Þúsundir hitameta slegin í Evrópu yfir áramótin Kjartan Kjartansson skrifar 3. janúar 2023 12:08 Snjór er víð af skornum skammti í skíðabrekkum í Alpanna vegna lítillar snjókomu og óvenjulegra hlýinda. Þeim mun meira er af grænu grasi. Þessi mynd er frá Brauneck-skíðasvæðinu í Lenggries í Þýskalandi 28. desember. AP/Sven Hoppe/DPA Hiti var allt frá tíu til tuttugu gráðum yfir meðaltali fyrir árstíma víða á í Evrópu um áramótin. Met var slegin í þúsundatali, sums staðar með margra gráða mun í einstaklega óvenjulegum hlýindum. Nýársdagur var hlýjasti janúardagur í sögu að minnsta kosti sjö Evrópulanda og var veðrið líkast vordegi, að sögn Washington Post. Í Danmörku sýndi hitamælirinn 12,6 gráður en í Lettlandi, Litháen, Hvíta-Rússlandi, Hollandi, Póllandi og Tékklandi var hitinn á bilinu ellefu til tæplega tuttugu gráður. Sérstaklega þóttu næturhlýindi óvanaleg. Á sumum stöðum verður ekki einu sinni svo hlýtt að nóttu til um mitt sumar. Maximiliano Herrera, loftslagsfræðingur sem fylgist með veðuröfgum, segir við bandaríska blaðið að evrópsku hlýindin nú séu „algert rugl“ og „öfgakenndasti veðurviðburður sem hafi nokkru sinni sést í evrópskri loftslagsfræði“. „Það er ekkert sem stenst þessu snúning,“ segir Herrera. Fleiri loftslags- og veðurfræðingar tóku í svipaðan streng. „Það er erfitt að skilja ákafa og útbreiðslu hlýindanna í Evrópu þessa stundina,“ tísti Scott Duncan, skoskur veðurfræðingur. The intensity and extent of warmth in Europe right now is hard to comprehend. Warsaw in Poland just smashed its January record by over 5°C. pic.twitter.com/to4Mif70Hn— Scott Duncan (@ScottDuncanWX) January 1, 2023 Í Póllandi var hitamet fyrir janúardag slegið fyrir sólarupprás á nýársdagsmorgun. Þá náði hitinn 18,7 gráðum í bænum Glucholazy klukkan fjögur um nótt að staðartíma. Það er hlýrra en lægsti hiti um mitt sumar að meðaltali þar. Enn hlýrra varð eftir því sem leið á daginn. Í Bilbao í Baskalandi á norðanverðum Spáni náði hitinn 25,1 gráðu á nýársdag. Þar hefur aldrei verið hlýrra í janúar. Í Frakklandi mældist hæsti hitinn 24,8 gráður í Verdún í norðaustanverðu landinu á gamlársdag. Á landsvísu var gamlárskvöld það hlýjasta í sögunni í Frakklandi. Hlýindin eiga að láta undan þegar kalt heimskautaloft sígur niður frá norðaustri en þrátt fyrir það gera veðurspár ráð fyrir hita umfram meðallag á stórum hluta meginlandsins til 10. janúar að minnsta kosti. Skíðamenn þjóta eftir mjórri snjóræmu í um 1.600 metra hæð yfir sjávarmáli í Alpabænum Villars-sur-Ollon í Sviss á gamlársdag.AP/Laurent Gillieron/Keystone Grænt gras á skíðasvæðum í lægri fjallshlíðum Í Ölpunum hefur snjókoma verið með minnsta móti og óvenjuhlýtt í veðri það sem af er vetrar. Á skíðasvæðum þar má sum staðar sjá grænt gras, mold og grjót, skíðamönnum til mæðu, að sögn AP-fréttastofunnar. Anick Haldimann, veðurfræðingur hjá svissnesku veðurstofunni, segir að þaulsetið veðurkerfi hafi færst hlýtt loft frá vestri og suðvestri sem hafi þrýst upp hitanum á meginlandinu. Snjór hafi fallið í hlíðum í meira en 2.000 metra hæð en annars staðar þurfi skíðaáhugamenn að þreyja þorrann. Sömu sögu er að segja í franska hluta Alpanna. Þar hefur snjókoma verið við meðaltal ofan 2.200 metra í sunnan- og norðanverðum Ölpunum. Lægra í fjallshliðum norðanverðra Alpanna og Pýreneafjalla sé snævar saknað. Snjókoma hefur hins vegar verið með besta móti í ítölsku Dólómítunum sunnan við svissnesku Alpana. Skipuleggjendur heimsbikarsmóts í skíðum sem á að fara fram í Adelboden í Sviss eru nú með böggum hildar yfir ástandinu. Toni Hadi, mótshaldari, segir að mótið í ár fari alfarið fram á gervisnjó. „Loftslagið er að breytast aðeins en hvað eigum við að gera hér? Eigum við að stöðva lífið?“ segir hann við AP. Árið 2022 var það hlýjasta í mælingarsögunni bæði í Frakklandi og Sviss. Loftslagsmál Veður Pólland Skíðasvæði Frakkland Sviss Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Skoða að efla geðheilbrigðisþjónustu á Austurlandi eftir röð áfalla Innlent Langflestir lögreglumenn á Suðurnesjum Innlent Reyndi að stinga lögreglu af á buggy Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira
Nýársdagur var hlýjasti janúardagur í sögu að minnsta kosti sjö Evrópulanda og var veðrið líkast vordegi, að sögn Washington Post. Í Danmörku sýndi hitamælirinn 12,6 gráður en í Lettlandi, Litháen, Hvíta-Rússlandi, Hollandi, Póllandi og Tékklandi var hitinn á bilinu ellefu til tæplega tuttugu gráður. Sérstaklega þóttu næturhlýindi óvanaleg. Á sumum stöðum verður ekki einu sinni svo hlýtt að nóttu til um mitt sumar. Maximiliano Herrera, loftslagsfræðingur sem fylgist með veðuröfgum, segir við bandaríska blaðið að evrópsku hlýindin nú séu „algert rugl“ og „öfgakenndasti veðurviðburður sem hafi nokkru sinni sést í evrópskri loftslagsfræði“. „Það er ekkert sem stenst þessu snúning,“ segir Herrera. Fleiri loftslags- og veðurfræðingar tóku í svipaðan streng. „Það er erfitt að skilja ákafa og útbreiðslu hlýindanna í Evrópu þessa stundina,“ tísti Scott Duncan, skoskur veðurfræðingur. The intensity and extent of warmth in Europe right now is hard to comprehend. Warsaw in Poland just smashed its January record by over 5°C. pic.twitter.com/to4Mif70Hn— Scott Duncan (@ScottDuncanWX) January 1, 2023 Í Póllandi var hitamet fyrir janúardag slegið fyrir sólarupprás á nýársdagsmorgun. Þá náði hitinn 18,7 gráðum í bænum Glucholazy klukkan fjögur um nótt að staðartíma. Það er hlýrra en lægsti hiti um mitt sumar að meðaltali þar. Enn hlýrra varð eftir því sem leið á daginn. Í Bilbao í Baskalandi á norðanverðum Spáni náði hitinn 25,1 gráðu á nýársdag. Þar hefur aldrei verið hlýrra í janúar. Í Frakklandi mældist hæsti hitinn 24,8 gráður í Verdún í norðaustanverðu landinu á gamlársdag. Á landsvísu var gamlárskvöld það hlýjasta í sögunni í Frakklandi. Hlýindin eiga að láta undan þegar kalt heimskautaloft sígur niður frá norðaustri en þrátt fyrir það gera veðurspár ráð fyrir hita umfram meðallag á stórum hluta meginlandsins til 10. janúar að minnsta kosti. Skíðamenn þjóta eftir mjórri snjóræmu í um 1.600 metra hæð yfir sjávarmáli í Alpabænum Villars-sur-Ollon í Sviss á gamlársdag.AP/Laurent Gillieron/Keystone Grænt gras á skíðasvæðum í lægri fjallshlíðum Í Ölpunum hefur snjókoma verið með minnsta móti og óvenjuhlýtt í veðri það sem af er vetrar. Á skíðasvæðum þar má sum staðar sjá grænt gras, mold og grjót, skíðamönnum til mæðu, að sögn AP-fréttastofunnar. Anick Haldimann, veðurfræðingur hjá svissnesku veðurstofunni, segir að þaulsetið veðurkerfi hafi færst hlýtt loft frá vestri og suðvestri sem hafi þrýst upp hitanum á meginlandinu. Snjór hafi fallið í hlíðum í meira en 2.000 metra hæð en annars staðar þurfi skíðaáhugamenn að þreyja þorrann. Sömu sögu er að segja í franska hluta Alpanna. Þar hefur snjókoma verið við meðaltal ofan 2.200 metra í sunnan- og norðanverðum Ölpunum. Lægra í fjallshliðum norðanverðra Alpanna og Pýreneafjalla sé snævar saknað. Snjókoma hefur hins vegar verið með besta móti í ítölsku Dólómítunum sunnan við svissnesku Alpana. Skipuleggjendur heimsbikarsmóts í skíðum sem á að fara fram í Adelboden í Sviss eru nú með böggum hildar yfir ástandinu. Toni Hadi, mótshaldari, segir að mótið í ár fari alfarið fram á gervisnjó. „Loftslagið er að breytast aðeins en hvað eigum við að gera hér? Eigum við að stöðva lífið?“ segir hann við AP. Árið 2022 var það hlýjasta í mælingarsögunni bæði í Frakklandi og Sviss.
