Fótbolti

Gabriel Jesus eða Martinelli ekki í síðasta leikmannahóp Brasilíu fyrir HM

Runólfur Trausti Þórhallsson skrifar
Gabriel Jesus hefur spilað 56 A-landsleiki fyrir Brasilíu og skorað 19 mörk. Hann bætir ekki við þann fjölda í þessum mánuði.
Gabriel Jesus hefur spilað 56 A-landsleiki fyrir Brasilíu og skorað 19 mörk. Hann bætir ekki við þann fjölda í þessum mánuði. EPA-EFE/ANTONIO LACERDA

Tite, landsliðsþjálfari Brasilíu, hefur tilkynnt 26 manna hóp fyrir síðustu æfingaleiki liðsins í aðdraganda HM sem fram fer í Katar á síðasta ári. Athygli vekur að Arsenal tvíeykið Gabriel Jesus og Martinelli eru ekki í hópnum.

Bæði Jesus og Martinelli voru í landsliðshóp Brasilíu sem mætti Japan í júní en eru ekki valdir að þessu sinni. Sama á við um Gabriel, miðvörð Arsenal, en hann var valinn í hópinn í júní en spilaði ekki.

Brasilía spilar tvo vináttuleiki í Frakklandi síðar í þessum mánuði. Þann 23. september mæta þeir Ghana og fjórum dögum síðar spila þeir við Túnis. Brasilía mun leika í G-riðli á HM í Katar ásamt Serbíu, Sviss og Kamerún.

Hér að neðan má sjá 26 manna hóp Tite en alls spila 10 leikmenn í ensku úrvalsdeildinni, þar af þrír með Manchester United.

Markverðir: Alisson (Liverpool), Ederson (Manchester City) og Weverton (Palmeiras).

Varnarmenn: Alex Sandro (Juventus), Alex Telles (Sevilla, á láni frá Man United), Gleison Bremer (Juventus), Danilo (Juventus), Eder Militao (Real Madrid), Roger Ibañez (Roma), Marquinhos (París Saint-Germain) og Thiago Silva (Chelsea).

Miðjumenn: Bruno Guimarães (Newcastle United), Casemiro (Man Utd), Everton Ribeiro (Flamengo), Fabinho (Liverpool), Fred (Man Utd) og Lucas Paquetá (West Ham United).

Framherjar: Antony (Man Utd), Roberto Firmino (Liverpool), Matheus Cunha (Atlético Madríd), Neymar (PSG), Pedro (Flamengo), Raphinha (Barcelona), Richarlison (Tottenham Hotspur), Rodrygo (Real Madríd) og Vinícius Junior (Real Madríd).

Fótbolti HM 2022 í Katar

Mest lesið


Fleiri fréttir

Sjá meira


×

Mest lesið