Kostar allt að 210 þúsund krónum að vera í golf­klúbbi

Golftímabilið á Íslandi er stutt. Íslendingar hafa löngum stært sig af því að golf megi heita almenningsíþrótt að teknu tilliti til þess að fólk almennt hafi efni á að stunda íþróttina. En þetta kann nú að vera að breytast. 

Til að fá forgjöf þurfa menn að vera í klúbbi og má þannig gera ráð fyrir að flestir sem spila golf á Íslandi séu í skráðir þar. Dýrasta ársgjald í golfklúbb er í Golfklúbb Brautarholts. Þar kostar aðild 210 þúsund krónur að vera félagi. Vert er þó að hafa hugfast að Brautarholt býður upp á ýmsa möguleika. Þinniföldum hringjum í takmarkaðri aðild lýkur, þá greiða meðlimir ekki fullt gjald fyrir næstu hringi, heldur fimmtíu prósent fyrir hringinn; Rauð, græn og blá aðild.

Ef veður er framúrskarandi og viðkomandi hefur ekkert annað að gera en að spila golf getur sá hinn sami reiknað með því að spila 30 sinnum á ári. 

Að árgaldið sé komið upp í 210 þúsund krónur þýðir að hver hringur kostar sjö þúsund krónur miðað við það að vera fullur aðili að Brautarholti, svo dýrasti möguleikinn sé skoðaður. Flestir komast miklu sjaldnar á völlinn. Eru mörg dæmi um að menn komist ekki nema tíu sinnum til að spila á sínum heimavelli yfir árið. Sé miðað við aðild að Golfklúbbi Reykjavíkur þýðir það þá að félagsmenn eru að greiða 17.550 krónur fyrir hringinn. Þumalputtareglan er einmitt sú að fullt gjald fyrir hring er tíu prósent af félagsgjaldinu.

Golfklúbburinn Oddur er með 195.000 króna árgjald, Golfklúbbur Reykjavíkur krefst 175.500 króna í aðild, Keilir krefst 175.300 króna og GKG 175 þúsund króna. GSÍ birti nýlega á síðu sinni úttekt þar sem sýnir hvað félagsaðild að golfklúbbi kostar: