Alls konar um að vera um allt land á 17. júní Árni Sæberg skrifar 16. júní 2023 15:29 Kópavogsbúar safnast ávallt saman á Rútstúni í tilefni af 17. júní. Vísir/Vilhelm Þjóðhátíðardagurinn verður haldinn með pompi og prakt í dag. Venju samkvæmt er metnaðarfull dagskrá víða um land. Vísir tók saman dagskrána í nokkrum sveitarfélögum. Reykjavíkurborg Á þjóðhátíðardaginn 17. júní verður boðið upp á fjölbreytta dagskrá. Skrúðganga verður frá Hallgrímskirkju, tónleikar, götuleikhús, dansveisla, sirkus, leiktæki, matarvagnar og fornbílasýningar í Hljómskálagarði og á Klambratúni svo fátt eitt sé nefnt. Dagskráin hefst klukkan 11:10 með hátíðarathöfn á vegum Alþingis og forsætisráðuneytisins á Austurvelli. Reykjavíkurborg notar vefinn 17juni.is til þess að miðla dagskrá dagsins þar má sjá allar frekari upplýsingar um dagskrá víðsvegar um borgina. Einnig er þar að finna upplýsingar um götulokanir. Kópavogsbær 17. júní verður fagnaði í Kópavogi á Rútstúni og við Salalaug með glæsilegri hátíðardagskrá. Hátíðarsvæðin verða opin frá kl. 12:00 til 17:00 Frítt verður í hoppukastala, leiktæki og andlitsmálun. Veltibíllinn vinsæli verður við Sundlaug Kópavogs á milli klukkan 12:00 og 16:00 Skrúðganga verður gengin frá MK kl. 13:30 með Skólahljómsveit Kópavogs og Skátafélaginu Kópum. Dagskrána í Kópavogi má sjá hér. Hafnarfjörður Þjóðhátíðarveisla sem teygir anga sína víða um bæinn verður í boði víðsvegar um Hafnarfjörð. Þjóðhátíðardagurinn hefst með fánahyllingu á Hamrinum klukkan 8 í boði Skátafélagsins Hraunbúa og lýkur með glæsilegri kvölddagskrá á Thorsplani. Dagskrána má lesa hér. Garðabær Dagskrá verður fyrir alla fjölskylduna á Garðatorgi á 17. júní og tónleikar í sal Tónlistarskólans. Skrúðganga, hoppukastalar, fjallkonan, Gunni og Felix, Kvenfélagskaffi og fleira fjör í boði á Garðatorgi. Dagskrána má sjá hér. Mosfellsbær Líkt og víðar verður mikið um dýrðir í Mosfellsbæ. Dagskráin hefst með hátíðarguðsþjónusta í Lágafellskirkju klukkan 11. Skátafélagið Mosverjar leiðir svo skrúðgöngu að Hlégarði klukkan 13:30. Að skrúðgöngu lokinni tekur fjölskydudagskrá við Hlégarð. Þar verða hoppukastalar, sölutjöld, skátaleikir, pylsusala, andlitsmálun og margt fleira. Dagskrána má lesa á vef Mosfellsbæjar. Seltjarnarnes Skrúðganga og fjölbreytt dagskrá fyrir alla fjölskylduna verður á Seltjarnarnesi milli klukkan 10 og 15. Frítt verður í alla skemmtun og leiktæki. Dagskrána má sjá hér. Akureyri Hátíðarhöld 17. júní verða með ofurlítið öðru sniði en verið hefur síðustu árin. Ákveðið var að hafa alla dagskrána í og við Lystigarðinn og er fyrst og fremst horft til þess að bjóða upp á góða dagskrá fyrir alla fjölskylduna yfir daginn. Nú er orðin hefð fyrir því að blómabíllinn keyri um bæinn áður en formleg dagskrá hefst og verður