Til­kynnt um skart­gripa­þjófnað á hótel­her­bergi

Þetta kemur fram í tilkynningu lögreglu um verkefni gærkvöldsins og næturinnar.

Lögreglu barst einnig tilkynning frá eiganda bifreiðar eftir árekstur, þar sem tjónvaldur stakk af. Lögregla mætti á vettvang og tók meðal annars ljósmyndir en þá kom í ljós að skráningarnúmer þess sem stakk af hafði losnað og lá eftir. Málið er í rannsókn.

Hundur í óskilum og hávaði frá körfuboltavelli komu einnig inn á borð lögreglu. Þá var tilkynnt um einstakling sem var að valda tjóni á hurð í séreign fjölbýlishúss og ölvaðan einstakling sem hafði brotið borð í samkomusal fyrirtækis.

Sá vildi ekki kannast við eignaspjöllin þegar málið var borið undir hann en honum var vísað á brott.

Nokkrir voru stöðvaðir í umferðinni grunaðir um ýmis umferðarlagabrot.