Innlent

Loka Ólafs­fjarðar­vegi til að ná rútunni upp

Máni Snær Þorláksson skrifar
Rútan sem um ræðir.
Rútan sem um ræðir. Lögreglan á Norðurlandi eystra

Tímabundin lokun verður á Ólafsfjarðarvegi á Norðurlandi eystra í dag svo hægt sé að vinna í því að ná rútu upp á veginn.

Veginum verður lokað Ólafsfjarðar megin, skammt frá Múlagöngum, um klukkan 13:00 í dag. Lögreglan á Tröllaskaga verður með umferðarstjórn meðan á þessu stendur.

Rútan sem um ræðir keyrði út af veginum og valt þann þriðja febrúar síðastliðinn. Í rútunni voru tuttugu og fimm farþegar auk ökumanns og fararstjóra. Engin alvarleg slys urðu á fólkinu í rútunni.

Fjöldahjálparstöð var opnuð í Menntaskólanum á Tröllaskaga í kjölfar slyssins. Þar tók starfsfólk Rauða krossins á móti farþegum rútunnar og hlúði að þeim.

Samgönguslys Fjallabyggð

Tengdar fréttir

Rútuslys á Ólafsfjarðarvegi

Rútuslys varð á Ólafsfjarðarvegi laust fyrir klukkan 14:30 í dag þegar rútan keyrði út af veginum og valt. Tuttugu og fimm farþegar voru í rútunni auk ökumanns og fararstjóra en engin alvarleg slys urðu á fólki.

Mest lesið


Fleiri fréttir

Sjá meira


×

Mest lesið