Innlent

Litla-Grá og Litla-Hvít aftur fluttar í Kletts­vík

Atli Ísleifsson skrifar
Litla-Grá og Litla-Hvít voru hressar í morgun.
Litla-Grá og Litla-Hvít voru hressar í morgun. Sea Life trust.

Mjaldrarnir Litla-Grá og Litla-Hvít voru fluttar úr umönnunarlaug sinni í Vestmannaeyjum og í kví í Klettsvík í morgun.

Eyjafréttir segja frá þessu í morgun. Þar segir að ef allt gangi vel sé vonast til að um varanlegan flutning sé að ræða.

Fram kemur að griðarstaður mjaldranna sé sá fyrsti sinnar tegundar sem byggður var fyrir framlag Merlin Entertainments.

Mjaldrarnir voru fluttir frá Sjanghæ í Kína til landsins með miklum tilkostnaði árið 2019. Frá komunni til landsins hafa þær dvalið í sérútbúinni umönnunarlaug í Vestmannaeyjum. Þeir voru fluttir út í Klettsvík í ágúst 2020 og voru þar í nokkra mánuði áður en þeir voru aftur fluttir í laugina vegna framkvæmda sem ráðast þurfti í í Klettsvík.

Undirbúningur flutnings mjaldranna yfir í Klettsvík hefur tekið nokkuð lengri tíma en upphaflega var ætlað.

Litla-Grá og Litla-Hvít voru fyrstu mjaldrarnir sem komið er fyrir á griðasvæði en tegundin er talin í útrýmingarhættu. Áður en þær komu til landsins voru þær sýningardýr í skemmtigarði í Kína í ellefu ár.

Mjaldrar í Eyjum Vestmannaeyjar Dýr

Tengdar fréttir

Mjaldrarnir við hestaheilsu og fá nýja laug

Sérhannaðri umönnunarlaug hefur verið komið fyrir í Klettsvík í Vestmannaeyjum svo tvær Mjaldrasystur, sem hafa síðustu mánuði verið í innilaug, geti aðlagast náttúrunni betur. 

Breska ríkisútvarpið fjallar um mjaldrasysturnar

Breska ríkisútvarpið birti í dag stutta umfjöllun um mjaldrasysturnar Litlu Grá og Litlu Hvít sem í síðasta mánuði var komið fyrir í varanlegum heimkynnum sínum í Klettsvík við Vestmannaeyjar.

Mest lesið


Fleiri fréttir

Sjá meira


×

Mest lesið