Kristinn Örn Jónsson, Tinni, á ferðinni milli klukkan 11 og 12 á fallega fornbílnum sínum. Hann leggur af stað frá Naustaskóla klukkan 11 og endar ferðina við Lystigarðinn. Skrúðgangan leggur af stað frá gamla húsmæðraskólanum við Þórunnarstræti klukkan 12:30 og formleg dagskrá í Lystigarðinum hefst klukkan 13. Að lokinni hátíðardagskrá hefst fjölskylduskemmtun í vestari hluta garðsins og á hinni svokölluðu MA-flöt fyrir ofan Lystigarðinn. Margt fleira er á dagskránni, sem lesa má hér. Árborg Fjölbreytt hátíðardagskrá verður á Selfossi fyrir alla aldurshópa. Skrúðganga verður gengin frá Selfosskirkju klukkan 13:15, gengið verður Kirkjuveg, Eyraveg, Austurveg, Reynivelli, Engjaveg, Sigtún og inn í Sigtúnsgarð. Klukkan 14 hefst fjölskylduhátíð í Sigtúnsgarði. Þar koma fram Jón Jónsson, Diljá, Ávaxtakarfan, Dansakademían, Benedikt Búálfur og Hugrún Tinna & Aldís Elva. Dagskrána á Selfossi má sjá hér. Þá verður einnig hátíðardagskrá á Eyrarbakka. Hana má skoða hér. Ísafjörður Þjóðhátíðardagurinn verður haldinn hátíðlegur á Eyrartúni, í daglegu tali Sjúkrahústún, og í Blómagarðinum, Austurvelli á Ísafirði föstudaginn 17. júní. Einnig verða hátíðarhöld á Hrafnseyri. Fyrri part dags verður messa í Ísafjarðarkirkju, Kómedíuleikhúsið sýnir barnaskemmtunina Tindátana á hjúkrunarheimilinu Eyri og 12:30 hefst ratleikur á vegum Vestra sem stendur til fjögur. Skrúðganga verður gengin frá Silfurtorgi upp á Eyratrún þar sem hátíðarhöld verða sett klukkan 13:30. Lúðrasveit TÍ spilar fjöruga tóna. Hátíðarræða verður flutt af Greipi Gíslasyni, Hátíðarkór tekur lagið undir stjórn Judy Tobin, ávarp fjallkonu, hoppukastalar, sölutjöld, andlitsmálun og allskonar fjör. Dagskrána má sjá hér. Hvolsvöllur Hátíðardagskráin á Hvolsvelli hefst klukkan 9 með morgunmat í Hvolnum. Frá klukkan tíu verður opið hús hjá lögreglunni, slökkviliðinu og Dagrenningu. Klukkan 12:30 hefst skrúðganga frá Kirkjuhvol að Miðbæjartúninu þar sem hátíðardagskrá hefst klukkan 13. Á henni verða fjallkonan, hátíðarræða, víðavangshlaup, systurnar frá Miðtúni, Jógvan Hansen og margt fleira. Dagskrána má sjá hér. Múlaþing Múlaþing í samstarfi við Neista, Huginn og fimleikadeild Hattar býður upp á mismunandi fjölskyldudagskrá á þjóðhátíðardag Íslendinga. Fjölbreytt dagskrá verður á Egilsstöðum, Djúpavogi, Seyðisfirði og Borgarfirði eystri. Dagskrána má sjá á vef Múlaþings. 