Ást­hildur nýr stjórnar­for­maður Empower

Frá þessu segir í tilkynningu en auk Ásthildar sitja í stjórn þau Dögg Thomsen, ein stofnenda og í framkvæmdastjórn Empower og Jóhann Þorvaldur Bergþórsson frumkvöðull og hugbúnaðarsérfræðingur.

„Hugbúnaðurinn styður fyrirtæki og stofnanir við að ná betri árangri á sviði jafnréttis og fjölbreytni með mælaborði, markmiðasetningu og örfræðslu. Fyrirhugað er að setja hugbúnaðinn á alþjóðamarkað haustið 2023.

Ásthildur er meðeigandi og fjárfestingastjóri hjá Frumtak Ventures. Áður var hún stjórnarformaður félagsins frá 2015-2021. Ásthildur hefur gegnt stjórnarsetu um árabil í ýmsum félögum og í dag er hún stjórnarformaður Controlant​, Kaptio og 50skills, auk Empower. Hún var stjórnarformaður Marel á árunum 2014-2021 og sat í stjórn áður frá árinu 2010. Ásthildur var í stjórn Icelandair Group á árunum 2012-2019 ​og sat í háskólaráði Háskóla Íslands frá 2016-2022​. Áður leiddi Ásthildur viðskiptaþróun hjá Össuri, þar með talið yfirtökur og fjármögnun, og starfaði sem rekstrarráðgjafi hjá alþjóðlega ráðgjafafélaginu Accenture. Ásthildur er með MBA frá Rotterdam School of Management og próf í viðskiptafræði frá Háskóla Íslands. Ásamt stjórnarsetu í fyrirtækjum í eignasafni Frumtaks situr hún í stjórn Íslandsstofu og ráðgjafaráði Boards Impact Forum.

Dögg Thomsen er meðstofnandi Empower og situr í framkvæmdastjórn fyrirtækisins. Hún hefur yfir 25 ára reynslu sem alþjóðlegur ráðgjafi í Evrópu, Mið-Austurlöndum, Ameríku og Asíu á sviði stjórnunar og stefnumótunar, markaðs- og samskiptamála, vörumerkjaþróunar, notendaviðmóts og upplifunarhönnunar. Hún hefur unnið með fjölda alþjóðlegra vörumerkja, eins og Barclays, Montblanc, Emirates Women, What's On, The Dubai Mall, WEF og Nobu. Dögg hefur setið í stjórnum félaga í Englandi og Dubai.

Jóhann Þorvaldur Bergþórsson er tæknifrumkvöðull með yfir 10 ára reynslu af farsímaleikjagerð. Jóhann var áður tæknistjóri Plain Vanilla Games og stofnandi leikjafyrirtækjanna Teatime og Dexoris. Hjá þessum fyrirtækjum leiddi Jóhann hönnun tækniarkitektúrs og byggði upp hugbúnaðarteymi, m.a. fyrir leikina QuizUp og Trivia Royale sem urðu á meðal vinsælustu spurningaleikja heims, en þeir náðu báðir fyrsta sæti bandarísku App Store. Jóhann hefur setið í stjórn nýsköpunarfyrirtækisins Mussila og í ráðgjafaráði Eyris Vaxtar síðan 2021. Jóhann starfar nú sem verkefnastjóri hjá Transition Labs, sem flytur til landsins sum af flottustu verkefnum heims á sviði græns iðnaðar og loftslagslausna,“ segir í tilkynningunni.

Empower var stofnað árið 2020.