Fótbolti

Mourinho náði í Matic enn á ný

Sindri Sverrisson skrifar
Jose Mourinho og Nemanja Matic þekkja það vel að starfa saman.
Jose Mourinho og Nemanja Matic þekkja það vel að starfa saman. Getty

Serbneski miðjumaðurinn Nemanja Matic hefur yfirgefið ensku úrvalsdeildina og skrifað undir samning til eins árs við ítalska knattspyrnufélagið Roma.

Matic endurnýjar þar með kynnin við knattspyrnustjórann Jose Mourinho sem fékk Matic aftur til Chelsea árið 2014, og til Manchester United þremur árum síðar.

Matic er orðinn 33 ára gamall en lék 23 deildarleiki fyrir United á síðustu leiktíð og þar af 16 í byrjunarliði.

Matic varð tvívegis Englandsmeistari með Chelsea eftir að hafa orðið portúgalskur meistari með Benfica árið 2014. Hjá United komst hann í úrslitaleik enska bikarsins 2018 og Evrópudeildarinnar í fyrra.

Roma hafnaði í 6. sæti ítölsku deildarinnar í vor og vann Sambandsdeild Evrópu. Liðið leikur því í Evrópudeildinni í haust.

Enski boltinn Ítalski boltinn Fótbolti

Mest lesið


Fleiri fréttir

Sjá meira


×

Mest lesið