17. júní Reykjavík Kópavogur Hafnarfjörður Garðabær Mosfellsbær Seltjarnarnes Akureyri Árborg Ísafjarðarbær Rangárþing eystra Múlaþing Mest lesið Myndaveisla: Sexí upplifun í miðbænum Lífið Ítrekað með tárin í augunum á leið í vinnuna Lífið Var búinn að gefast upp Lífið „Þetta er enginn helvítis félagskvíði, það bara þolir mig enginn“ Áskorun Ein glæsilegasta leikkona landsins á lausu Lífið Hollywood-leikstjóri nýtur lífsins á Íslandi Lífið Patrekur Jaime mættur aftur á markaðinn Lífið Vala Kristín hætti sér á tvöfalt stefnumót í flugi Lífið Helgi Björns ber sig ekki eins vel milli ára Lífið Guggur og gúmmíbátur hjá Guggu í gúmmíbát Lífið Fleiri fréttir Myndaveisla: Sexí upplifun í miðbænum Hollywood-leikstjóri nýtur lífsins á Íslandi Var búinn að gefast upp Kaleo sló í gegn hjá Jimmy Kimmel Vala Kristín hætti sér á tvöfalt stefnumót í flugi Okkar eigið Ísland: Leiddi félaga sína á vitlausan topp Patrekur Jaime mættur aftur á markaðinn Líf og fjör þegar lundapysjum var sleppt út á haf Ítrekað með tárin í augunum á leið í vinnuna Segir fitubúninginn hafa bjargað Guggur og gúmmíbátur hjá Guggu í gúmmíbát Jennifer Lopez sækir um skilnað Fimm sérbýli á Nesinu Ein glæsilegasta leikkona landsins á lausu Helgi Björns ber sig ekki eins vel milli ára Sunneva Einars tekur risastökk á tekjulista áhrifavalda Reynir festi kaup á 210 milljón króna þakíbúð Þormóður og Þóra skelltu sér til Marokkó „Sumar á disk” að hætti Evu Laufeyjar „Þetta var fullkomið og auðvitað sagði ég já“ Eurovision 2025 verður haldið í Basel eða Genf Myndaveisla: Líf og fjör á golfmóti FM957 Spjótin hætta ekki að beinast að Blake Lively Stórstjörnur og lúðrasveit í brúðkaupi Fanneyjar og Teits Harðfiskís, laxaís og beikonís í stærsta ísteiti ársins Vala Grand gengin út Fjögur börn og trúlofun hjá Evu Dögg Segist standa með Helga Magnúsi gegn hótunum Stjörnulífið: Stjörnubrúðkaup og Áslaug Arna í golfi Lil Curly og Brynja ekki lengur bara vinir Sjá meira
Reykjavíkurborg Á þjóðhátíðardaginn 17. júní verður boðið upp á fjölbreytta dagskrá. Skrúðganga verður frá Hallgrímskirkju, tónleikar, götuleikhús, dansveisla, sirkus, leiktæki, matarvagnar og fornbílasýningar í Hljómskálagarði og á Klambratúni svo fátt eitt sé nefnt. Dagskráin hefst klukkan 11:10 með hátíðarathöfn á vegum Alþingis og forsætisráðuneytisins á Austurvelli. Reykjavíkurborg notar vefinn 17juni.is til þess að miðla dagskrá dagsins þar má sjá allar frekari upplýsingar um dagskrá víðsvegar um borgina. Einnig er þar að finna upplýsingar um götulokanir. Kópavogsbær 17. júní verður fagnaði í Kópavogi á Rútstúni og við Salalaug með glæsilegri hátíðardagskrá. Hátíðarsvæðin verða opin frá kl. 12:00 til 17:00 Frítt verður í hoppukastala, leiktæki og andlitsmálun. Veltibíllinn vinsæli verður við Sundlaug Kópavogs á milli klukkan 12:00 og 16:00 Skrúðganga verður gengin frá MK kl. 13:30 með Skólahljómsveit Kópavogs og Skátafélaginu Kópum. Dagskrána í Kópavogi má sjá hér. Hafnarfjörður Þjóðhátíðarveisla sem teygir anga sína víða um bæinn verður í boði víðsvegar um Hafnarfjörð. Þjóðhátíðardagurinn hefst með fánahyllingu á Hamrinum klukkan 8 í boði Skátafélagsins Hraunbúa og lýkur með glæsilegri