er skilningur á því. Við náms- og starfsráðgjafarnir erum til staðar í gegnum allt námið og þá felst mikill stuðningur í því að kennt er í litlum hópum,“ segir María. Ráðgjöf hjá náms- og starfsráðgjafa Mímis er ókeypis og er nám við Menntastoðir Mímis niðurgreitt af Fræðslusjóði og hægt er að sækja námsstyrk til stéttarfélaga. Allar nánari upplýsingar má finna á www.mimir.is.
Skóla - og menntamál Heilsa Mest lesið Umfjöllunin um kynjaveisluna fór fyrir brjóstið á Birgittu Lífið „Mig langaði að eiga vini og verða vinsæll“ Lífið Mætti á nærfötunum einum klæða Tíska og hönnun „Háð því að gera hluti sem eru óþægilegir“ Lífið Listamenn skora á Samherja að falla frá málsókn gegn ODEE Lífið Björk byrjar kvöldið og Blawan tekur svo við Lífið Býður Taylor barn Lífið Taylor Swift jafnaði met Beyoncé á VMA Tónlist Símtal á lágpunkti úti í London breytti öllu Lífið Halla á Hellisheiði með viðskiptakonum Lífið Fleiri fréttir Hefur tekið Nutrilenk í 20 ár og gæti ekki án þess verið Getur hundur hjálpað mér að reima? - Ráðstefna um dýr í starfi með fólki Fallegur golfvöllur á sögulegum slóðum Aldrei haft jafn þykkt hár Eva Ruza skipuleggur húðrútínu sína með L´Oréal Paris Skemmtilegur golfvöllur umkringdur stórkostlegri náttúru Einstök saga sem á erindi við okkur öll Það kom sér vel fyrir Erlu að eiga til pakka af Active Liver! Nýr EM hópur í glæsilegum keppnisbúningi frá Castelli Cycling Líklega best geymda leyndarmálið á meðal kylfinga Ótrúlega öflug meðferð Vinkonukvöldin hjá Elira Beauty farin af stað Krefjandi golfvöllur í óvenjulegri náttúrufegurð Flogið beint til Brno í fyrsta skipti frá Íslandi 15 íslenskar þáttaraðir á Stöð 2 í haust Allt fyrir hlaupið á einum stað Hjólakeppnin Grefillinn nýtur sífellt meiri vinsælda Golfvöllur staðsettur í mikilli náttúruparadís Sólríkar borgarferðir og ljúfar aðventuferðir með Úrval Útsýn Tekur Nutrilenk samhliða Femarelle og mælir hiklaust með Svefninn skiptir máli! Opnuðu kaffihús fyrir hunda og ketti – Einn Puppaccino takk! Skemmtilegur golfvöllur í einstaklega fallegu umhverfi Þrítugasta Síldarævintýrið haldið um verslunarmannahelgina Sjá meira