Senda vestræna bryndreka til Úkraínu Samúel Karl Ólason skrifar 6. janúar 2023 10:54 M2/M3 Bradley bryndreki á æfingu bandaríska hersins í Þýskalandi. Getty/Nicolas Armer Yfirvöld Í Bandaríkjunum og Þýskalandi tilkynntu í gærkvöldi að ríkin myndu senda tugi bryndreka til Úkraínu og þjálfa áhafnir á þá á komandi vikum. Það var í kjölfar þess að Frakkar opinberuðu að þeir ætluðu að senda brynvarin farartæki. Þar að auki tilkynntu Þjóðverjar í gær að auk þess að senda Marder-bryndreka til Úkraínu stæði einnig til að útvega mönnum annað Patriot-loftvarnarkerfi. Það er eitt háþróaðasta loftvarnarkerfi heims en Bandaríkjamenn ákváðu í síðasta mánuði að senda eitt slíkt til Úkraínu í ljósi umfangsmikilla dróna- og stýriflaugaárása Rússa á borgaraleg innviði í Úkraínu. Úkraínumenn segjast þakklátir en segja sendingar skriðdreka bestu leiðina til að binda enda á stríðið sem fyrst. To win faster we need tanks.— Defense of Ukraine (@DefenceU) January 5, 2023 Í yfirlýsingu sem Hvíta húsið birti í gær segir að Joe Biden, forseti Bandaríkjanna, og Olaf Scholz, kanslari Þýskalands, séu staðfastir í þeirri trú þeirra að nauðsynlegt sé að halda áfram nauðsynlegum stuðningi við úkraínsku þjóðina eins lengi og til þarf. Úkraínumenn eru sagðir hafa orðið fyrir miklu mannfalli að undanförnu, eins og Rússar, en harðir bardagar hafa geisað víða á víglínunum í Úkraínu. Þá munu þeir hafa þörf á frekari hergögnum til að fylla upp í raðir sínar og til að undirbúa gagnárásir gegn Rússum í vetur og í vor. Sjá einnig: Rússar sagðir stefna á aðra herkvaðningu Eins og áður segir ætla Þjóðverjar að senda Marder bryndreka til Úkraínu en Bandaríkjamenn ætla að senda bryndreka sem kallast Bradley. Báðir bryndrekarnir eru meðal annars til í mismunandi útgáfum sem eru hannaðar til að flytja hermenn eða berjast og geta þeir verið notaðir til að granda rússneskum skrið- og bryndrekum. Emmanuel Macron, forseti Frakklands, hafði fyrr í gær tilkynnt að til stæði að senda AMX-10 brynvarin farartæki til Úkraínu. Þau farartæki falla á milli flokka en gætu talist „léttir skriðdrekar“ þar sem þau eru ekki á beltum heldur hjólum og eru ekki varin þykkri brynvörn. Farartækin bera hins vegar fallbyssu eins og skriðdrekar. Hergagnasendingarnar munu líklegast reynast Úkraínumönnum vel og gefa hersveitum Úkraínu meiri skotkraft í og meiri hreyfanleika. Wall Street Journal hefur eftir bandaríska herforingjanum Pat Ryder að bryndrekarnir muni reynast Úkraínumönnum vel. „Þetta er ekki skriðdreki heldur skriðdrekadrápari,“ sagði herforinginn um Bradley bryndrekana á blaðamannafundi í gær. Hann vildi þó ekki segja hvaða útgáfur bryndrekanna Úkraínumenn myndu fá né gefa frekari upplýsingar um hvurslags tímaramma Bandaríkjamenn væru að vinna með varðandi sendingarnar til Úkraínu og þjálfun úkraínskra hermanna. Vilja skriðdreka frá Vesturlöndum Frá upphafi innrásar Rússa í Úkraínu hafa Úkraínumenn beðið um skriðdreka frá Vesturlöndum. Ríki