Bað eigin sjóð um sextíu milljóna endurgreiðslu Samúel Karl Ólason skrifar 31. júlí 2023 08:38 Donald Trump, fyrrverandi forseti Bandaríkjanna, stendur frammi fyrir miklum vandræðum með lögin. Hann hefur verið ákærður tvisvar og gæti verið ákærður tvisvar til viðbótar. AP/Matt Rourke Kosningasjóður Donalds Trump, fyrrverandi forseta Bandaríkjanna, hefur farið fram á að sextíu milljónir dala sem veittar voru til pólitískrar aðgerðanefndar (PAC) Trumps sem kallast Save Amcerica, verði endurgreiddar. Krafan þykir benda til þess að Trump eigi í fjárhagskröggum. Trump hefur notað kosningasjóði sína til að greiða reikninga sína vegna lögsókna og ákæra sem hann stendur frammi fyrir. Trump hefur verið ákærður í tveimur mismunandi umdæmum og stendur frammi fyrir þriðju ákærunni í þriðja umdæminu á næstunni og mögulega þeirri fjórðu. Hann er einnig að greiða lögfræðikostnað nokkurra vitna sem vinan fyrir hann eða tengjast honum nánum böndum, samkvæmt frétt New York Times. Hingað til hefur Trump neitað að setja upp sérstakan sjóð fyrir sig og þá sem hann er að styðja. Óljóst er hve mikið kosningasjóðurinn fékk endurgreitt en Save America hefur varið rúmum fjörutíu milljónum dala í lögfræðigjöld Trumps á þessu ári, samkvæmt heimildarmönnum Washington Post. Forsvarsmenn sjóða Trumps munu leggja fram skjöl í dag sem sýna munu hve miklum fjármunum hefur verið varið og í hvað. Á undanförnum tveimur árum hafði sjóðurinn varið sextán milljónum dala í lögfræðikostnað en það er til viðbótar við milljónirnar fjörutíu. Síðan þá hefur Trump verið ákærður tvisvar og hefur stækkað lögfræðiteymi sitt og sinna. Halaði inn peningum eftir tap Eftir að Trump tapaði forsetakosningunum 2020 hefur hann safnað fúlgum fjár á grundvelli stoðlausra ásakana um að umfangsmikið kosningasvindl hefði kostað hann sigur. Peningarnir streymdu inn frá stuðningsmönnum hans og mikið magn þeirra fór í Save America. Pólitískar aðgerðanefndir eins og Save America tengjast kosningasjóðum stjórnmálamanna vestanhafs ekki beint og eru iðulega notaðir til að fjármagna bandamenn þeirra. Trump getur sum sé ekki notað þann sjóð til að fjármagna eigin kosningabaráttu heldur til að styðja aðra frambjóðendur Repúblikanaflokksins og refsa öðrum. Sjá einnig: Trump situr á digrum sjóðum Í byrjun þessa árs átti Save America þó eingöngu átján milljónir dala en samkvæmt frétt NYT byrjaði hann að flytja hluta alls fjármagns sem hann aflaði í þennan sjóð, sem hann hefur notað til að greiða lögmönnum sínum. Af hverjum dali sem hann safnar, eru tíu sent sögð renna til Save America. Það myndi þó ekki duga til að greiða lögfræðikostnað Trumps og annarra og fjárveitingar úr kosningasjóðum Trumps til aðgerðanefndarinnar þýðir að hann eigi minni peninga til að verja til framboðs síns. Sagði Trump bara vilja forðast fangelsi Will Hurd, fyrrverandi fulltrúadeildarþingmaður Repúblikanaflokksins frá Texas, sem tekur einnig þátt í forvali Repúblikanaflokksins fyrir forsetakosningarnar á næsta ári, sagði í Iowa um helgina að Trump væri ekki að bjóða sig aftur fram til að gera Bandaríkin betri. Markmið hans væri eingöngu að forðast að lenda í fangelsi. Þetta sagði Hurd í lok ræðu sinnar á viðburði í Iowa á föstudagskvöldið en áhorfendur brugðust reiðir við og púuðu á hann. „Ég veit, ég veit,“ sagði Hurd. „Sannleikurinn getur verið erfiður en ef við kjósum Donald Trump, erum við vísvitandi að gefa Joe Biden fjögur ár til viðbótar í Hvíta húsinu og Bandaríkin ráða ekki við það.