Fara fram á vikulangt gæsluvarðhald yfir byssumanninum

Auður Ösp Guðmundsdóttir skrifar 14. mars 2023 17:05

Grímur Grímsson, yfirlögregluþjónn leiðir rannsókn málsins. Vísir/Vilhelm

Lögreglan á höfuðborgarsvæðinu hefur farið fram á vikulangt gæsluvarðhald yfir manninum sem grunaður er um að hafa skotið af byssu inni á skemmtistaðnum The Dubliner í miðborg Reykjavíkur á sunnudagskvöld.

Þetta staðfestir Grímur Grímsson, yfirlögregluþjónn í samtali við Vísi, en hann leiðir rannsókn málsins.

Maðurinn, sem er um þrítugt, var leiddur fyrir dómara nú fyrir stundu.

Skýrslutaka yfir manninum hófst fyrr í dag og lauk nú síðdegis.

Í samtali við Vísi fyrr í dag sagði Grímur að maðurinn hefði verið handtekinn í gærkvöldi með sérsveit ríkislögreglustjóra.

„Hann finnst á grundvelli þess að við erum með allskonar upplýsingar, bæði úr öryggismyndavélum, sem og upplýsingar frá almenningi, og svo bara upplýsingar sem við notum við svona leit, sem við förum kannski ekki nákvæmlega út í hverjar eru.“

Hann gat engar frekari upplýsingar gefið um hinn handtekna.

Byssuskot á The Dubliner Lögreglumál Skotvopn Reykjavík

Tengdar fréttir

Skotið úr byssu inn á The Dubliner í miðborg Reykjavíkur

Rétt upp úr kl. 19.00 í kvöld fékk lögreglan á höfuðborgarsvæðinu tilkynningu um að maður hefði komið inn á The Dubliner við Naustina í miðborg Reykjavíkur og hleypt af einu skoti inn á staðnum.

12. mars 2023 22:14

Umfangsmikil leit að skotmanninum: „Ljóst að um hættulegan einstakling er að ræða“

Umfangsmikil leit stendur yfir að byssumanni sem hleypti af skoti á skemmtistaðnum Dubliner í miðborg Reykjavíkur í gærkvöldi. Yfirlögregluþjónn vill ekki gefa upp hvort þau gruni um hvern sé að ræða, en segir háttsemi mannsins benda til þess að þarna sé hættulegur einstaklingur á ferð.

13. mars 2023 10:09

Skotmaðurinn handtekinn

Maður sem grunaður er um að hafa skotið af byssu inni á skemmtistaðnum The Dubliner í miðborg Reykjavíkur í gærkvöldi hefur verið handtekinn. Lögreglan á höfuðborgarsvæðinu segist ekki ætla að veita frekari upplýsingar um málið að svo stöddu.

13. mars 2023 21:51

Mest lesið

Fleiri fréttir