Ís í brauðformi búinn að rjúfa þúsund króna múrinn Oddur Ævar Gunnarsson skrifar 17. júní 2023 20:00 Að velja dýfu eða lakkrískurl þegar keyptur er ís í brauðformi getur haft sitt að segja um verðið. Vísir/Vilhelm Stór ís í brauðformi með súkkulaðidýfu og lakkrískurli hefur rofið þúsund króna múrinn víða í ísbúðum á höfuðborgarsvæðinu á meðan stór bragðarefur kostar sum staðar meira en tvö þúsund krónur. Vísir gerði óformlega verðkönnun meðal nokkurra ísbúða en þar er skammt stórra högga á milli, ísinn hefur hækkað í verði eins og flestar vörur landsins. Vísir mætti í sex búðir og gerði þar óformlega og óvísindalega verðkönnun. Tilefnið er óðaverðbólga og háir vextir sem hafa skilað sér í verðhækkunum á svo gott sem öllum vörum og allri þjónustu í landinu. Ísrúntur landsmanna verður hins vegar farinn óháð slíku efnahagsástandi og því er um að ræða nauðsynlega þjónustu við lesendur á víðsjárverðum tímum. Um er að ræða ísbúð Vesturbæjar, Huppu ísbúð, Ísbúðina Fákafeni, Brynju, Ísbúðina í Háleiti Bínóís og Aktu Taktu. Vísir mætti á staðinn og smellti af myndum. Ekki er tekið tillit til mismunandi stærðar íss í ísbúðunum en forsvarsmenn sumra búða bentu á að um væri að ræða mismunandi magn af ís sem í boði sé á milli þeirra óháð því hvort gefinn sé upp lítill, miðstærð eða stór. Þá er að sjálfsögðu vert að nefna að sumar búðirnar eru hluti af keðju en aðrar standa stakar. Vísir mætti í sex búðir á höfuðborgarsvæðinu sem selja ís og kannaði verðið. Vísir/Vilhelm/Samsett Að dýfa eða ekki dýfa Þrátt fyrir að bragðarefur hafi fyrir löngu rutt sér til rúms sem ein vinsælasta vara ísbúða eru enn gríðarlega margir sem kaupa sér gamla góða ísinn í brauðformi. Þá skiptir máli hvort dýfa sé tekin með auk kurls eða nammi. Sé sem dæmi keyptur lítill ís í brauði án dýfu eða kurls er hægt að fá hann á 439 krónur í Aktu taktu en þar virðist einungis vera í boði að velja barnastærð eða stóran ís. Huppa býður lítinn ís á 490 án dýfu eða kurls, Vesturbæjarís á 550 krónur en sá ís er að sögn þeirra stærri en aðrir litlir ísar. Brynja býður lítinn ís í brauðformi án dýfu og kurls á sama verði og Vesturbæjarís eða á 550 krónur. Ísbúðin í Fákafeni býður slíkan ís á 580 krónur og Bínóis, ísbúðin í Háaleiti býður hann á 600 krónur. Þúsund króna múrinn er hins vegar fyrst rofinn þegar viðskiptavinir fara að biðja um stóran ís í brauðformi með súkkulaðidýfu og lakkrískurli. Þannig kostar stór ís með súkkulaðidýfu og lakkrískurli 1200 krónur í Ísbúðinni Háaleiti Bínóís en þar að finna hæsta verðið í þessari óformlegu könnun. Ísbúðin Fákafeni býður upp á slíkan stóran ís með dýfu og lakkrískurli á 1040 krónur, Vesturbæjarís á 1030 krónur, Huppa á 900 krónur og Brynja 900 krónur. Aktu taktu býður svo stóran ís með dýfu á 579 krónur en hefur ekki svarað fyrirspurnum Vísis um kostnað á kurli. Refurinn rauf tvö þúsund króna múrinn Líklega er engin vara keypt eins oft í ísbúðum og gamli góði bragðarefurinn, sem stundum gengur undir nafninu þeytingur. Þar er klassísk regla að þrjár nammitegundir og/eða ávextir, dýfur og annað slíkt fylgja hverjum og einum. Vegna þess hversu hlaðinn bragðarefurinn er góssi er þar gjarnan um að ræða dýrustu vöru hverrar ísbúðar eða annarra söluaðila sem selja ís. Kannast flestir við það að lítill bragðarefur er ekki endilega lítill og stór bragðarefur