Íslenski boltinn

„Lang­þráðar fram­kvæmdir“ hafnar á svæði KA

Runólfur Trausti Þórhallsson skrifar
Mynd frá framkvæmdunum sem hófust í dag.
Mynd frá framkvæmdunum sem hófust í dag. KA

Framkvæmdir hófust í dag á svæði íþróttafélagsins KA á Akureyri. Um er að ræða langþráðar framkvæmdir sem eiga að endurbæta aðstöðu til knattspyrnuiðkunar hjá félaginu. Heldur Akureyrar bær utan um framkvæmdina.

„Fyrsta skrefið í framkvæmdum er jarðvegsvinna þangað sem færa á núverandi gervigras. Það verður einfaldlega dregið yfir og mun nýtast í svipaðri mynd og í dag, en þó verða engin flóðljós sett upp við það,“ segir á vef KA um málið.

Þá verður nýtt gervigras lagt á svæðið þar sem núverandi gervigras er. Sett verður upp vökvunarkerfi og stúka sem hægt verður að færa. Mun KA spila heimaleiki sína í Bestu-deildinni á vellinum um leið og hann er tilbúinn. Líkt og í fyrra mun liðið þó hefja mótið á Dalvík.

Sævar Pétursson, framkvæmdastjóri KA, segir að um góðan dag sé að ræða. Fyrsta skrefið af mörgum var allavega tekið í dag. Stefnt er að því að hefja vinnu við gervigrasvöllinn eftir páska.

KA mætir Leikni Reykjavík á Dalvík þann 20. apríl í fyrstu umferð Bestu-deildar karla í fótbolta.

Besta deildin er á Stöð 2 Sport en nýtt keppnistímabil hefst 18. apríl. Smelltu hér til að horfa á leiki og þætti. Besta deildin er hluti af Stöð 2 Sport Ísland sem kostar 3.990 kr. á mánuði og má kaupa hér.

Fótbolti Íslenski boltinn Besta deild karla KA Akureyri

Mest lesið


Fleiri fréttir

Sjá meira


×

Mest lesið