33 bif­reiðar sektaðar í Vestur­bænum vegna „ó­lög­legrar lagningar“

Þá bárust tvær tilkynningar um þjófnaði, annar átti sér stað í Breiðholtinu og hinn í Kópavogi.

Mest var að gera í umferðinni en 33 ökutæki voru sektuð í póstnúmerinu 107 vegna „ólöglegrar lagningar“, eins og segir í yfirliti lögreglu. Þá voru þó nokkrir ökumenn stöðvaðir grunaðir um akstur undir áhrifum fíkniefna.

Skráningarmerki voru fjarlægð af þremur bifreiðum vegna vanrækslu á aðalskoðun og þá barst ein tilkynning um umferðaslys þar sem minniháttar meiðsl urðu á fólki en ökumaður annarar bifreiðarinnar reyndist undir áhrifum fíkniefna og var fluttur í fangageymslu eftir skoðun á bráðamóttöku.