Samningi rift vegna kaupa á pug-hundi sem reyndist fatlaður Atli Ísleifsson skrifar 12. júní 2023 08:33 Hundur af gerðinni pug. Myndin tengist fréttinni ekki beint. Getty Kærunefnd vöru- og þjónustukaupa hefur viðurkennt rétt manns til að rifta samningi um kaup á hreinræktuðum hundi af tegundinni pug þar sem í ljós hafi komið að hundurinn hafi reynst fatlaður. Hundurinn var keyptur á hálfa milljón króna sumarið 2021 og er það niðurstaða nefndarinnar að seljendum hundsins beri að endurgreiða kaupendum 300 þúsund krónur gegn afhendingu hundsins, auk þess að greiða skaðabætur að fjárhæð 44 þúsund. Í úrskurði nefndarinnar kemur fram að fljótlega eftir afhendingu hundsins hafi farið að bera á því að hundurinn ætti erfitt með gang sem hafi lýst sér á þann veg að hann hafi dregið alla fjóra fætur. Við það hafi jafnan myndast sár ofan á loppum hvolpsins og hafi skoðun dýralæknis leitt í ljós varanlega líkamlega fötlun hvolpsins vegna vansköpunar í hálshryggjarliðum. Þá var talið líklegt að þetta ylli þrýstingi á mænu hans. Kom fram í málflutningi kaupenda hundsins að batahorfur væru engar og lífslíkur hundsins því jafnframt minni en hjá heilbrigðum hundi. Kröfðust fullrar endurgreiðslu Kaupendur kröfðust þess að seljendum yrði gert að endurgreiða kaupverðið, það er hálfa milljón króna, auk útlagðs kostnaðar vegna hvolpsins, samtals rúmlega 100 þúsund krónur. Seljendur hundsins höfnuðu þessu hins vegar og töldu hvolpinn ekki hafa verið gallaðan. Fram kemur að kaupandi hundsins hafi upplýst seljendur um ástand hundsins þegar í stað, óskað skýringa og leita lausna, með tölvupóstum, símtölum og samskiptum á samskiptaforritinu Messenger. Kaupendur sögðust þannig hafa boðið seljendum að ljúka málinu með því að taka á ný við hvolpinum gegn endurgreiðslu kaupverðs eða að afsláttur yrði veittur af kaupverði. Deilt er um það hvort að seljendur hafi í fyrstu boðist til að á að taka við hvolpinum gegn afhendingu á öðrum og ógölluðum hvolpi. Í úrskurðinum kemur fram að fáeinum mánuðum eftir kaupin hafi verið teknar röntgenmyndir af hundinum sem hafi bent til svokallaðs Wobbler-heilkennis sem sé venjulega aðeins í stórum hundum eins og af tegundunum Stóra Dan og Doberman, sem og í hestum, en sé sjaldgæfari í minni hundategundum. Mæltu með að tryggja hundinn Seljendur bentu á að fyrir afhendingu hafi hundurinn verið heilsufarsskoðaður af dýralækni sem hafi ekki gert neinar athugasemdir við heilsufar hans. Sögðust seljendur einnig hafa ítrekað mælt með því að kaupendurnir skyldu tryggja hundinn enda um lifandi dýr að ræða. Þá töldu seljendur sömuleiðis að ástands hundsins mætti rekja til framkvæmdar geldingar á honum. Seljendur báru sérstaklega ákvæði í kaupsamningi þar sem fram kemur að seljendur beri ekki ábyrgð á hvolpinum nema athugasemdir komi fram í tryggingaskjölum fyrir afhendingu. Engar athugasemdir hafi komið fram fyrr en fjórum mánuðum eftir afhendingu. Kærunefndin bendir meðal annars á að ákvæði laga kveði á um að sönnun á galla sem upp komi innan sex mánaða frá því að áhætta söluhlutar flytjist til neytanda, teljist hafa verið til staðar á því tímamarki, það er við afhendingu. Neytandi beri sönnunarbyrðina fyrir því að söluhlutur hafi verið haldinn galla við kaupin ef lengra en sex mánuðir eru frá kaupunum. Galli umfram það sem kaupandi hefði mátt vænta Er það mat nefndarinnar að þrátt fyrir að kaupum á dýrum fylgi ávallt ákveðin áhætta verði að telja að hér hafi verið um að ræða verulegan galla sem sé langt umfram það sem kaupandi hafi mátt vænta. Var því fallist á kröfu kaupenda um riftun kaupsamningsins. Þó er það mat nefndarinnar að kaupandi hafi haft hundinn í tæp tvö ár og ekki fallist á að skila honum gegn fullri endurgreiðslu þegar seljendur hafi lagt það til. Með hliðsjón af því sé endurgreiðsla kaupverðs hæfilega ákveðin 300 þúsund krónur gegn afhendingu á hundinum. Tengd skjöl Úrskurður_pugPDF160KBSækja skjal Hundar Dýr Gæludýr Neytendur Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