Loftslagsmál Veður Pólland Skíðasvæði Frakkland Sviss Mest lesið „Eins og að fá hnefahögg í andlitið“ Innlent Íbúar mótmæla og vilja börn frekar en byggingu í Gunnarsbrekku Innlent Bílvelta í Kömbunum Innlent Sveitarstjórn reyni að skrá íbúa úr sveitarfélaginu og ógni grundvallarréttindum Innlent Lögregla kölluð til eftir að bremsuvírar voru klipptir á reiðhjólum barna Innlent Hleypur 110 kílómetra á dag til að setja heimsmet Lífið Brunarústirnar fjarlægðar tveimur árum eftir brunann Innlent Skoða að efla geðheilbrigðisþjónustu á Austurlandi eftir röð áfalla Innlent Langflestir lögreglumenn á Suðurnesjum Innlent Reyndi að stinga lögreglu af á buggy Innlent Fleiri fréttir Webb smellti af nýburamyndum Harðlega gagnrýndur af bæði Demókrötum og Repúblikönum Fundu ofgnótt ferskvatns undir sjávarbotninum í Atlantshafi Segir af sér sem ráðherra og varaformaður Verkamannaflokksins „Selir“ skutu óvopnaða borgara í leyniaðgerð í Norður-Kóreu Hertogaynjan af Kent er látin Konungssinninn Anutin Charnvirakul nýr forsætisráðherra Taílands Bretar, Kanadamenn, Suður-Kóreubúar og Þjóðverji meðal látinna í Lissabon Sér ekki tilgang í öryggistryggingum þar sem Rússum sé treystandi Skoða að banna trans fólki að eiga skotvopn Svíar saka Rússa um auknar truflanir í staðsetningarbúnaði Gekkst undir aðgerð vegna húðkrabbameins Kynnir stríðsmálaráðuneytið til leiks Gerðu loftárás á vinnusvæði danskra hjálparsamtaka Yfir tvö þúsund látnir eftir jarðskjálftann Segir 26 ríki vilja senda hermenn til Úkraínu Sá sem ók á skrúðgöngu Liverpool-manna lýsti yfir sakleysi Mátti ekki stöðva fjárveitingar til Harvard Tískugoðsögnin Giorgio Armani er fallin frá Búa sig undir komu hermanna og útsendara ICE Evrópuleiðtogar funda um öryggistryggingar fyrir Úkraínu Spinna samsæriskenningar vegna óvenjumargra andláta frambjóðenda Biðja hæstarétt um flýtimeðferð vegna tolla Höfundur Father Ted handtekinn fyrir að hvetja til ofbeldis gegn trans fólki Allir íbúar munu geta höfðað mál vegna þungunarrofslyfja Vinna að lista yfir vini og samstarfsmenn Epstein Mjótt á munum í Noregi og líkur á flókinni stjórnarmyndun Mótmæla hugmyndum um innlimun nær alls Vesturbakkans Þjóðarsorg lýst yfir í Portgúal Pútín og Xi ræddu ódauðleika í gegnum líffæragjöf Sjá meira