Fótbolti

Inter lagði ná­granna sína örugg­lega og lyfti Ofur­bikarnum

Runólfur Trausti Þórhallsson skrifar
Leikmenn Inter fagna að leik loknum.
Leikmenn Inter fagna að leik loknum. Mattia Pistoia/Getty Images

Úrslit ítalska ofurbikarsins, þar sem lands- og bikarmeistarar Ítalíu mætast, fór fram í Riyadh í Sádi-Arabíu í kvöld. Fór það svo að Inter vann öruggan 3-0 sigur á nágrönnum sínum í AC Milan.

Inter byrjaði leikinn af miklum krafti og Federico Dimarco kom liðinu yfir strax á tíundi mínútu. Aðeins tíu mínútum síðar var staðan orðin 2-0 þökk sé marki framherjans Edin Džeko.

Fleiri urðu mörkin ekki í fyrri hálfleik og brekkan brött fyrir leikmenn AC Milan í síðari hálfleik. Þeim tókst ekki að klóra í bakkann áður en Argentínumaðurinn Lautaro Martínez gerði endanlega út um leikinn á 77. mínútu.

Staðan orðin 3-0 og reyndust það lokatölur á King Fahd International-vellinum í Riyadh.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið