Þýska toppliðið marði sigur og lærisveinar Mourinho töpuðu

Öll mörkin í leik Freiburg og Qarabag voru skoruð í fyrri hálfleik á meðan öll mörkin í leik Ludogorets og Roma voru skoruð í þeim síðari.

Heimamenn í Freiburg tóku forystuna gegn Qarabag strax á sjöundu mínútu með marki af vítapunktinum áður en liðið tvöfaldaði forystu sína átta mínútum síðar. Gestirnir minnkuðu muninn stuttu fyrir hálfleikshlé, en nær komust þeir ekki og niðurstaðan því 2-1 sigur Freiburg.

Heldur meiri dramatík var í leik Ludogorets og Roma þar sem öll mörkin voru skoruð á seinustu tuttugu mínútum leiksins. Heimamenn í Ludogorets náðu forystunni á 72. mínútu áður en lærisveinar Mourinho jöfnuðu metin tæpum fimm mínútum fyrir leikslok.

Leikmenn Roma gátu þó ekki leyft sér að fagna lengi því heimamenn tóku forystuna á ný tveimur mínútum síðar og tryggðu sér þar með 2-1 sigur.

Úrslit kvöldsins