sem voru áður á yfirráðasvæði Sovétríkjanna hafa sent mikið magn skriðdreka frá þeim tímum til Úkraínu en enn sem komið er hafa Úkraínumenn ekki fengið skriðdreka sem framleiddir eru á Vesturlöndum. Í frétt WSJ segir að yfirvöld í Póllandi hafi til skoðunar beiðni frá Úkraínu um Leopard-skriðdreka, sem framleiddir eru í Þýskalandi. Heimildarmenn miðilsins segja Pólverja, sem hafa þegar gefið Úkraínu rúmlega 240 skriðdreka frá tímum Sovétríkjanna sem búið var að breyta og betrumbæta, vera að íhuga að gefa Úkraínu allt sem þeir geta. Pólverjar hafa verið meðal háværustu stuðningsmanna Úkraínu varðandi það að senda skriðdreka til landsins. Þeir eru mun betur brynvarðir en bryndrekarnir sem talað er um hér að ofan og myndu gefa Úkraínumönnum meiri skotkraft. Úkraína Innrás Rússa í Úkraínu Bandaríkin Þýskaland Frakkland Tengdar fréttir Yfirlýsingar um vopnahlé ekkert nema blekkingar og áróður Vólódímír Selenskí Úkraínuforseti segir yfirlýsingar Rússlandsforseta um vopnahlé yfir rússnesku jólahátíðina ekkert annað en blekkingarleik til að freista þess að tefja gagnsókn Úkraínuhers í austurhluta Donbas. 6. janúar 2023 08:56 Pútín vill jólavopnahlé Vladimír Pútín, forseti Rússlands, hefur skipað Sergei Shoigu, varnarmálaráðherra sínum, að koma á einhliða vopnahléi í hádegi á morgun til miðnættis á laugardagskvöld (7. janúar), eða í 36 klukkustundir. Það er eftir að æðsti klerkur rússnesku rétttrúnaðarkirkjunnar lagði slíkt vopnahlé til. 5. janúar 2023 15:47 Rýnt í stöðuna í Úkraínu: Rússar sagðir stefna á aðra herkvaðningu Vladimír Pútín, forseti Rússlands, er að undirbúa þjóð sína fyrir langvarandi átök í Úkraínu og Rússar eru sagðir vera að undirbúa aðra herkvaðningu. Bakhjarlar Úkraínumanna vinna að því að senda ný vopnakerfi til landsins en forðast enn að senda skriðdreka. 5. janúar 2023 14:00 Mest lesið Ferðamaður réðst á leiðsögukonu: „Ísland hefur brugðist mér“ Innlent Afplána líklegast í fjögur til fimm ár á Litla Hrauni Innlent Ræningjar fjölmenntu með byssur og haka í skartgripabúð Erlent Drónaútgerð?: Þingmaður hefur áhyggjur af rússneskum skipum við Færeyjar Erlent „Við þurfum ekki öll að fara á sjúkrahús“ Innlent Sigar hernum á „hryðjuverkamenn“ í Portland Erlent Musk, Thiel og Andrés nefndir í nýjum skjölum Epsteins Erlent Dróna- og skuggastríð í Evrópu: Hvað gengur Rússum til og hvað getur NATO gert? Erlent „Stór húsnæðis- og efnahagspakki“ á leiðinni Innlent Ætlar að peppa herforingjana á fundinum fordæmalausa Erlent Fleiri fréttir Dróna- og skuggastríð í Evrópu: Hvað gengur Rússum til og hvað getur NATO gert? Sigar hernum á „hryðjuverkamenn“ í Portland Ráku starfsmenn FBI sem fóru á hnéð eftir morðið á Floyd Fundu leynilega sígarettuverksmiðju í neðanjarðarbyrgi Drónar sáust á flugi yfir herflugvelli í Danmörku og Noregi Ræningjar fjölmenntu með byssur og haka í skartgripabúð Musk, Thiel og Andrés nefndir í nýjum skjölum Epsteins Ætlar að peppa herforingjana á