Aðildar­ríkin vilja Stol­ten­berg á­fram en hann virðist tregur til

Frá þessu greinir VG.

Samkvæmt frétt blaðsins hefur Stoltenberg ekki gefið svar af eða á en hann mun að óbreyttu láta af störfum 1. október næstkomandi. Ákvörðunar er að vænta á næstu dögum, hefur VG eftir heimildarmönnum.

Þeir segjast gera ráð fyrir að Stoltenberg muni samþykkja að vera áfram og fram á sumar 2024.

Stoltenberg sagðist hins vegar í samtali við NRK í gær að hann hefði margsinnis ítrekað að hann hefði ekkert meira fram að færa og hefði ekki áhuga á því að framlengja samning sinn.

Hann er sagður eini kandídatinn sem NATO-ríkin hafa augastað á.

Stoltenberg var forsætisráðherra Noregs frá 2005 til 2013 og var skipaður framkvæmdastjóri NATO árið 2014. Hann átti að láta af störfum 1. október 2022 og hafði leitast eftir því að verða næsti seðlabankastjóri Noregs.

Eftir mikinn þrýsting vegna innrásar Rússa í Úkraínu samþykkti hann hins vegar í mars 2022 að framlengja samning sinn við NATO tímabundið.