Selenskí greindi frá því á samfélagsmiðlum að forsetarnir hefðu átt langt og innihaldsríkt samtal. Sagði hann á Twitter að samtalið, auk skipunar sendiherra Úkraínu í Kína, myndu reynast stór skref í þróun tvíhliða samskipta ríkjanna.
I had a long and meaningful phone call with President Xi Jinping. I believe that this call, as well as the appointment of Ukraine's ambassador to China, will give a powerful impetus to the development of our bilateral relations.
— (@ZelenskyyUa) April 26, 2023
Ríkismiðlar í Kína sögðu að leiðtogarnir hefðu rætt átökin í Úkraínu og samskipti ríkjanna.
Selenskí hefur ítrekað lýst yfir vilja sínum til að eiga samræður við Xi. Kínverjar hafa verið duglegir við að rækta tengslin við Rússland síðustu misseri en hafa opinberlega lýst yfir hlutleysi hvað varðar stríðið í Úkraínu.
Kínverjar hafa lagt fram friðaráætlun sem Vesturlönd hafa gefið lítið fyrir. Margir telja hins vegar að vegna sambands síns við Rússland séu stjórnvöld í Kína þau einu sem geti átt milligöngu um samkomulag til að koma á friði í Úkraínu.
