Fótbolti

Arnór Ingvi og Kristian Nökkvi á skotskónum

Runólfur Trausti Þórhallsson skrifar
Arnór Ingvi Traustason í landsleik Íslands og Portúgals í sumar.
Arnór Ingvi Traustason í landsleik Íslands og Portúgals í sumar. VÍSIR/VILHELM

Arnór Ingvi Traustason skoraði eitt af þremur mörkum Norrköping í 3-1 sigri liðsins á AIK í sænsku úrvalsdeildinni í knattspyrnu. Sjá má markið í fréttinni. Kristian Nökkvi Hlynsson skoraði eina mark Jong Ajax í 1-2 tapi gegn Dr Graafschap í hollensku B-deildinni í knattspyrnu.

Arnór Ingvi byrjaði á miðjunni hjá Norrköping og átti frábæran leik. Kom hann heimamönnum 2-1 yfir um miðbik fyrri hálfleiks. Í þeim síðari kláraði Norrköping svo dæmið og vann 3-1 sigur.

Arnór Ingvi spilaði allan leikinn fyrir Norrköping á meðan Ísak Andri Sigurgeirsson kom inn af bekknum á 67. mínútu. Ari Freyr Skúlason sat svo á varamannabekknum frá upphafi til enda leiks. Norrköping er í 4. sæti deildarinnar með 34 stig að loknum 20 umferðum.

Í Hollandi var Kristian Nökkvi í byrjunarliði Jong Ajax sem mátti þola tap annan leikinn í röð. Markið skoraði Kristian Nökkvi á 79. mínútu en þá var staðan orðin 2-0 De Graafschap í vil.

Jong Ajax er á botni B-deildarinnar en liðið er án stiga að loknum tveimur umferðum.

Fótbolti Sænski boltinn Hollenski boltinn

Mest lesið


Fleiri fréttir

Sjá meira


×

Mest lesið