kvölddagskrá á Thorsplani. Dagskrána má lesa hér. Garðabær Dagskrá verður fyrir alla fjölskylduna á Garðatorgi á 17. júní og tónleikar í sal Tónlistarskólans. Skrúðganga, hoppukastalar, fjallkonan, Gunni og Felix, Kvenfélagskaffi og fleira fjör í boði á Garðatorgi. Dagskrána má sjá hér. Mosfellsbær Líkt og víðar verður mikið um dýrðir í Mosfellsbæ. Dagskráin hefst með hátíðarguðsþjónusta í Lágafellskirkju klukkan 11. Skátafélagið Mosverjar leiðir svo skrúðgöngu að Hlégarði klukkan 13:30. Að skrúðgöngu lokinni tekur fjölskydudagskrá við Hlégarð. Þar verða hoppukastalar, sölutjöld, skátaleikir, pylsusala, andlitsmálun og margt fleira. Dagskrána má lesa á vef Mosfellsbæjar. Seltjarnarnes Skrúðganga og fjölbreytt dagskrá fyrir alla fjölskylduna verður á Seltjarnarnesi milli klukkan 10 og 15. Frítt verður í alla skemmtun og leiktæki. Dagskrána má sjá hér. Akureyri Hátíðarhöld 17. júní verða með ofurlítið öðru sniði en verið hefur síðustu árin. Ákveðið var að hafa alla dagskrána í og við Lystigarðinn og er fyrst og fremst horft til þess að bjóða upp á góða dagskrá fyrir alla fjölskylduna yfir daginn. Nú er orðin hefð fyrir því að blómabíllinn keyri um bæinn áður en formleg dagskrá hefst og verður Kristinn Örn Jónsson, Tinni, á ferðinni milli klukkan 11 og 12 á fallega fornbílnum sínum. Hann leggur af stað frá Naustaskóla klukkan 11 og endar ferðina við Lystigarðinn. Skrúðgangan leggur af stað frá gamla húsmæðraskólanum við Þórunnarstræti klukkan 12:30 og formleg dagskrá í Lystigarðinum hefst klukkan 13. Að lokinni hátíðardagskrá hefst fjölskylduskemmtun í vestari hluta garðsins og á hinni svokölluðu MA-flöt fyrir ofan Lystigarðinn. Margt fleira er á dagskránni, sem lesa má hér. Árborg Fjölbreytt hátíðardagskrá verður á Selfossi fyrir alla aldurshópa. Skrúðganga verður gengin frá Selfosskirkju klukkan 13:15, gengið verður Kirkjuveg, Eyraveg, Austurveg, Reynivelli, Engjaveg, Sigtún og inn í Sigtúnsgarð. Klukkan 14 hefst fjölskylduhátíð í Sigtúnsgarði. Þar koma fram Jón Jónsson, Diljá, Ávaxtakarfan, Dansakademían, Benedikt Búálfur og Hugrún Tinna & Aldís Elva. Dagskrána á Selfossi má sjá hér. Þá verður einnig hátíðardagskrá á Eyrarbakka. Hana má skoða hér. Ísafjörður Þjóðhátíðardagurinn verður haldinn hátíðlegur á Eyrartúni, í daglegu tali Sjúkrahústún, og í Blómagarðinum, Austurvelli á Ísafirði föstudaginn 17. júní. Einnig verða hátíðarhöld á Hrafnseyri. Fyrri part dags verður messa í Ísafjarðarkirkju, Kómedíuleikhúsið sýnir barnaskemmtunina Tindátana á hjúkrunarheimilinu Eyri og 12:30 hefst ratleikur á vegum Vestra sem stendur til fjögur. Skrúðganga verður gengin frá Silfurtorgi upp á Eyratrún þar sem hátíðarhöld verða sett klukkan 13:30. Lúðrasveit TÍ spilar fjöruga tóna. Hátíðarræða verður flutt af Greipi