fundinum fordæmalausa Drónaútgerð?: Þingmaður hefur áhyggjur af rússneskum skipum við Færeyjar Fyrrverandi aðstoðarmaður forseta dæmdur fyrir njósnir Yfirgáfu salinn þegar Netanjahú hóf ræðu sína Tekinn af lífi fyrir að myrða stúlkubarn við „særingu“ Comey hvergi banginn þrátt fyrir ákæru Ekki hægt að staðfesta drónaflug við Álaborgarflugvöll Bandaríkjamenn sagðir vilja Tony Blair við stjórnvölinn á Gasa Segist ekki munu leyfa Ísrael að innlima Vesturbakkann Lofthelgi aftur lokað í Álaborg vegna drónaflugs James Comey ákærður vegna Rússarannsóknar Segir NATO og ESB hafa lýst yfir stríði við Rússland Boðar alla herforingjana á fordæmalausan skyndifund Enn lítið vitað um leyniskyttuna og tilefni árásarinnar í Dallas Hóta Demókrötum með umfangsmiklum uppsögnum Fimm ára fangelsi fyrir að taka við fúlgum fjár frá Gaddafi Keppast við að ákæra Comey Trump krefst rannsóknar á „þríþættu skemmdarverki“ hjá SÞ Drónaflug í Danmörku: „Fjölþáttaógnin er að raungerast“ Leikskóli heimtar tugi þúsunda fyrir „listaverk“ barnanna Ætlar sér að koma böndum á sjónvarpsstöðvar Macron telur Trump ekki fylgjandi innlimun Vesturbakkans Sést til dróna við fjóra flugvelli í Danmörku Sjá meira
Þar að auki tilkynntu Þjóðverjar í gær að auk þess að senda Marder-bryndreka til Úkraínu stæði einnig til að útvega mönnum annað Patriot-loftvarnarkerfi. Það er eitt háþróaðasta loftvarnarkerfi heims en Bandaríkjamenn ákváðu í síðasta mánuði að senda eitt slíkt til Úkraínu í ljósi umfangsmikilla dróna- og stýriflaugaárása Rússa á borgaraleg innviði í Úkraínu. Úkraínumenn segjast þakklátir en segja sendingar skriðdreka bestu leiðina til að binda enda á stríðið sem fyrst. To win faster we need tanks.— Defense of Ukraine (@DefenceU) January 5, 2023 Í yfirlýsingu sem Hvíta húsið birti í gær segir að Joe Biden, forseti Bandaríkjanna, og Olaf Scholz, kanslari Þýskalands, séu staðfastir í þeirri trú þeirra að nauðsynlegt sé að halda áfram nauðsynlegum stuðningi við úkraínsku þjóðina eins lengi og til þarf. Úkraínumenn eru sagðir hafa orðið fyrir miklu mannfalli að undanförnu, eins og Rússar, en harðir bardagar hafa geisað víða á víglínunum í Úkraínu. Þá munu þeir hafa þörf á frekari hergögnum til að fylla upp í raðir sínar og til að undirbúa gagnárásir gegn Rússum í vetur og í vor. Sjá einnig: Rússar sagðir stefna á aðra herkvaðningu Eins og áður segir ætla Þjóðverjar að senda Marder bryndreka til Úkraínu en Bandaríkjamenn ætla að senda bryndreka sem kallast Bradley. Báðir bryndrekarnir eru meðal annars til í mismunandi útgáfum sem eru hannaðar til að flytja hermenn eða berjast og geta þeir verið notaðir til að granda rússneskum skrið- og bryndrekum. Emmanuel Macron, forseti Frakklands, hafði fyrr í gær tilkynnt að til stæði að senda AMX-10 brynvarin farartæki til Úkraínu. Þau farartæki falla á milli flokka en gætu talist „léttir skriðdrekar“ þar sem þau eru ekki á beltum heldur hjólum og eru ekki varin þykkri brynvörn. Farartækin