“ Það var enn púað á hann er hann gekk af sviði. Trump brást reiður við þessum ummælum og skrifaði um Hurd á Truth Social, sem er samfélagsmiðill í eigu Trumps. „Ég tók eftir því að í Iowa í gær, að lítið þekktur og misheppnaður þingmaður, Will Hurd, er í alvörunni að bjóða sig fram til forseta.“ Hann grínaðist svo með það að Hurd hefði verið púaður af sviðinu. Þá sagði Trump ekki rétt að hann væri eingöngu að bjóða sig fram til að komast hjá fangelsisvist og staðhæfði að ef honum gengi ekki vel í kosningabaráttunni, þá ætti hann ekki í þessum vandræðum með lögin. Þar ýjaði hann að því að verið væri að beita dómskerfinu gegn honum til að stöðva hann. Samkvæmt nýjustu könnunum er Trump lang líklegastur til að hljóta tilnefningu Repúblikanaflokksins aftur. Í nýrri könnun NYT og Siena er hann með 54 prósenta fylgi en Ron DeSantis, ríkisstjóri Flórída, er svo næstur honum með sautján prósent. Tvær ákærur en fjögur mál Eins og áður segir hefur Trump verið ákærður tvisvar sinnum. Í öðru tilviki vegna opinberra skjala sem hann tók með sér úr Hvíta húsinu og neitaði að afhenda Þjóðskjalasafni Bandaríkjanna, eins og hann átti að gera samkvæmt lögum. Þar á meðal voru leynileg skjöl sem hann virðist hafa sýnt fólki sem hafði ekki heimild til að skoða þau. Sjá einnig: Sakaður um að hafa skipað starfsmanni að eyða myndbandsupptökum Hann hefur einnig verið ákærður vegna þagnargreiðslu til klámstjörnunnar Stormy Daniels í aðdraganda forsetakosninganna 2016. Sjá einnig: Trump með stöðu sakbornings, aftur Til viðbótar við það stendur Trump frammi fyrir tveimur rannsóknum sem gætu leitt til fleiri ákæra. Önnur snýr að árásinni á þinghús Bandaríkjanna þann 6. janúar árið 2021, þegar stuðningsmenn hans ruddu sér leið inn í þinghúsið með því markmiði að stöðva formlega staðfestingu úrslita forsetakosninganna 2020. Hin snýr að tilraunum hans til að breyta úrslitum kosninganna í Georgíu. Bandaríkin Donald Trump Forsetakosningar í Bandaríkjunum 2024 Forsetakosningar í Bandaríkjunum 2020 Tengdar fréttir Málsókn Trump gegn CNN vísað frá Alríkisdómari í Bandaríkjunum hefur vísað frá 475 milljóna dala málsókn Donald Trump, fyrrverandi Bandaríkjaforseta, sem hann höfðaði gegn fréttamiðlinum CNN fyrir að líkja sér við Adolf Hitler. 30. júlí 2023 08:24 Færast nær því að ákæra Biden fyrir embættisbrot Repúblikanar í fulltrúadeild Bandaríkjaþings hafa færst nær því að hefja rannsókn á því hvort tilefni finnist til að ákæra Joe Biden, forseta, fyrir embættisbrot. Donald Trump, fyrrverandi forseti sem var tvisvar ákærður fyrir embættisbrot, vill ólmur að Biden verði einnig ákærður. 28. júlí 2023 08:46 Fangelsi fyrir barsmíðar með fánastöng Vörubílstjóri sem barði lögregluþjón með fánastöng í árásinni á þinghús Bandaríkjanna þann 6. janúar 2021 hefur verið dæmdur til rúmlega fjögurra ára vistar í alríkisfangelsi. Maðurinn játaði að hafa ráðist á lögregluþjón með hættulegu vopni. 25. júlí 2023 10:33 Ákæra sextán Repúblikana í Michigan Ríkissaksóknari Michigan í Bandaríkjunum ákærði í gær sextán Repúblikana sem reyndu að gera sjálfa sig að kjörmönnum í forsetakosningunum 2020. Þannig vildu þeir snúa tapi Donalds Trump í Michigan í sigur. 