Íslenski boltinn

„Þegar þú ert í Val þá er ekkert annað í boði en að vinna titla“

Runólfur Trausti Þórhallsson skrifar
Adam Ægir Pálsson valdi Val.
Adam Ægir Pálsson valdi Val. Twitter@Adampalss

Adam Ægir Pálsson segir meiri pressu fylgja því að spila fyrir Val samanborið við Keflavík hvar sem hann spilaði í fyrra. Adam Ægir varð stoðsendingakóngur á síðustu leiktíð og lagði upp tvö mörk þegar Valur vann Fram í Bestu deild karla á sunnudag.

Adam Ægir lagði upp tvö af þremur mörkum Vals, bæði á Tryggva Hrafn Haraldsson, þegar liðið kom til baka eftir að lenda undir í Úlfarsárdal.

„Það er bara aukaatriði. Auðvitað er það næs, og gaman, en þegar þú ert í Val þá er ekkert annað í boði en að vinna titla. Í hverjum einasta leik verðum við að ná þremur stigum og við gerðum það í gær (gegn Fram). Geggjað að ná að leggja upp í leiðinni,“ sagði Adam Ægir í viðtali við Stöð 2 og Vísi.

„Byrjar vel en samt væri maður alltaf til í aðeins meira,“ sagði framherjinn spurður út í byrjun Vals á tímabilinu en liðið er með sex stig eftir þrjá leiki.

Að lokum var Adam Ægir spurður út í pressuna sem fylgir því að spila fyrir Val.

„Það verður bara að segjast. Töluvert meiri samkeppni og vilji að vinna, maður finnur það bara.“

Fótbolti Íslenski boltinn Besta deild karla Valur

Tengdar fréttir

Mörkin úr Bestu: Fór boltinn í höndina á Viktori Erni?

ÍBV vann dramatískan 2-1 sigur á Íslandsmeisturum Breiðabliks í 3. umferð Bestu deildar karla í knattspyrnu. Sigurmarkið kom úr umdeildri vítaspyrnu í uppbótartíma. Þá vann Valur 3-1 sigur á Fram í Úlfarsárdal.

Mest lesið


Fleiri fréttir

Sjá meira


×

Mest lesið