Fjórir handteknir eftir stunguárás í Mathöll Höfða

Samkvæmt heimildum fréttastofu kom til átaka í Mathöll Höfða við Dvergshöfða. Lögreglan var með nokkurn viðbúnað á svæðinu þegar ljósmyndara Vísis bar að garði.

Lögregluþjónar voru að störfum inn í Mathöllinni og fyrir utan. Sá sem særðist er ekki sagður hafa særst alvarlega.

Samkvæmt upplýsingum frá lögreglunni var atvikið fyrst tilkynnt sem stunguárás en það er til rannsóknar og lítið sem liggur fyrir að svo stöddu. Tveir voru þó handteknir á vettvangi, eins og áður hefur komið fram. Nú er búið að handtaka fjóra vegna hnífstungunnar, samkvæmt frétt Ríkisútvarpsins.

Fréttin hefur verið uppfærð.