19. júlí 2023 14:25 Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Fjöldi látinn eftir að verksmiðja sprakk í loft upp Erlent Norðmenn uggandi vegna mögulegra viðbragða Trump Erlent Kourani fluttur á Klepp Innlent Þarf að una áminningu í máli móður í forsjárdeilu Innlent Tókst ekki að sanna að Brim bæri ábyrgð á dauða sonar þeirra Innlent Gengst við því að hafa grandað farþegaþotunni Erlent Nóbelsnefndin hafi valið pólitík fram yfir frið Erlent Beygjuvasarnir stórhættulegir Innlent Fleiri fréttir Nóbelsnefndin rannsakar mögulegan leka og óvenjuleg veðmál Gengst við því að hafa grandað farþegaþotunni Fjöldi látinn eftir að verksmiðja sprakk í loft upp Norska ríkisstjórnin slær skipagöngin út af borðinu Hótar að beita Hamas hörðu afvopnist samtökin ekki Nóbelsnefndin hafi valið pólitík fram yfir frið Settu forsetann af vegna glæpaöldu í Perú Venesúelskur stjórnarandstæðingur hlaut friðarverðlaun Nóbels Bein útsending: Hver hlýtur friðarverðlaun Nóbels? Taívanir vilja reisa varnarhjúp gegn Kína Harðar árásir á Kænugarð í nótt Norðmenn uggandi vegna mögulegra viðbragða Trump Vopnahlé tekur gildi Annar andstæðingur Trumps ákærður Hægagangur á rússneska hagkerfinu Sagðir skoða að færa Eurovision verði Ísraelum meinuð þátttaka Dómur þyngdur yfir nauðgara Pelicot Myndir: Hágrátið og hlegið þegar fréttir bárust af friðarsamkomulagi Von um frið en uggur um efndir Trump segir Hamas og Ísraela hafa náð samkomulagi Kenna Evrópu- og Bandaríkjamönnum um litlar líkur á friði Handtekinn fyrir að kveikja skæðasta eld Los Angeles Fá Nóbelsverðlaun fyrir þróun málmlífrænna grinda Tengdasonur Trumps mætir til Egyptalands Dularfull brotlending nærri Area 51 Trump og „maðurinn með ljáinn“ hóta að greiða ekki laun Engan óraði fyrir framhaldinu Súdanskur uppreisnarleiðtogi sakfelldur fyrir stríðsglæpi Nýkjörinn bæjarstjóri alvarlega særður eftir stunguárás Fá Nóbelinn fyrir rannsóknir sínar á sviði skammtafræði Sjá meira
Trump hefur notað kosningasjóði sína til að greiða reikninga sína vegna lögsókna og ákæra sem hann stendur frammi fyrir. Trump hefur verið ákærður í tveimur mismunandi umdæmum og stendur frammi fyrir þriðju ákærunni í þriðja umdæminu á næstunni og mögulega þeirri fjórðu. Hann er einnig að greiða lögfræðikostnað nokkurra vitna sem vinan fyrir hann eða tengjast honum nánum böndum, samkvæmt frétt New York Times. Hingað til hefur Trump neitað að setja upp sérstakan sjóð fyrir sig og þá sem hann er að styðja. Óljóst er hve mikið kosningasjóðurinn fékk endurgreitt en Save America hefur varið rúmum fjörutíu milljónum dala í lögfræðigjöld Trumps á þessu ári, samkvæmt heimildarmönnum Washington Post. Forsvarsmenn sjóða Trumps munu leggja fram skjöl í dag sem sýna munu hve miklum fjármunum hefur verið varið og í hvað. Á undanförnum tveimur árum hafði sjóðurinn varið sextán milljónum dala í lögfræðikostnað en það er til viðbótar við milljónirnar fjörutíu. Síðan þá hefur Trump verið ákærður tvisvar og hefur stækkað lögfræðiteymi sitt og sinna. Halaði inn peningum eftir tap Eftir að Trump tapaði forsetakosningunum 2020 hefur hann safnað fúlgum fjár á grundvelli stoðlausra ásakana um að umfangsmikið kosningasvindl hefði kostað hann sigur. Peningarnir streymdu inn frá stuðningsmönnum hans og mikið magn þeirra fór í Save America. Pólitískar aðgerðanefndir eins og Save America tengjast kosningasjóðum stjórnmálamanna vestanhafs ekki beint og eru