er oft á tíðum miklu stærri en það. Stór bragðarefur sleikir víðast hvar tvö þúsund króna múrinn og í einu tilviki, hjá ísbúð Vesturbæjar er sá múr rofinn. Þar kostar stærsti bragðarefurinn 2250 en forsvarsmenn ísbúðarinnar fullyrða hér líkt og áður að þar sé á ferðinni meira magn en í öðrum ísbúðum. Í ísbúðinni Háaleiti Bínóís kostar stór bragðarefur 1700 krónur en verslunin býður jafnframt upp á risastóran bragðaref á 1900. Ísbúðin Fákafeni býður stóran bragðaref á 1880 krónur. Brynja er með slíkan á 1850 en býður líter af bragðaref á 2450 krónur. Þá er Huppa með stóran bragðaref á 1850 krónur. Aktu taktu býður ekki upp á bragðaref en þar er boðið upp á svokallaðan Snúning í einni stærð á 1299 krónur þar sem í boði eru þrjár nammitegundir. Yfirlit yfir verðtöflur búðanna: Ísbúð Vesturbæjar.Vísir/Vilhelm Ísbúðin Fákafeni.Vísir/Vilhelm Brynja ísbúð.Vísir/Vilhelm Aktu Taktu.Vísir/Vilhelm Huppu ísbúð.Vísir/Vilhelm Ísbúðin Háaleiti Bínóís.Vísir/Vilhelm Ís Neytendur Verðlag Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Fær bætur vegna brúnu blettanna í mottunni Neytendur Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira
Vísir mætti í sex búðir og gerði þar óformlega og óvísindalega verðkönnun. Tilefnið er óðaverðbólga og háir vextir sem hafa skilað sér í verðhækkunum á svo gott sem öllum vörum og allri þjónustu í landinu. Ísrúntur landsmanna verður hins vegar farinn óháð slíku efnahagsástandi og því er um að ræða nauðsynlega þjónustu við lesendur á víðsjárverðum tímum. Um er að ræða ísbúð Vesturbæjar, Huppu ísbúð, Ísbúðina Fákafeni, Brynju, Ísbúðina í Háleiti Bínóís og Aktu Taktu. Vísir mætti á staðinn og smellti af myndum. Ekki er tekið tillit til mismunandi stærðar íss í ísbúðunum en forsvarsmenn sumra búða bentu á að um væri að ræða mismunandi magn af ís sem í boði sé á milli þeirra óháð því hvort gefinn sé upp lítill, miðstærð eða stór. Þá er að sjálfsögðu vert að nefna að sumar búðirnar eru hluti af keðju en aðrar standa stakar. Vísir mætti í sex búðir á höfuðborgarsvæðinu sem selja ís og kannaði verðið. Vísir/Vilhelm/Samsett Að dýfa eða ekki dýfa Þrátt fyrir að bragðarefur hafi fyrir löngu rutt sér til rúms sem ein vinsælasta vara ísbúða eru enn gríðarlega margir sem kaupa sér gamla góða ísinn í brauðformi. Þá skiptir máli hvort dýfa sé tekin með auk kurls eða nammi. Sé sem dæmi keyptur lítill ís í brauði án dýfu eða kurls er hægt að fá hann á 439 krónur í Aktu taktu en þar virðist einungis vera í boði að velja barnastærð eða stóran ís. Huppa býður lítinn ís á 490 án dýfu eða kurls, Vesturbæjarís á 550 krónur en sá ís er að sögn þeirra stærri en aðrir litlir ísar. Brynja býður lítinn ís í brauðformi án dýfu og kurls á sama verði og Vesturbæjarís eða á 550 krónur. Ísbúðin í Fákafeni býður slíkan ís á 580 krónur og Bínóis, ísbúðin í Háaleiti býður hann á 600 krónur. Þúsund króna múrinn er hins vegar fyrst rofinn þegar viðskiptavinir fara að biðja um stóran ís í brauðformi með súkkulaðidýfu og lakkrískurli. Þannig kostar stór ís með súkkulaðidýfu og lakkrískurli 1200 krónur í Ísbúðinni Háaleiti Bínóís en þar að finna hæsta verðið í þessari óformlegu könnun. Ísbúðin Fákafeni býður upp á slíkan stóran ís með dýfu og lakkrískurli á 1040 krónur, Vesturbæjarís á 1030 krónur, Huppa á 900 krónur og Brynja 900 krónur. Aktu taktu býður svo