Hundurinn var keyptur á hálfa milljón króna sumarið 2021 og er það niðurstaða nefndarinnar að seljendum hundsins beri að endurgreiða kaupendum 300 þúsund krónur gegn afhendingu hundsins, auk þess að greiða skaðabætur að fjárhæð 44 þúsund. Í úrskurði nefndarinnar kemur fram að fljótlega eftir afhendingu hundsins hafi farið að bera á því að hundurinn ætti erfitt með gang sem hafi lýst sér á þann veg að hann hafi dregið alla fjóra fætur. Við það hafi jafnan myndast sár ofan á loppum hvolpsins og hafi skoðun dýralæknis leitt í ljós varanlega líkamlega fötlun hvolpsins vegna vansköpunar í hálshryggjarliðum. Þá var talið líklegt að þetta ylli þrýstingi á mænu hans. Kom fram í málflutningi kaupenda hundsins að batahorfur væru engar og lífslíkur hundsins því jafnframt minni en hjá heilbrigðum hundi. Kröfðust fullrar endurgreiðslu Kaupendur kröfðust þess að seljendum yrði gert að endurgreiða kaupverðið, það er hálfa milljón króna, auk útlagðs kostnaðar vegna hvolpsins, samtals rúmlega 100 þúsund krónur. Seljendur hundsins höfnuðu þessu hins vegar og töldu hvolpinn ekki hafa verið gallaðan. Fram kemur að kaupandi hundsins hafi upplýst seljendur um ástand hundsins þegar í stað, óskað skýringa og leita lausna, með tölvupóstum, símtölum og samskiptum á samskiptaforritinu Messenger. Kaupendur sögðust þannig hafa boðið seljendum að ljúka málinu með því að taka á ný við hvolpinum gegn endurgreiðslu kaupverðs eða að afsláttur yrði veittur af kaupverði. Deilt er um það hvort að seljendur hafi í fyrstu boðist til að á að taka við hvolpinum gegn afhendingu á öðrum og ógölluðum hvolpi. Í úrskurðinum kemur fram að fáeinum mánuðum eftir kaupin hafi verið teknar röntgenmyndir af hundinum sem hafi bent til svokallaðs Wobbler-heilkennis sem sé venjulega aðeins í stórum hundum eins og af tegundunum Stóra Dan og Doberman, sem og í hestum, en sé sjaldgæfari í minni hundategundum. Mæltu með að tryggja hundinn Seljendur bentu á að fyrir afhendingu hafi hundurinn verið heilsufarsskoðaður af dýralækni sem hafi ekki gert neinar athugasemdir við heilsufar hans. Sögðust seljendur einnig hafa ítrekað mælt með því að kaupendurnir skyldu tryggja hundinn enda um lifandi dýr að ræða. Þá töldu seljendur sömuleiðis að ástands hundsins mætti rekja til framkvæmdar geldingar á honum. Seljendur báru sérstaklega ákvæði í kaupsamningi þar sem fram kemur að seljendur beri ekki ábyrgð á hvolpinum nema athugasemdir komi fram í tryggingaskjölum fyrir afhendingu. Engar athugasemdir hafi komið fram fyrr en fjórum mánuðum eftir afhendingu. Kærunefndin bendir meðal annars á að ákvæði laga kveði á um að sönnun á galla sem upp komi innan sex mánaða frá því að áhætta söluhlutar flytjist til neytanda, teljist hafa verið til staðar á því tímamarki, það er við afhendingu. Neytandi beri sönnunarbyrðina fyrir því að söluhlutur hafi verið haldinn galla við kaupin ef lengra en sex mánuðir eru frá kaupunum. Galli umfram það sem kaupandi hefði mátt vænta Er það mat nefndarinnar að þrátt fyrir að kaupum á dýrum fylgi ávallt ákveðin áhætta verði að telja að hér hafi verið um að ræða verulegan galla sem sé langt umfram það sem kaupandi hafi mátt vænta. Var því fallist á kröfu kaupenda um riftun kaupsamningsins. Þó er það mat nefndarinnar að kaupandi hafi haft hundinn í tæp tvö ár og ekki fallist á að skila honum gegn fullri endurgreiðslu þegar seljendur hafi lagt það til. Með hliðsjón af því sé endurgreiðsla kaupverðs hæfilega ákveðin 300 þúsund krónur gegn afhendingu á hundinum. Tengd skjöl Úrskurður_pugPDF160KBSækja skjal
Hundar Dýr Gæludýr Neytendur Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Fær bætur vegna brúnu blettanna í mottunni Neytendur Veðjuðu næst mest allra Evrópuþjóða Viðskipti innlent Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira