Viðhald félagslegra leiguíbúða Sigrún Árnadóttir skrifar 4. maí 2022 15:45 Í gær birtist aðsend grein á www.visir.is þar sem vakin var athygli á umræðu um vandamál vegna myglu og raka í byggingum. Þeirri spurningu var velt upp hvernig ástandið væri í leiguíbúðumFélagsbústaða og því haldið fram að þar væri víða pottur brotinn. Hvort sú fullyrðing fæst staðist skal ósagt látið enda liggur ekki fyrir heildstætt mat á ástandi þeirra rúmlega 3000 íbúða sem Félagsbústaðir leigja út. En af þessu tilefni er rétt að greina stuttlega frá hvernig viðhaldi íbúðanna er háttað. Í öllum hverfum borgarinnar eru félagslegar leiguíbúðir sem ætlaðar eru fjölskyldum og einstaklingum undir tilteknum eigna- og tekjumörkum, auk leiguíbúða fyrir aldraða og fólk með fötlun. Alls rúmlega 3000 íbúðir. Árleg fjölgun íbúða er í takti við áherslur Reykjavíkurborgar um frekari uppbyggingu til þess að mæta þörfum fyrir húsnæði og er gjarnan miðað við að 5% íbúða í borginni séu félagslegar leiguíbúðir. Flestar íbúðirnar sem keyptar hafa verið á undanförnum árum eru í nýbyggingum. Á hverju ári er fjöldinn allur af íbúðum standsettur vegna leigjendaskipta. Fagmenntaðir starfsmenn Félagsbústaða yfirfara íbúðirnar og gera áætlun um viðhald og kostnað. Fengnir eru fagaðilar á sínu sviði í þær endurbætur sem með þarf fyrir næstu útleigu. Þannig voru á árinu 2021 12% íbúða félagsins endurnýjaðar vegna nýrra leigjenda eða flutnings leigjenda milli íbúða auk þess sem gerðir voru leigusamningar um 100 nýkeyptar íbúðir. Viðhaldi íbúða í búsetu er sinnt í kjölfar ábendinga frá leigjendum eða húsfélagi viðkomandi fjölbýlishúss. Þjónustuborð Félagsbústaða skráir niður öll erindi og kemur þeim í réttan farveg til viðeigandi úrlausnar. Á árinu 2021 voru skráðar 2330 viðhaldsbeiðnir. Beiðnirnar eru eins og gefur að skilja af fjölbreyttum toga allt frá biluðum krana til lekavandamála. Iðnaðarmenn sinna öllum þessum erindum. Auk þessa berast erindi eða ábendingar um flóknari úrlausnarefni og er þá farið í sérstaka húsnæðisskoðun til frekari greiningar. Þegar leigjendur tilkynna um leka, óeðlilegan raka eða grun um myglu er farið í sérstakar húsnæðisskoðanir og eftir atvikum fengnir óháðir aðilar til að mæla loftgæði og/eða taka sýni til að kanna mygluvöxt. Myglu í húsnæði má einkum rekja til utanaðkomandi vatnsleka, leka innanhúss, ónógrar loftunar og ófullnægjandi þrifa. Leitast er við að komast að upptökum vandans og gera þær lagfæringar sem með þarf. Félagsbústaðir leggja áherslu á að svara öllum þeim erindum sem berast frá leigjendum og aðstoða við úrlausn þeirra mála sem upp koma vegna viðhalds eða annarra erinda. Á síðastliðnum 3 árum hefur MMR framkvæmt tvær þjónustukannanir meðal leigjenda Félagsbústaða. Ánægjulegt er að meiri ánægja mælist með þjónustuþætti í síðari könnuninni sem fram fór í apríl á síðasta ári. Þar kom í ljós að 84% leigjanda eru ánægðir eða mjög ánægðir með að leigja hjá Félagsbústöðum sem er aukning frá fyrri mælingu. Alls mældust 72% leigjenda ánægðir með þjónustu Félagsbústaða sem er aukning um 10% milli mælinga. Ánægja eða mikil ánægja með viðhaldsþjónustu mældist 60% og jókst ánægjan um 4% milli kannana. Niðurstöður eru rýndar og lagt á ráðin um úrbætur og hvernig má gera gott betra. Félagsbústaðir eru hlutafélag að fullu í eigu Reykjavíkurborgar. Eigandinn skipar stjórn félagsins sem ber ábyrgð á rekstrinum. Þannig hafa kjörnir fulltrúar aðrir en þeir sem sæti eiga í stjórninni ekki beina aðkomu að rekstri Félagsbústaða. Sigrún Árnadóttir, framkvæmdastjóri Félagsbústaða Viltu birta grein á Vísi? Sendu okkur póst. Senda grein Húsnæðismál Mygla Tengdar fréttir Mygla í félagslegu íbúðarhúsnæði Reykjavíkurborgar Við heyrum reglulega af vandamálum tengdum myglu og raka í húsnæði á vegum Reykjavíkurborgar. Er umræðan þá aðallega tengd skólum og vellíðan barna og starfsmanna þar. En hvað um fjölskyldur sem eru í félagslegu húsnæði á vegum borgarinnar og af ýmsum ástæðum jafnvel föst þar? Er ástandið á íbúðunum þar bara í lagi? 3. maí 2022 15:00 Mest lesið Ég skvetti málningu á bandaríska sendiráðið en hér er opið bréf til utanríkisráðherra Margrét Rut Eddudóttir Skoðun Sleppum brúnni og förum betri leið framhjá Selfossi Elliði Vignisson Skoðun Spilling á Íslandi: Erum við að missa tökin? Ágústa Árnadóttir Skoðun Halldór 5.10.2024 Jón Þór Stefánsson Halldór Eignafólk græðir mikið á vaxtastefnu Seðlabankans Stefán Ólafsson Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun Af ofurhetjum og störfum þeirra Kristín Björnsdóttir Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun Foreldrar eru sérfræðingar í sínum börnum Valdimar Víðisson Skoðun Er vitlaust gefið í stjórnmálum? Reynir Böðvarsson Skoðun Skoðun Skoðun Ég skvetti málningu á bandaríska sendiráðið en hér er opið bréf til utanríkisráðherra Margrét Rut Eddudóttir skrifar Skoðun Uppeldi frá gamla einmenningar eins-skin-litar viðhorfum Matthildur Björnsdóttir skrifar Skoðun Af ofurhetjum og störfum þeirra Kristín Björnsdóttir skrifar Skoðun Eignafólk græðir mikið á vaxtastefnu Seðlabankans Stefán Ólafsson skrifar Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir skrifar Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur skrifar Skoðun Framtíðarkvíði er ekki gott veganesti Sigurður Páll Jónsson skrifar Skoðun Spilling á Íslandi: Erum við að missa tökin? Ágústa Árnadóttir skrifar Skoðun Orkan á Vestfjörðum Þorsteinn Másson skrifar Skoðun Smábátar eru þjóðhagslega hagkvæmari en togarar Kjartan Sveinsson skrifar Skoðun Foreldrar eru sérfræðingar í sínum börnum Valdimar Víðisson skrifar Skoðun Vísindin vakna til nýsköpunar! Einar Mäntylä skrifar Skoðun Risastórt lýðheilsumál sem Alþingi hunsar Sigurður Hólmar Jóhannesson skrifar Skoðun Þess vegna býð ég mig fram Guðmundur Ingi Guðbrandsson skrifar Skoðun Sleppum brúnni og förum betri leið framhjá Selfossi Elliði Vignisson skrifar Skoðun Einstakur atburður og viðbúnaður Marinó G. Njálsson skrifar Skoðun Framboð er eina leiðin Eiríkur St. Eiríksson skrifar Skoðun Háskóli Íslands er ekki að sinna skyldum sínum Silja Höllu Egilsdóttir skrifar Skoðun Verðmætasköpun og kennarar Davíð Már Sigurðsson skrifar Skoðun Nýjar lausnir gegn ofbeldi Drífa Snædal skrifar Skoðun Lögin um það sem er bannað Helgi Brynjarsson skrifar Skoðun Að dansa í regninu Lóa Björk Ólafsdóttir skrifar Skoðun Dauðarefsing Pírata Sigurjón Þórðarson skrifar Skoðun Af hverju erum við að þessu? Kjartan Sveinn Guðmundsson skrifar Skoðun Upplýsingaóreiða í boði orkugeirans og Landsvirkjunar Snæbjörn Guðmundsson skrifar Skoðun Úrskurðargrautur lögmanna Ómar R. Valdimarsson skrifar Skoðun Er vitlaust gefið í stjórnmálum? Reynir Böðvarsson skrifar Skoðun Hinn langi USArmur Ísraels Ingólfur Steinsson skrifar Skoðun Kveðja frá Heimssýn til landsfundar VG 2024 Haraldur Ólafsson skrifar Skoðun Þjóðaróperan á Alþingi í nær 70 ár Finnur Bjarnason,Þórunn Sigurðardóttir skrifar Sjá meira
Í gær birtist aðsend grein á www.visir.is þar sem vakin var athygli á umræðu um vandamál vegna myglu og raka í byggingum. Þeirri spurningu var velt upp hvernig ástandið væri í leiguíbúðumFélagsbústaða og því haldið fram að þar væri víða pottur brotinn. Hvort sú fullyrðing fæst staðist skal ósagt látið enda liggur ekki fyrir heildstætt mat á ástandi þeirra rúmlega 3000 íbúða sem Félagsbústaðir leigja út. En af þessu tilefni er rétt að greina stuttlega frá hvernig viðhaldi íbúðanna er háttað. Í öllum hverfum borgarinnar eru félagslegar leiguíbúðir sem ætlaðar eru fjölskyldum og einstaklingum undir tilteknum eigna- og tekjumörkum, auk leiguíbúða fyrir aldraða og fólk með fötlun. Alls rúmlega 3000 íbúðir. Árleg fjölgun íbúða er í takti við áherslur Reykjavíkurborgar um frekari uppbyggingu til þess að mæta