Innlent

Fjöldi mála afgreiddur á lokadegi þings fyrir sumarleyfi

Heimir Már Pétursson skrifar
Sigurður Ingi Jóhannsson Innviðaráðherra mun ekki leggja fram samgönguáætlun eins og til stóð á þessu vorþingi. Katrín Jakobsdóttir forsætisráðherra leggur hins vegar til frumvarp sem dregur ú þeim launahækkunum sem æðstu embættismenn hefðu annars fengið um mánaðamótin.
Sigurður Ingi Jóhannsson Innviðaráðherra mun ekki leggja fram samgönguáætlun eins og til stóð á þessu vorþingi. Katrín Jakobsdóttir forsætisráðherra leggur hins vegar til frumvarp sem dregur ú þeim launahækkunum sem æðstu embættismenn hefðu annars fengið um mánaðamótin. Vísir Vilheilm

Sautján mál verða að öllum líkindum að lögum frá Alþingi í dag. Umfangsmesta málið er fjármálaáætlun ríkisstjórnarinnar til næstu fimm ára, frumvarp dómsmálaráðherra um dvalarleyfi útlendinga og frumvarp sem dregur úr launahækkunum æðstu embættismanna.

Alþingi lýkur störfum fyrir sumarleyfi í dag eða kvöld. Þingfundur hófst klukkan ellefu á seinni umræðu um fjármálaáætlun 2024 til 2028 og síðan tekur við fjöldi atkvæðagreiðslna um hin ólíkustu mál.

Eitt þingmannafrumvarp fær lokaafgreiðslu á Alþingi í dag. Það er frumvarp um bælingarmeðferðir sem Hanna Katrín Friðriksson þingmaður Viðreisnar er fyrsti flutningsmaður að. Aðrir flutningsmenn eru einnig frá Pírötum, Samfylkingu, Vinstri grænum og Sjálfstæðisflokki.Vísir/Vilhelm

Þeirra á meðal er frumvarp Jóns Gunnarssonar dómsmálaráðherra sem rýmkar mjög heimildir fólks utan Evrópska efnahagssvæðisins til dvalar og starfa á Íslandi, frumvarp um mótvægisaðgerðir til hækkunar greiðslna til fólks í almannatryggingakerfinu vegna mikillar verðbólgu og frumvarp um lækkun á annars rúmlega sex prósenta hækkun launa æðstu embættismanna.

Jóhann Páll Jóhannsson þingmaður Samfylkingarinnar segir ríkisstjórnina ekki hafa staðið við fyrirheit um aukin framlög til heilbrigðismála.Vísir/Vilhelm

Jóhann Páll Jóhannsson þingmaður Samfylkingarinnar var fyrstur á mælendaskrá í lokaumræðu um fjármálaáætlun ríkisstjórnarinnar. Hann gerði stöðu heilbrigðismála að umræðuefni og sagði ríkisstjórnina ekki hafa staðið við fyrirheit sín um eflingu hennar og vitnaði í umsögn Landsspítalans við fjármálaáætlunina.

„Fjárframlög til spítalans og til reksturs spítalans duga ekki til að hann geti haldið óbreyttu þjónustustigi. Með tillti til fólksfjölgunar, hækkandi meðalaldurs og fjölgunar ferðamanna. Það vantar 160 hjúkrunarfræðinga og 50 sjúkraliða til starfa og margar starfseiningar hafa varla rétt úr kútnum eftir heimsfaraldur,“ sagði Jóhann Páll meðal annars.

Njáll Trausti Friðbertsson fulltrúi Sjálfstæðisflokksins í fjárlaganefnd segir ríkisstjórniina bæði boða almennt aðhald í ríkisrekstrinum og aukinn stuðning við þá sem hefðu minnst milli handanna.Vísir/Vilhelm

Njáll Trausti Friðbertsson þingmaður Sjálfstæðisflokksins sagði ríkisstjórnina hafa gripið til nauðsynlegra aðhaldsaðgerða vegna mikillar verðbólgu og þróttar í atvinnulífinu. Ríkisstjórnin hefði á sama tíma staðið með þeim sem minnst hefðu milli handanna.

Þannig hefðu bætur almannatrygginga hækkað um tæp 9 prósent í fyrra, 7,4 prósent í upphafi þessa árs og til stæði að hækka þær um 2,5 prósent til viðbótar.

„Frítekjumark atvinnutekna örorku- og endurhæfingarlífeyrisþega hækkaði í 200 þúsund krónur í upphafi þessa árs. Húsnæðisbætur hafa hækkað um fjórðung frá síðasta ári og tekjumörk hækkuð til jafns við hækkun bóta. Barnabætur hafa hækkað mikið að raunvirði undanfarin ár og fleiri fjölskyldur eiga kost á stuðningi en áður,“ sagði Njáll Trausti Friðbertsson.

Alþingi Ríkisstjórn Katrínar Jakobsdóttur

Tengdar fréttir

Bjarni boðar ráðherraskipti á allra næstu dögum

Bjarni Benediktsson fjármálaráðherra segir að Guðrún Hafsteinsdóttir, þingmaður Sjálfstæðisflokksins í Suðurkjördæmi, verði ráðherra á allra næstu dögum. Hann segir ekki óvæntra tíðinda að vænta þegar kemur að ráðherraskiptum.

Lítill minnihluti á Alþingi stöðvar stuðning við tollfrelsi Úkraínu

Alþingi er á lokametrunum fyrir sumarleyfi þingmanna og voru fjölmörg frumvörp ýmist afgreidd sem lög eða til lokaumræðu á þinginu í dag. Nokkur tími fór hins vegar einnig í umræður um að Alþingi mun ekki framlengja undanþágu á tollum á innfluttum landbúnaðarafurðum frá Úkraínu á þessu þingi vegna andstöðu nokkurra þingmanna.

Samgönguáætlun frestast og jarðgöng bíða nýs gjaldakerfis

Innviðaráðherra hefur hætt við að leggja nýja samgönguáætlun fyrir Alþingi þetta vorið. Formaður umhverfis- og samgöngunefndar sér ekki að næstu jarðgöng verði boðin út fyrr en búið verður að innleiða nýtt gjaldakerfi af umferð.

Mest lesið


Fleiri fréttir

Sjá meira


×

Mest lesið