Memp­his síðasta liðið inn í undan­úr­slitin

Staðan í einvíginu fyrir leik næturinnar var 3-2 Memphis í vil ljóst að sigur myndi fleyta Skógarbjörnunum áfram. Framan af leik var það hins vegar Minnesota sem var með yfirhöndina, það er þangað í síðasta fjórðung leiksins.

Þar héldu Skógarbjörnunum engin bönd og þeir röðuðu niður stigum, alls skoruðu leikmenn Memphis 40 stig í síðasta fjórðung leiksins og tókst þar með að snúa leiknum sér í hag. 

Lokatölur 114-106.

Dillon Brooks og Desmond Bane voru stigahæstir hjá Memphis með 23 stig. Þar á eftir kom Jaren Jackson Jr. með 18 stig og 14 fráköst. Ja Morant og Brandon Clarke skoruðu svo 17 stig ásamt því að Morant gaf 11 stoðsendingar og tók 8 fráköst.

Hjá Minnesota var Anthony Edwards stigahæstur með 30 stig. Hér að neðan má sjá hvaða lið mætast í undanúrslitum.