bera hins vegar fallbyssu eins og skriðdrekar. Hergagnasendingarnar munu líklegast reynast Úkraínumönnum vel og gefa hersveitum Úkraínu meiri skotkraft í og meiri hreyfanleika. Wall Street Journal hefur eftir bandaríska herforingjanum Pat Ryder að bryndrekarnir muni reynast Úkraínumönnum vel. „Þetta er ekki skriðdreki heldur skriðdrekadrápari,“ sagði herforinginn um Bradley bryndrekana á blaðamannafundi í gær. Hann vildi þó ekki segja hvaða útgáfur bryndrekanna Úkraínumenn myndu fá né gefa frekari upplýsingar um hvurslags tímaramma Bandaríkjamenn væru að vinna með varðandi sendingarnar til Úkraínu og þjálfun úkraínskra hermanna. Vilja skriðdreka frá Vesturlöndum Frá upphafi innrásar Rússa í Úkraínu hafa Úkraínumenn beðið um skriðdreka frá Vesturlöndum. Ríki sem voru áður á yfirráðasvæði Sovétríkjanna hafa sent mikið magn skriðdreka frá þeim tímum til Úkraínu en enn sem komið er hafa Úkraínumenn ekki fengið skriðdreka sem framleiddir eru á Vesturlöndum. Í frétt WSJ segir að yfirvöld í Póllandi hafi til skoðunar beiðni frá Úkraínu um Leopard-skriðdreka, sem framleiddir eru í Þýskalandi. Heimildarmenn miðilsins segja Pólverja, sem hafa þegar gefið Úkraínu rúmlega 240 skriðdreka frá tímum Sovétríkjanna sem búið var að breyta og betrumbæta, vera að íhuga að gefa Úkraínu allt sem þeir geta. Pólverjar hafa verið meðal háværustu stuðningsmanna Úkraínu varðandi það að senda skriðdreka til landsins. Þeir eru mun betur brynvarðir en bryndrekarnir sem talað er um hér að ofan og myndu gefa Úkraínumönnum meiri skotkraft.
Úkraína Innrás Rússa í Úkraínu Bandaríkin Þýskaland Frakkland Tengdar fréttir Yfirlýsingar um vopnahlé ekkert nema blekkingar og áróður Vólódímír Selenskí Úkraínuforseti segir yfirlýsingar Rússlandsforseta um vopnahlé yfir rússnesku jólahátíðina ekkert annað en blekkingarleik til að freista þess að tefja gagnsókn Úkraínuhers í austurhluta Donbas. 6. janúar 2023 08:56 Pútín vill jólavopnahlé Vladimír Pútín, forseti Rússlands, hefur skipað Sergei Shoigu, varnarmálaráðherra sínum, að koma á einhliða vopnahléi í hádegi á morgun til miðnættis á laugardagskvöld (7. janúar), eða í 36 klukkustundir. Það er eftir að æðsti klerkur rússnesku rétttrúnaðarkirkjunnar lagði slíkt vopnahlé til. 5. janúar 2023 15:47 Rýnt í stöðuna í Úkraínu: Rússar sagðir stefna á aðra herkvaðningu Vladimír Pútín, forseti Rússlands, er að undirbúa þjóð sína fyrir langvarandi átök í Úkraínu og Rússar eru sagðir vera að undirbúa aðra herkvaðningu. Bakhjarlar Úkraínumanna vinna að því að senda ný vopnakerfi til landsins en forðast enn að senda skriðdreka. 5. janúar 2023 14:00 Mest lesið Ferðamaður réðst á leiðsögukonu: „Ísland hefur brugðist mér“ Innlent Afplána líklegast í fjögur til fimm ár á Litla Hrauni Innlent Ræningjar fjölmenntu með byssur og haka í skartgripabúð Erlent Drónaútgerð?: Þingmaður hefur áhyggjur af rússneskum skipum við Færeyjar Erlent „Við þurfum ekki öll að fara á sjúkrahús“ Innlent Sigar hernum á „hryðjuverkamenn“ í Portland Erlent Musk, Thiel og Andrés nefndir í nýjum skjölum Epsteins Erlent Dróna- og skuggastríð í Evrópu: Hvað gengur Rússum til og hvað getur NATO gert? Erlent „Stór húsnæðis- og efnahagspakki“ á leiðinni Innlent Ætlar að peppa herforingjana á fundinum fordæmalausa Erlent Fleiri fréttir Dróna- og skuggastríð í Evrópu: Hvað gengur Rússum til og hvað getur NATO gert? Sigar hernum á „hryðjuverkamenn“ í Portland Ráku starfsmenn FBI sem fóru á hnéð eftir morðið á Floyd Fundu leynilega sígarettuverksmiðju í neðanjarðarbyrgi Drónar sáust á flugi yfir herflugvelli í Danmörku og Noregi Ræningjar fjölmenntu með byssur og haka í skartgripabúð Musk, Thiel og Andrés nefndir í nýjum skjölum Epsteins Ætlar að peppa herforingjana á fundinum fordæmalausa Drónaútgerð?: Þingmaður hefur áhyggjur af rússneskum skipum við Færeyjar Fyrrverandi aðstoðarmaður forseta dæmdur fyrir njósnir Yfirgáfu salinn þegar Netanjahú hóf ræðu sína Tekinn af lífi fyrir að myrða stúlkubarn við „særingu“ Comey hvergi banginn þrátt fyrir ákæru Ekki hægt að staðfesta drónaflug við Álaborgarflugvöll Bandaríkjamenn sagðir vilja Tony Blair við stjórnvölinn á Gasa Segist ekki munu leyfa Ísrael að innlima Vesturbakkann Lofthelgi aftur lokað í Álaborg vegna drónaflugs James Comey ákærður vegna Rússarannsóknar Segir NATO og ESB hafa lýst yfir stríði við Rússland Boðar alla herforingjana á fordæmalausan skyndifund Enn lítið vitað um leyniskyttuna og tilefni árásarinnar í Dallas Hóta Demókrötum með umfangsmiklum uppsögnum Fimm ára fangelsi fyrir að taka við fúlgum fjár frá Gaddafi Keppast við að ákæra Comey Trump krefst rannsóknar á „þríþættu skemmdarverki“ hjá SÞ Drónaflug í Danmörku: „Fjölþáttaógnin er að raungerast“ Leikskóli heimtar tugi þúsunda fyrir „listaverk“ barnanna Ætlar sér að koma böndum á sjónvarpsstöðvar Macron telur Trump ekki fylgjandi innlimun Vesturbakkans Sést til dróna við fjóra flugvelli í Danmörku Sjá meira
Yfirlýsingar um vopnahlé ekkert nema blekkingar og áróður Vólódímír Selenskí Úkraínuforseti segir yfirlýsingar Rússlandsforseta um vopnahlé yfir rússnesku jólahátíðina ekkert annað en blekkingarleik til að freista þess að tefja gagnsókn Úkraínuhers í austurhluta Donbas. 6. janúar 2023 08:56
Pútín vill jólavopnahlé Vladimír Pútín, forseti Rússlands, hefur skipað Sergei Shoigu, varnarmálaráðherra sínum, að koma á einhliða vopnahléi í hádegi á morgun til miðnættis á laugardagskvöld (7. janúar), eða í 36 klukkustundir. Það er eftir að æðsti klerkur rússnesku rétttrúnaðarkirkjunnar lagði slíkt vopnahlé til. 5. janúar 2023 15:47
Rýnt í stöðuna í Úkraínu: Rússar sagðir stefna á aðra herkvaðningu Vladimír Pútín, forseti Rússlands, er að undirbúa þjóð sína fyrir langvarandi átök í Úkraínu og Rússar eru sagðir vera að undirbúa aðra herkvaðningu. Bakhjarlar Úkraínumanna vinna að því að senda ný vopnakerfi til landsins en forðast enn að senda skriðdreka. 5. janúar 2023 14:00