Þrjú börn meðal tíu látinna eftir árás Rússa á Kramatorsk

Björgunaraðgerðir standa enn yfir eftir að eldflaugar lentu á fyrirtæki og veitingastað og er fólk á vettvangi sagt hafa fengið áfallahjálp.  Flaugarnar eru sagðar hafa eyðilagt pizzastað og valdið skemmdum á átján háhýsum, 65 heimilum, fimm skólum, tveimur leikskólum, verslanamiðstöð og hóteli.

Meðal látnu eru 17 ára stúlka og 14 ára systur.

Yfirvöld í Úkraínu hafa greint frá því í dag að hafa grandað sex „Shahed“-drónum. Tveir voru skotnir niður yfir Cherkasy. Þá særðist 70 ára kona í árás í Kupiansk.

Herman Smetanin hefur verið skipaður nýr framkvæmdastjóri vopnaframleiðandans Ukroboronprom, sem er í eigu ríkisins. Hann er sagður eiga að leita leiða til að auka framleiðslu vopna og skotfæra, koma í veg fyrir spillingu innan fyrirtækisins og „umbreyta“ Ukroboronprom.