þörfum fyrir húsnæði og er gjarnan miðað við að 5% íbúða í borginni séu félagslegar leiguíbúðir. Flestar íbúðirnar sem keyptar hafa verið á undanförnum árum eru í nýbyggingum. Á hverju ári er fjöldinn allur af íbúðum standsettur vegna leigjendaskipta. Fagmenntaðir starfsmenn Félagsbústaða yfirfara íbúðirnar og gera áætlun um viðhald og kostnað. Fengnir eru fagaðilar á sínu sviði í þær endurbætur sem með þarf fyrir næstu útleigu. Þannig voru á árinu 2021 12% íbúða félagsins endurnýjaðar vegna nýrra leigjenda eða flutnings leigjenda milli íbúða auk þess sem gerðir voru leigusamningar um 100 nýkeyptar íbúðir. Viðhaldi íbúða í búsetu er sinnt í kjölfar ábendinga frá leigjendum eða húsfélagi viðkomandi fjölbýlishúss. Þjónustuborð Félagsbústaða skráir niður öll erindi og kemur þeim í réttan farveg til viðeigandi úrlausnar. Á árinu 2021 voru skráðar 2330 viðhaldsbeiðnir. Beiðnirnar eru eins og gefur að skilja af fjölbreyttum toga allt frá biluðum krana til lekavandamála. Iðnaðarmenn sinna öllum þessum erindum. Auk þessa berast erindi eða ábendingar um flóknari úrlausnarefni og er þá farið í sérstaka húsnæðisskoðun til frekari greiningar. Þegar leigjendur tilkynna um leka, óeðlilegan raka eða grun um myglu er farið í sérstakar húsnæðisskoðanir og eftir atvikum fengnir óháðir aðilar til að mæla loftgæði og/eða taka sýni til að kanna mygluvöxt. Myglu í húsnæði má einkum rekja til utanaðkomandi vatnsleka, leka innanhúss, ónógrar loftunar og ófullnægjandi þrifa. Leitast er við að komast að upptökum vandans og gera þær lagfæringar sem með þarf. Félagsbústaðir leggja áherslu á að svara öllum þeim erindum sem berast frá leigjendum og aðstoða við úrlausn þeirra mála sem upp koma vegna viðhalds eða annarra erinda. Á síðastliðnum 3 árum hefur MMR framkvæmt tvær þjónustukannanir meðal leigjenda Félagsbústaða. Ánægjulegt er að meiri ánægja mælist með þjónustuþætti í síðari könnuninni sem fram fór í apríl á síðasta ári. Þar kom í ljós að 84% leigjanda eru ánægðir eða mjög ánægðir með að leigja hjá Félagsbústöðum sem er aukning frá fyrri mælingu. Alls mældust 72% leigjenda ánægðir með þjónustu Félagsbústaða sem er aukning um 10% milli mælinga. Ánægja eða mikil ánægja með viðhaldsþjónustu mældist 60% og jókst ánægjan um 4% milli kannana. Niðurstöður eru rýndar og lagt á ráðin um úrbætur og hvernig má gera gott betra. Félagsbústaðir eru hlutafélag að fullu í eigu Reykjavíkurborgar. Eigandinn skipar stjórn félagsins sem ber ábyrgð á rekstrinum. Þannig hafa kjörnir fulltrúar aðrir en þeir sem sæti eiga í stjórninni ekki beina aðkomu að rekstri Félagsbústaða. Sigrún Árnadóttir, framkvæmdastjóri Félagsbústaða
Mygla í félagslegu íbúðarhúsnæði Reykjavíkurborgar Við heyrum reglulega af vandamálum tengdum myglu og raka í húsnæði á vegum Reykjavíkurborgar. Er umræðan þá aðallega tengd skólum og vellíðan barna og starfsmanna þar. En hvað um fjölskyldur sem eru í félagslegu húsnæði á vegum borgarinnar og af ýmsum ástæðum jafnvel föst þar? Er ástandið á íbúðunum þar bara í lagi? 3. maí 2022 15:00
Ég skvetti málningu á bandaríska sendiráðið en hér er opið bréf til utanríkisráðherra Margrét Rut Eddudóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun
Skoðun Ég skvetti málningu á bandaríska sendiráðið en hér er opið bréf til utanríkisráðherra Margrét Rut Eddudóttir skrifar
Skoðun Þriðjungur barna af erlendum uppruna tilheyrir ekki skólanum sínum Sara Björg Sigurðardóttir skrifar
Skoðun Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur skrifar
Ég skvetti málningu á bandaríska sendiráðið en hér er opið bréf til utanríkisráðherra Margrét Rut Eddudóttir Skoðun
Telur rektor Háskóla Íslands úrskurði alþjóðadómstóla og ályktanir Sameinuðu þjóðanna vera pólitískt álitamál? Elí Hörpu- og Önundarbur Skoðun
Þriðjungur barna af erlendum uppruna tilheyrir ekki skólanum sínum Sara Björg Sigurðardóttir Skoðun