Einstakt hús hönnunarhjóna í Rjúpufelli

Um er að ræða rúmlega tvöhundruð fermetra hús byggt árið 1974 sem hefur fengið töluverðar endurbætur að innan. Í eldhúsi er nýleg hvít innrétting með góðu skápaplássi og gaseldavél, auk þess var baðherbergi endurnýjað að fullu.

Retró-stíll

Núverandi eigendur eignarinnar eru hjónin Daníel Stefánsson grafískur hönnuður hjá VERT markaðsstofu og Karitas Pálsdóttir grafískur hönnuður og verkefnastjóri hjá IKEA, sem hafa búið sér einkar fallegt heimili í sannkölluðum retró-stíl.

Hansahillur úr tekki prýða vegginn í stofunni þar sem bækur og fallegir munir fá að njóta sín. Retróhúsgögn svo sem stólar, kommóður og hurðir má sjá víðsvegar um húsið sem myndar fallega heildarmynd.

Stofa, eldhús og borðstofa eru í opnu flæðandi rými með gegnheilu viðargólfi. Útgengt er úr stofu í á sólpall og vel gróinn garð. 

Nánari upplýsingar má nálgast á fasteignavef Vísis.