iðulega notaðir til að fjármagna bandamenn þeirra. Trump getur sum sé ekki notað þann sjóð til að fjármagna eigin kosningabaráttu heldur til að styðja aðra frambjóðendur Repúblikanaflokksins og refsa öðrum. Sjá einnig: Trump situr á digrum sjóðum Í byrjun þessa árs átti Save America þó eingöngu átján milljónir dala en samkvæmt frétt NYT byrjaði hann að flytja hluta alls fjármagns sem hann aflaði í þennan sjóð, sem hann hefur notað til að greiða lögmönnum sínum. Af hverjum dali sem hann safnar, eru tíu sent sögð renna til Save America. Það myndi þó ekki duga til að greiða lögfræðikostnað Trumps og annarra og fjárveitingar úr kosningasjóðum Trumps til aðgerðanefndarinnar þýðir að hann eigi minni peninga til að verja til framboðs síns. Sagði Trump bara vilja forðast fangelsi Will Hurd, fyrrverandi fulltrúadeildarþingmaður Repúblikanaflokksins frá Texas, sem tekur einnig þátt í forvali Repúblikanaflokksins fyrir forsetakosningarnar á næsta ári, sagði í Iowa um helgina að Trump væri ekki að bjóða sig aftur fram til að gera Bandaríkin betri. Markmið hans væri eingöngu að forðast að lenda í fangelsi. Þetta sagði Hurd í lok ræðu sinnar á viðburði í Iowa á föstudagskvöldið en áhorfendur brugðust reiðir við og púuðu á hann. „Ég veit, ég veit,“ sagði Hurd. „Sannleikurinn getur verið erfiður en ef við kjósum Donald Trump, erum við vísvitandi að gefa Joe Biden fjögur ár til viðbótar í Hvíta húsinu og Bandaríkin ráða ekki við það.“ Það var enn púað á hann er hann gekk af sviði. Trump brást reiður við þessum ummælum og skrifaði um Hurd á Truth Social, sem er samfélagsmiðill í eigu Trumps. „Ég tók eftir því að í Iowa í gær, að lítið þekktur og misheppnaður þingmaður, Will Hurd, er í alvörunni að bjóða sig fram til forseta.“ Hann grínaðist svo með það að Hurd hefði verið púaður af sviðinu. Þá sagði Trump ekki rétt að hann væri eingöngu að bjóða sig fram til að komast hjá fangelsisvist og staðhæfði að ef honum gengi ekki vel í kosningabaráttunni, þá ætti hann ekki í þessum vandræðum með lögin. Þar ýjaði hann að því að verið væri að beita dómskerfinu gegn honum til að stöðva hann. Samkvæmt nýjustu könnunum er Trump lang líklegastur til að hljóta tilnefningu Repúblikanaflokksins aftur. Í nýrri könnun NYT og Siena er hann með 54 prósenta fylgi en Ron DeSantis, ríkisstjóri Flórída, er svo næstur honum með sautján prósent. Tvær ákærur en fjögur mál Eins og áður segir hefur Trump verið ákærður tvisvar sinnum. Í öðru tilviki vegna opinberra skjala sem hann tók með sér úr Hvíta húsinu og neitaði að afhenda Þjóðskjalasafni Bandaríkjanna, eins og hann átti að gera samkvæmt lögum. Þar á meðal voru leynileg skjöl sem hann virðist hafa sýnt fólki sem hafði ekki heimild til að skoða þau. Sjá einnig: Sakaður um að hafa skipað starfsmanni að eyða myndbandsupptökum Hann hefur einnig verið ákærður vegna þagnargreiðslu til klámstjörnunnar Stormy Daniels í aðdraganda forsetakosninganna 2016. Sjá einnig: Trump með stöðu sakbornings, aftur Til viðbótar við það stendur Trump frammi fyrir tveimur rannsóknum sem gætu leitt til fleiri ákæra. Önnur snýr að árásinni á þinghús Bandaríkjanna þann 6. janúar árið 2021, þegar stuðningsmenn hans ruddu sér leið inn í þinghúsið með því markmiði að stöðva formlega staðfestingu úrslita forsetakosninganna 2020. Hin snýr að tilraunum hans til að breyta úrslitum kosninganna í Georgíu.