Gíslasyni, Hátíðarkór tekur lagið undir stjórn Judy Tobin, ávarp fjallkonu, hoppukastalar, sölutjöld, andlitsmálun og allskonar fjör. Dagskrána má sjá hér. Hvolsvöllur Hátíðardagskráin á Hvolsvelli hefst klukkan 9 með morgunmat í Hvolnum. Frá klukkan tíu verður opið hús hjá lögreglunni, slökkviliðinu og Dagrenningu. Klukkan 12:30 hefst skrúðganga frá Kirkjuhvol að Miðbæjartúninu þar sem hátíðardagskrá hefst klukkan 13. Á henni verða fjallkonan, hátíðarræða, víðavangshlaup, systurnar frá Miðtúni, Jógvan Hansen og margt fleira. Dagskrána má sjá hér. Múlaþing Múlaþing í samstarfi við Neista, Huginn og fimleikadeild Hattar býður upp á mismunandi fjölskyldudagskrá á þjóðhátíðardag Íslendinga. Fjölbreytt dagskrá verður á Egilsstöðum, Djúpavogi, Seyðisfirði og Borgarfirði eystri. Dagskrána má sjá á vef Múlaþings.
17. júní Reykjavík Kópavogur Hafnarfjörður Garðabær Mosfellsbær Seltjarnarnes Akureyri Árborg Ísafjarðarbær Rangárþing eystra Múlaþing Mest lesið Myndaveisla: Sexí upplifun í miðbænum Lífið Ítrekað með tárin í augunum á leið í vinnuna Lífið Var búinn að gefast upp Lífið „Þetta er enginn helvítis félagskvíði, það bara þolir mig enginn“ Áskorun Ein glæsilegasta leikkona landsins á lausu Lífið Hollywood-leikstjóri nýtur lífsins á Íslandi Lífið Patrekur Jaime mættur aftur á markaðinn Lífið Vala Kristín hætti sér á tvöfalt stefnumót í flugi Lífið Helgi Björns ber sig ekki eins vel milli ára Lífið Guggur og gúmmíbátur hjá Guggu í gúmmíbát Lífið Fleiri fréttir Myndaveisla: Sexí upplifun í miðbænum Hollywood-leikstjóri nýtur lífsins á Íslandi Var búinn að gefast upp Kaleo sló í gegn hjá Jimmy Kimmel Vala Kristín hætti sér á tvöfalt stefnumót í flugi Okkar eigið Ísland: Leiddi félaga sína á vitlausan topp Patrekur Jaime mættur aftur á markaðinn Líf og fjör þegar lundapysjum var sleppt út á haf Ítrekað með tárin í augunum á leið í vinnuna Segir fitubúninginn hafa bjargað Guggur og gúmmíbátur hjá Guggu í gúmmíbát Jennifer Lopez sækir um skilnað Fimm sérbýli á Nesinu Ein glæsilegasta leikkona landsins á lausu Helgi Björns ber sig ekki eins vel milli ára Sunneva Einars tekur risastökk á tekjulista áhrifavalda Reynir festi kaup á 210 milljón króna þakíbúð Þormóður og Þóra skelltu sér til Marokkó „Sumar á disk” að hætti Evu Laufeyjar „Þetta var fullkomið og auðvitað sagði ég já“ Eurovision 2025 verður haldið í Basel eða Genf Myndaveisla: Líf og fjör á golfmóti FM957 Spjótin hætta ekki að beinast að Blake Lively Stórstjörnur og lúðrasveit í brúðkaupi Fanneyjar og Teits Harðfiskís, laxaís og beikonís í stærsta ísteiti ársins Vala Grand gengin út Fjögur börn og trúlofun hjá Evu Dögg Segist standa með Helga Magnúsi gegn hótunum Stjörnulífið: Stjörnubrúðkaup og Áslaug Arna í golfi Lil Curly og Brynja ekki lengur bara vinir Sjá meira