stóran ís með dýfu á 579 krónur en hefur ekki svarað fyrirspurnum Vísis um kostnað á kurli. Refurinn rauf tvö þúsund króna múrinn Líklega er engin vara keypt eins oft í ísbúðum og gamli góði bragðarefurinn, sem stundum gengur undir nafninu þeytingur. Þar er klassísk regla að þrjár nammitegundir og/eða ávextir, dýfur og annað slíkt fylgja hverjum og einum. Vegna þess hversu hlaðinn bragðarefurinn er góssi er þar gjarnan um að ræða dýrustu vöru hverrar ísbúðar eða annarra söluaðila sem selja ís. Kannast flestir við það að lítill bragðarefur er ekki endilega lítill og stór bragðarefur er oft á tíðum miklu stærri en það. Stór bragðarefur sleikir víðast hvar tvö þúsund króna múrinn og í einu tilviki, hjá ísbúð Vesturbæjar er sá múr rofinn. Þar kostar stærsti bragðarefurinn 2250 en forsvarsmenn ísbúðarinnar fullyrða hér líkt og áður að þar sé á ferðinni meira magn en í öðrum ísbúðum. Í ísbúðinni Háaleiti Bínóís kostar stór bragðarefur 1700 krónur en verslunin býður jafnframt upp á risastóran bragðaref á 1900. Ísbúðin Fákafeni býður stóran bragðaref á 1880 krónur. Brynja er með slíkan á 1850 en býður líter af bragðaref á 2450 krónur. Þá er Huppa með stóran bragðaref á 1850 krónur. Aktu taktu býður ekki upp á bragðaref en þar er boðið upp á svokallaðan Snúning í einni stærð á 1299 krónur þar sem í boði eru þrjár nammitegundir. Yfirlit yfir verðtöflur búðanna: Ísbúð Vesturbæjar.Vísir/Vilhelm Ísbúðin Fákafeni.Vísir/Vilhelm Brynja ísbúð.Vísir/Vilhelm Aktu Taktu.Vísir/Vilhelm Huppu ísbúð.Vísir/Vilhelm Ísbúðin Háaleiti Bínóís.Vísir/Vilhelm
Ís Neytendur Verðlag Mest lesið Skildu fullar körfur eftir vegna bilunar Viðskipti innlent Hagkaup hefur áfengissölu í dag Viðskipti innlent Elstu starfandi fiskbúð höfuðborgarsvæðisins skellt í lás Viðskipti innlent Draumar rætast: „Konur þurfa ekki alltaf að vera á skrilljón“ Atvinnulíf Veðjuðu næst mest allra Evrópuþjóða Viðskipti innlent Fær bætur vegna brúnu blettanna í mottunni Neytendur Verðbólga fari undir fimm prósent í lok árs Viðskipti innlent Vefsíðan hrundi innan tuttugu mínútna Viðskipti innlent Ráðinn fjárfestatengill Icelandair Viðskipti innlent Arion banki hækkar vexti hressilega Neytendur Fleiri fréttir Fær bætur vegna brúnu blettanna í mottunni Með ólíkindum og merki um taumlausa græðgi Arion banki hækkar vexti hressilega Greiðslubyrði gæti farið hríðlækkandi á næsta ári Ellefu fyrirtæki til skoðunar vegna bílastæðagjalda Skinkan langódýrust í Prís Fasteignasali gaf rangar upplýsingar og situr uppi með reikninginn Kílómetragjaldið verst fyrir þá tekjulægri Óttast að fólk kaupi eitruð barnaföt fyrir jólin Blekking við neytendur eða leið til að halda „þægilegri verðpunkti“? Óttast að raforkuverð fjórfaldist án inngrips Réttur og öryggi leigjenda aukast á sunnudaginn Mótmæla samráðsummælum Breka og segja þau „haldlaus“ Verslanir hafi haft með sér „þögult samkomulag“ um verð Prís hrærir í pottinum: „Ekkert of langt gengið að kalla þetta verðstríð“ Verðlag á matvöru lækkar í fyrsta sinn frá því í mars Kaupum meira og meira þrátt fyrir mikla verðbólgu Reiknar með því að Bónus sjái Prís sem áskorun Lágvöruverðsverslunin Prís opnar í dag Temu kaupin getu hæglega orðið að fíkn Verðstríð að hefjast á matvörumarkaði Sleppur við sektir eftir auglýsingu um hundrað prósent lán Orðrómur um Appelsín ósannur Sjá meira