Bandaríkin Donald Trump Forsetakosningar í Bandaríkjunum 2024 Forsetakosningar í Bandaríkjunum 2020 Tengdar fréttir Málsókn Trump gegn CNN vísað frá Alríkisdómari í Bandaríkjunum hefur vísað frá 475 milljóna dala málsókn Donald Trump, fyrrverandi Bandaríkjaforseta, sem hann höfðaði gegn fréttamiðlinum CNN fyrir að líkja sér við Adolf Hitler. 30. júlí 2023 08:24 Færast nær því að ákæra Biden fyrir embættisbrot Repúblikanar í fulltrúadeild Bandaríkjaþings hafa færst nær því að hefja rannsókn á því hvort tilefni finnist til að ákæra Joe Biden, forseta, fyrir embættisbrot. Donald Trump, fyrrverandi forseti sem var tvisvar ákærður fyrir embættisbrot, vill ólmur að Biden verði einnig ákærður. 28. júlí 2023 08:46 Fangelsi fyrir barsmíðar með fánastöng Vörubílstjóri sem barði lögregluþjón með fánastöng í árásinni á þinghús Bandaríkjanna þann 6. janúar 2021 hefur verið dæmdur til rúmlega fjögurra ára vistar í alríkisfangelsi. Maðurinn játaði að hafa ráðist á lögregluþjón með hættulegu vopni. 25. júlí 2023 10:33 Ákæra sextán Repúblikana í Michigan Ríkissaksóknari Michigan í Bandaríkjunum ákærði í gær sextán Repúblikana sem reyndu að gera sjálfa sig að kjörmönnum í forsetakosningunum 2020. Þannig vildu þeir snúa tapi Donalds Trump í Michigan í sigur. 19. júlí 2023 14:25 Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Grínaðist með Möggu Stínu: „Fyrsta líflátshótunin kom 18 mínútum seinna“ Innlent Fjöldi látinn eftir að verksmiðja sprakk í loft upp Erlent Norðmenn uggandi vegna mögulegra viðbragða Trump Erlent Kourani fluttur á Klepp Innlent Þarf að una áminningu í máli móður í forsjárdeilu Innlent Tókst ekki að sanna að Brim bæri ábyrgð á dauða sonar þeirra Innlent Gengst við því að hafa grandað farþegaþotunni Erlent Nóbelsnefndin hafi valið pólitík fram yfir frið Erlent Beygjuvasarnir stórhættulegir Innlent Fleiri fréttir Nóbelsnefndin rannsakar mögulegan leka og óvenjuleg veðmál Gengst við því að hafa grandað farþegaþotunni Fjöldi látinn eftir að verksmiðja sprakk í loft upp Norska ríkisstjórnin slær skipagöngin út af borðinu Hótar að beita Hamas hörðu afvopnist samtökin ekki Nóbelsnefndin hafi valið pólitík fram yfir frið Settu forsetann af vegna glæpaöldu í Perú Venesúelskur stjórnarandstæðingur hlaut friðarverðlaun Nóbels Bein útsending: Hver hlýtur friðarverðlaun Nóbels? Taívanir vilja reisa varnarhjúp gegn Kína Harðar árásir á Kænugarð í nótt Norðmenn uggandi vegna mögulegra viðbragða Trump Vopnahlé tekur gildi Annar andstæðingur Trumps ákærður Hægagangur á rússneska hagkerfinu Sagðir skoða að færa Eurovision verði Ísraelum meinuð þátttaka Dómur þyngdur yfir nauðgara Pelicot Myndir: Hágrátið og hlegið þegar fréttir bárust af friðarsamkomulagi Von um frið en uggur um efndir Trump segir Hamas og Ísraela hafa náð samkomulagi Kenna Evrópu- og Bandaríkjamönnum um litlar líkur á friði Handtekinn fyrir að kveikja skæðasta eld Los Angeles Fá Nóbelsverðlaun fyrir þróun málmlífrænna grinda Tengdasonur Trumps mætir til Egyptalands Dularfull brotlending nærri Area 51 Trump og „maðurinn með ljáinn“ hóta að greiða ekki laun Engan óraði fyrir framhaldinu Súdanskur uppreisnarleiðtogi sakfelldur fyrir stríðsglæpi Nýkjörinn bæjarstjóri alvarlega særður eftir stunguárás Fá Nóbelinn fyrir rannsóknir sínar á sviði skammtafræði Sjá meira
Málsókn Trump gegn CNN vísað frá Alríkisdómari í Bandaríkjunum hefur vísað frá 475 milljóna dala málsókn Donald Trump, fyrrverandi Bandaríkjaforseta, sem hann höfðaði gegn fréttamiðlinum CNN fyrir að líkja sér við Adolf Hitler. 30. júlí 2023 08:24
Færast nær því að ákæra Biden fyrir embættisbrot Repúblikanar í fulltrúadeild Bandaríkjaþings hafa færst nær því að hefja rannsókn á því hvort tilefni finnist til að ákæra Joe Biden, forseta, fyrir embættisbrot. Donald Trump, fyrrverandi forseti sem var tvisvar ákærður fyrir embættisbrot, vill ólmur að Biden verði einnig ákærður. 28. júlí 2023 08:46
Fangelsi fyrir barsmíðar með fánastöng Vörubílstjóri sem barði lögregluþjón með fánastöng í árásinni á þinghús Bandaríkjanna þann 6. janúar 2021 hefur verið dæmdur til rúmlega fjögurra ára vistar í alríkisfangelsi. Maðurinn játaði að hafa ráðist á lögregluþjón með hættulegu vopni. 25. júlí 2023 10:33
Ákæra sextán Repúblikana í Michigan Ríkissaksóknari Michigan í Bandaríkjunum ákærði í gær sextán Repúblikana sem reyndu að gera sjálfa sig að kjörmönnum í forsetakosningunum 2020. Þannig vildu þeir snúa tapi Donalds Trump í Michigan í sigur. 19. júlí 2023 14:25