Borist ábendingar um tugmilljóna króna svik vegna innflutnings á húsum Oddur Ævar Gunnarsson skrifar 30. júní 2023 10:30 Breki Karlsson, formaður Neytendasamtakanna, hvetur neytendur til að tilkynna slík mál til lögreglu. Mikilvægt sé að vera á varðbergi. Vísir/Sigurjón Neytendasamtökunum hefur borist ábending um að tugir milljóna hafi verið sviknar út úr sextán manns af íslenskum aðila sem gefur sig út fyrir að flytja inn og selja hús frá Austur-Evrópu. Formaður Neytendasamtakanna segir samtökin hafi fengið ábendingu um málið en geti lítið gert í slíkum málum annað en að vísa þeim til lögreglu. Norðlenski fréttavefurinn Trölli gerir málinu skil og ræðir við Árna Björn Björnsson íbúa á Sauðárkróki sem er einn þeirra sem pantaði hús hjá viðkomandi aðila. Hann átti að fá húsið afhent í desember en hefur ekkert hús fengið. Kemur fram á Trölla.is að söluaðilinn beri fyrir sig afsakanir og skýringar sem ekki hafi staðist. Þannig hafi félagi Árna Björns úr Skagafirði lagt land undir fót í Lettlandi til þess að skoða húsið sem pantað var í verksmiðjunni. Ekkert hús var þar í smíðum. Þá segir Árni að hann hafi haft afspurn af fimmtán manns sem séu í sömu stöðu og hann sem ekki hafa fengið hús sitt afhent. Um sé að ræða vanskil upp á 88 milljónir króna hið minnsta. Árni varar sjálfur við svikastarfseminni á Facebook og birtir lista yfir Facebook síður þar sem boðið er upp á að kaupa slík hús. Ein þeirra er merkt Smart modular Ísland og er Klettatröð 2 í Keflavík gefið upp sem heimilisfang og íslenskt símanúmer fylgir. Vísir hringdi í númerið fyrir klukkan 10:00 í morgun og fékk fyrst upp að um timbursölu væri að ræða sem myndi opna klukkan 10:00. Eftir klukkan 10:00 eru hringjendur látnir vita að slökkt sé á símanum. Neytendasamtökin muni fylgjast með Breki Karlsson, formaður Neytendasamtakanna, staðfestir í samtali við Vísi að samtökin hafi fengið ábendingu vegna málsins í síðustu viku. „Það er ekkert í rauninni sem við getum gert í svona málum nema vísa þeim til lögreglunnar. Þetta lítur út fyrir að vera svikamál af fréttaflutningi að dæma.“ Hann segir að miðað við fréttaflutning af málinu líti út fyrir að um sé að ræða stórfellda svikastarfsemi. „Miðað við það að viðkomandi hefur kannað þetta hjá framleiðandanum úti sem ekkert hefur kannast við, að þá virðist þetta vera stóralvarlegt mál og í rauninni bara lögreglumál. Breki segir fólk sem lendi í slíkum svikum vera í gríðarlega erfiðri stöðu. Mikilvægt sé að hafa samband við lögreglu. Hann segir Neytendasamtökin muni fylgjast áfram með málinu. „Auðvitað er auðvelt að vera vitur eftir á en fyrir fram er gott að líta til sögu fyrirtækjanna, þar sem orðspor skiptir gríðarlegu máli og fá staðfestingu á því að fyrirtækið sé raunverulega í viðskiptum við erlendan aðila líkt og það fullyrðir, af því að þarna eru náttúrulega um svakalegar upphæðir að ræða.“ Breki tekur fram að allir séu þannig úr garði gerðir að þeir vilji treysta fólki. Því miður séu ýmsir óprúttnir aðilar sem geri út á slíkt traust. „Og þess vegna þurfum við að fara varlega og staðfesta fyrirfram áður en við greiðum fyrir vörur, að það sé raunverulegt viðskiptasamband milli meints umboðsaðila hér og fyrirtækisins erlendis sem framleiðir húsin.“ Neytendur Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Fær bætur vegna brúnu blettanna í mottunni Neytendur Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Vefsíðan hrundi innan tuttugu mínútna Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
Norðlenski fréttavefurinn Trölli gerir málinu skil og ræðir við Árna Björn Björnsson íbúa á Sauðárkróki sem er einn þeirra sem pantaði hús hjá viðkomandi aðila. Hann átti að fá húsið afhent í desember en hefur ekkert hús fengið. Kemur fram á Trölla.is að söluaðilinn beri fyrir sig afsakanir og skýringar sem ekki hafi staðist. Þannig hafi félagi Árna Björns úr Skagafirði lagt land undir fót í Lettlandi til þess að skoða húsið sem pantað var í verksmiðjunni. Ekkert hús var þar í smíðum. Þá segir Árni að hann hafi haft afspurn af fimmtán manns sem séu í sömu stöðu og hann sem ekki hafa fengið hús sitt afhent. Um sé að ræða vanskil upp á 88 milljónir króna hið minnsta. Árni varar sjálfur við svikastarfseminni á Facebook og birtir lista yfir Facebook síður þar sem boðið er upp á að kaupa slík hús. Ein þeirra er merkt Smart modular Ísland og er Klettatröð 2 í Keflavík gefið upp sem heimilisfang og íslenskt símanúmer fylgir. Vísir hringdi í númerið fyrir klukkan 10:00 í morgun og fékk fyrst upp að um timbursölu væri að ræða sem myndi opna klukkan 10:00. Eftir klukkan 10:00 eru hringjendur látnir vita að slökkt sé á símanum. Neytendasamtökin muni fylgjast með Breki Karlsson, formaður Neytendasamtakanna, staðfestir í samtali við Vísi að samtökin hafi fengið ábendingu vegna málsins í síðustu viku. „Það er ekkert í rauninni sem við getum gert í svona málum nema vísa þeim til lögreglunnar. Þetta lítur út fyrir að vera svikamál af fréttaflutningi að dæma.“ Hann segir að miðað við fréttaflutning af málinu líti út fyrir að um sé að ræða stórfellda svikastarfsemi. „Miðað við það að viðkomandi hefur kannað þetta hjá framleiðandanum úti sem ekkert hefur kannast við, að þá virðist þetta vera stóralvarlegt mál og í rauninni bara lögreglumál. Breki segir fólk sem lendi í slíkum svikum vera í gríðarlega erfiðri stöðu. Mikilvægt sé að hafa samband við lögreglu. Hann segir Neytendasamtökin muni fylgjast áfram með málinu. „Auðvitað er auðvelt að vera vitur eftir á en fyrir fram er gott að líta til sögu fyrirtækjanna, þar sem orðspor skiptir gríðarlegu máli og fá staðfestingu á því að fyrirtækið sé raunverulega í viðskiptum við erlendan aðila líkt og það fullyrðir, af því að þarna eru náttúrulega um svakalegar upphæðir að ræða.“ Breki tekur fram að allir séu þannig úr garði gerðir að þeir vilji treysta fólki. Því miður séu ýmsir óprúttnir aðilar sem geri út á slíkt traust. „Og þess vegna þurfum við að fara varlega og staðfesta fyrirfram áður en við greiðum fyrir vörur, að það sé raunverulegt viðskiptasamband milli meints umboðsaðila hér og fyrirtækisins erlendis sem framleiðir húsin.“
Neytendur Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Fær bætur vegna brúnu blettanna í mottunni Neytendur Verðbólga fari undir fimm prósent í lok árs Viðskipti innlent Ráðinn fjárfestatengill Icelandair Viðskipti innlent Vefsíðan hrundi innan tuttugu mínútna Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira