Áhersla verður lögð á uppbyggingu í miðbænum og á hafnarsvæðinu á komandi kjörtímabili samkvæmt málefnasamning Sjálfstæðisflokks- og Framsóknarflokks sem skrifað var undir í Hellisgerði í dag.
Rósa Guðbjartsdóttir, oddviti Sjálfstæðisflokks, sem verður bæjarstjóri til ársbyrjunar 2025 segir mesta uppbyggingarskeið bæjarins hafið og að mikil tækifæri séu fram undan.
Samningurinn hefur verið birtur á vef Hafnarfjarðar.
Samkvæmt málefnasamningi verður nýbyggingarsvæði við Vatnshlíð skipulagt, frístundastyrkir fyrir börn frá þriggja ára aldri teknir upp og unnið að skipulagi nýs golfvallar.
Stefnt er að því að kynna niðurstöðu úr meirihlutaviðræðum Sjálfstæðismanna og Framsóknarmanna í Hafnarfirði á morgun.
Uppbygging vegna mikillar fyrirsjáanlegrar fjölgunar íbúa verður eitt aðalverkefni nýrrar bæjarstjórnar í Hafnarfirði að mati oddvita Sjálfstæðis- og Framsóknarflokks sem hafa náð samkomulagi um meirihlutasamstarf. Oddvitarnir munu hafa vistaskipti í stóli bæjarstjóra og formanns bæjarráðs á miðju kjörtímabili.
