Eyjakonur fá bandarískan sóknarmann frá Frakklandi

Frá þessu er greint á heimasíðu ÍBV, en Wolfbauer lék í næst efstu deild í Frakklandi fyrr á árinu. Þar á undan lék hún með knattspyrnuliði Bowling Green háskólans í Bandaríkjunum, en þar var hún valin sóknarmaður ársins í Mið-Ameríkudeildinni.

Wolfbauer er 22 ára sóknarmaður sem kemur til með að styrkja sóknarlínu Eyjakvenna. ÍBV situr í fjórða sæti Bestu-deildarinnar með 17 stig eftir tíu leiki.

ÍBV fékk annan sóknarmann, Sydney Carr, til Vestmannaeyja fyrir tímabilið, en hún meiddist í sínum fyrsta leik og náði aðeins að spila um sex mínútur fyrir félagið.

Þá hefur ÍBV einnig fengið landsliðsmarkvörðinn Auði Scheving Sveinbjörnsdóttur á láni frá Val út keppnistímabilið. 

Auður var á láni hjá Aftueldingu fyrri hluta leiktíðarinnar en fyllir nú skarð Guðnýjar Geirsdóttur sem er meidd. Auður þekkir vel til í Vestmannaeyjum en hún lék þar síðustu tvo tímabil.